यूहन्ना 2:4 - Bagheli Bible

⁴ तब यीसु उनसे कहिन, “हे अम्मा, अपना हमहीं इआ काहे बताइत हएन? हमरे काम करँइ के समय अबे नहीं आबा आय।”

यूहन्ना 2:4 ပူးပေါင်းရင်းမြစ်များ

मत्ती 15:28

इआ बात काहीं सुनिके यीसु उआ मेहेरिआ काहीं जबाब दिहिन, “हे बहिनी, तोंहार बिसुआस बड़ा हय। जइसन तूँ चहते हया, उहयमेर तोंहरे खातिर होय।” अउर ओखर बिटिया ओतनिनदार नीक होइगे।

मत्ती 8:29

ऊँ पंचे चिल्लाइके कहिन; “हे परमातिमा के लड़िका, हमार अपना से कउनव काम नहिं आय? का अपना समय से पहिलेन हमहीं दुख देंइ आए हएन?”

लूका 2:49

यीसु उनसे कहिन, “तूँ पंचे हमहीं काहे ढूँढ़त रहे हया? काहे तूँ नहीं जानत रहे आह्या, कि हमहीं अपने पिता परमातिमा के मन्दिर माहीं रहब जरूरी हय?”

यूहन्ना 12:23

इआ सुनिके यीसु उनसे कहिन, “मनई के लड़िका के महिमा होंइ के समय आइगा हय।

यूहन्ना 13:1

फसह नाम के तेउहार से पहिलेन जब यीसु जान लिहिन, कि इआ संसार काहीं छोंड़िके, पिता के लघे जाँइ के हमार समय आइगा हय, त ऊँ अपने प्रेम करँइ बालेन से जउन संसार माहीं रहे हँय, उनसे जइसन प्रेम करत रहे हँय, आखिरी समय तक उहयमेर प्रेम करत रहिगें।

यूहन्ना 2:3

उहाँ जब अंगूर के रस चुकिगा, तब यीसु के महतारी यीसु से कहिन, कि उनखे लघे अंगूर के रस अब एक्कव नहिं आय।

यूहन्ना 20:13

तब ऊँ पंचे मरियम से कहिन, “हे बहिनी, तूँ काहे रोउते हया?” तब मरियम उनसे कहिन, “ऊँ पंचे हमरे प्रभू काहीं उठाय लइगे हँय, अउर हम नहीं जानित आहेन, कि उनहीं कहाँ धरिन हीं।”

यूहन्ना 20:15

तब यीसु उनसे कहिन, “हे बहिनी, तूँ काहे रोउते हया? केही ढुँढ़ते हया?” ऊँ उनहीं माली समझिके उनसे कहिन, “हे महाराज, अगर अपना उनहीं उठाय लइ गएन हय, त हमहीं बताय देई, कि उनहीं कहाँ धरे हएन, त हम उनहीं लइ जाब।”

यूहन्ना 7:30

एसे ऊँ पंचे यीसु काहीं पकड़ँइ चाहत रहे हँय, तऊ कोऊ उनहीं नहीं पकड़ सकें, काहेकि अबे उनखे पकड़े जाँइ, अउर मारे जाँइ के समय नहीं आबा रहा आय।

यूहन्ना 7:6

तब यीसु अपने भाइन से कहिन, “हमरे खातिर अबे ठीक समय नहीं आबा आय, पय तोंहरे पंचन के खातिर हर समय ठीक हय।

यूहन्ना 7:8

तूँ पंचे तेउहार मनामँइ जा: हम अबे इआ तेउहार माहीं न जाब; काहेकि अबे तक हमरे खातिर उचित समय नहीं आबा आय।”

यूहन्ना 8:20

ईं बातन काहीं यीसु मन्दिर माहीं उपदेस देत समय भन्डार घर माहीं कहिन तय, अउर कोऊ उनहीं पकड़ नहीं सकें; काहेकि पकड़े जाँइ, अउर मारे जाँइ के उनखर समय अबे नहीं आबा रहा आय।

2 कुरिन्थियन 5:16

एसे अब से हम पंचे कउनव मनई काहीं संसारिक नजर से न देखब, काहेकि एक समय हमहूँ पंचे मसीह काहीं संसारिक नजर से देखत रहे हएन। तऊ अब से हम पंचे मसीह काहीं संसारिक नजर से न देखब।