यूहन्ना 2:2 - Bagheli Bible

² यीसु अउर उनखे चेलन काहीं घलाय उआ बिआह माहीं नेउता दीन ग रहा हय।

यूहन्ना 2:2 ပူးပေါင်းရင်းမြစ်များ

मत्ती 12:19

ईं न त कोहू से लड़ाई-झगड़ा करिहँय, अउर न चन्डे से चिल्लाबय करिहँय; अउर न कोऊ बजारन माहीं इनखर बोलय सुनी।

मत्ती 25:40

तब राजा उनहीं जबाब देइहँय, कि ‘हम तोंहसे सही कहित हएन, कि तूँ पंचे हमरे ईं छोट से छोट भाई-बहिनिन म से अगर कोहू के साथ अइसन किहा हय, त उआ हमरेन साथ किहा हय’।”

मत्ती 25:45

अउर तब ऊँ उनहीं इआ जबाब देइहँय, कि ‘हम तोंहसे सही कहित हएन, कि तूँ पंचे हमरे ईं छोट से छोट भाई-बहिनिन म से कोहू के साथ अइसन नहीं किहा, त उआ हमरे साथ घलाय नहीं किहा आय।’

यूहन्ना 2:12

एखे बाद यीसु, अपने महतारी, भाई अउर चेला लोगन के साथ कफरनहूम सहर माहीं गें, अउर उहाँ कुछ दिना रहें।

यूहन्ना 2:17

तब उनखे चेलन काहीं सुधि आई, कि पबित्र सास्त्र माहीं लिखा हय, कि “अपना के घर काहीं सुद्ध बनाए रहँइ के हमार लगन, एक दिन हमार जान लइ लेई।”

यूहन्ना 2:22

एखे बाद जब यीसु मरे के बाद पुनि जिन्दा होइगें, तब उनखे चेलन काहीं सुधि आई, कि ऊँ इआ कहिन रहा हय, अउर ऊँ पंचे उनखे बारे माहीं पबित्र सास्त्र माहीं लिखे बचन, अउर उआ बचन के जउन यीसु कहिन तय, बिसुआस किहिन।

यूहन्ना 2:3

उहाँ जब अंगूर के रस चुकिगा, तब यीसु के महतारी यीसु से कहिन, कि उनखे लघे अंगूर के रस अब एक्कव नहिं आय।

यूहन्ना 3:22

एखे बाद यीसु अपने चेलन के साथ यहूदिया प्रदेस माहीं यहूदी लोगन के लघे आएँ; अउर ऊँ उहाँ उनखे साथय माहीं रहिके बपतिस्मा देंइ लागें।

यूहन्ना 4:2

(जबकि यीसु खुद बपतिस्मा नहीं देत रहे आँय, बलकिन उनखर चेला बपतिस्मा देत रहे हँय।)

यूहन्ना 4:33

तब चेला लोग आपस माहीं कहँइ लागें, कोऊ उनखे खाँय के खातिर कुछू लइ आबा हय का?

यूहन्ना 4:8

उआ समय उनखर चेला लोग सहर माहीं खाना खरीदँय चलेगे रहे हँय।

यूहन्ना 6:12

जब ऊँ पंचे खाइके संतुस्ट होइगें, तब यीसु अपने चेलन से कहिन, “जउन टुकड़ा बचिगे हँय उनहीं उठाय ल्या, जउने कुछू बेकार न जाय।”

यूहन्ना 6:16

जब साँझ होइगे, तब उनखर चेला लोग झील के किनारे गें।

यूहन्ना 6:60

एसे यीसु के चेलन म से खुब जने इआ सुनिके कहिन, इआ बात खुब कठोर अउर समझ से बाहर ही; एही को मान सकत हय?

यूहन्ना 6:66

इहय कारन से यीसु के चेलन म से खुब जने वापिस लउटिगें, अउर पुनि उनखे साथ कबहूँ नहीं चलें।

यूहन्ना 6:67

तब यीसु ऊँ बरहँव चेलन से कहिन, “का तुहूँ पंचे चले जाँइ चहते हया।”

यूहन्ना 6:70

यीसु उनहीं जबाब दिहिन, का “तोंहईं बरहँव जनेन काहीं हमहिन नहीं चुने आहेन? तऊ तोंहरेन म से एक जने सइतान हय।”

यूहन्ना 6:71

इआ बात यीसु समौन इस्करियोती के लड़िका यहूदा के बारे माहीं कहिन तय, काहेकि उआ यीसु के खिलाफ होइके उनहीं धोखा देंइ बाला रहा हय, अउर उहव उन बरहँव चेलन म से रहा हय।

यूहन्ना 6:8

तब उनखे चेलन म से समौन पतरस के भाई अन्द्रियास यीसु से कहिन।

यूहन्ना 7:3

एसे यीसु के सगले भाई उनसे कहिन, अपना काहीं इआ जघा छोंड़िके यहूदिया प्रदेस माहीं चले जाँइ चाही, जउने अपना जउन काम करित हएन, उनहीं अपना के चेलव देखँइ।

खास चेलन 11:26

अउर जब उनसे मिलें तब उनहीं अन्ताकिया सहर माहीं लइ आएँ, अउर अइसन भ कि ऊँ पंचे एक बरिस तक मसीही मन्डली के मनइन से मिलत-जुलत, अउर खुब मनइन काहीं उपदेस देत रहिगें, अउर अन्ताकिया सहर माहीं सगलेन से पहिले यीसु के चेला लोग मसीही कहाए।

खास चेलन 11:29

तब चेला लोग इआ निरनय किहिन कि, हरेक जने अपने छमता के मुताबिक, यहूदिया प्रदेस माहीं रहँइ बाले बिसुआसी भाई-बहिनिन के सेबा के खातिर कुछ धन पठमँइ।

1 कुरिन्थियन 10:31

एसे चाह तूँ पंचे खा-पिआ, अउर चाह जउन कुछू करा, पय ऊँ सगलेन के द्वारा परमातिमा के बड़ाई होंइ क चाही।

1 कुरिन्थियन 7:39

जब तक कउनव मेहेरिआ के मंसेरुआ जिन्दा रहत हय, तब तक उआ काज के बन्धन माहीं ओसे बँधी रहत ही; पय अगर ओखर मंसेरुआ मरि जाय, त उआ जेसे चाहय ओसे काज कइ सकत ही, पय केबल बिसुआसी के साथ।

कुलुस्सियन 3:17

अउर तूँ पंचे जउन कुछू काम करा, इआ कि बचन सुनाबा, सगले काम प्रभू यीसु मसीह के नाम से करा, अउर उनहिन के व्दारा पिता परमातिमा के धन्यबाद करत रहा।

इब्रानियन 13:4

अउर काज-बिआह सबके बीच माहीं मान-सम्मान के बात समझी जाय, अउर उनखर बिछउना निस्कलंक होंइ चाही, अरथात जिनखर बिआह होत हय, उनहीं पबित्र होंइ चाही, काहेकि परमातिमा ब्यभिचारिन, अउर दुसरे के मेहेरिआ के साथ नजायज सम्बन्ध बनामँइ बालेन के न्याय करिहँय।

दरसनन के बातँय 3:20

देखा, हम दुअरा माहीं ठाढ़े खट-खटाइत हएन; अगर कोऊ हमार बोल सुनिके दुअरा खोली, त हम ओखे भीतर आइके ओखे साथ खाना खाब, अउर उआ हमरे साथ।