यूहन्ना 2:1 - Bagheli Bible

¹ एखे बाद तिसरे दिन गलील प्रदेस के काना गाँव माहीं कोहू के काज होत रहा हय, अउर यीसु के महतारी घलाय उहाँ नेउते माही रही हँय।

यूहन्ना 2:1 ပူးပေါင်းရင်းမြစ်များ

मत्ती 12:46

जब यीसु भीड़ के मनइन से ईं बातँय करतय रहे हँय, कि तबहिनय उनखर महतारी अउर भाई लोग बहिरे ठाढ़ भें, अउर ऊँ पंचे यीसु से बात करँइ चाहत रहे हँय।

यूहन्ना 1:29

दुसरे दिन यूहन्ना बपतिस्मा देंइ बाले, यीसु काहीं अपनी कइती आबत देखिके कहिन, “देखा, ईं परमातिमा के मेम्ना आहीं, जउन संसार के मनइन के पाप उठाय लइ जइहँय।

यूहन्ना 1:35

दुसरे दिन पुनि यूहन्ना अउर उनखे चेलन म से दुइ जने ठाढ़ रहे हँय।

यूहन्ना 1:43

दुसरे दिन यीसु गलील प्रदेस काहीं जाँइ के निस्चय किहिन; अउर फिलिप्पुस से मिलिके कहिन, “हमरे पीछे चले आबा।”

यूहन्ना 2:11

यीसु गलील प्रदेस के काना गाँव माहीं, इआ पहिल चमत्कार देखाइके, अपने महिमा काहीं देखाइन, इआ देखिके उनखर चेला लोग उनखे ऊपर बिसुआस किहिन।

यूहन्ना 21:2

जब समौन पतरस अउर थोमा जउन दिदुमुस नाम से घलाय जाने जात रहे हँय, अउर गलील प्रदेस के काना गाँव के नतनएल अउर जब्दी के लड़िका, अउर उनखे चेलन म से दुइ जने अउर एकट्ठा रहे हँय।

यूहन्ना 4:46

यीसु ओखे बाद गलील प्रदेस के काना गाँव माहीं आएँ, जहाँ ऊँ पानी काहीं अंगूर के रस बनाइन रहा हय: उहाँ राजा के एकठे कर्मचारी रहा हय, जेखर लड़िका कफरनहूम सहर माहीं बिमार रहा हय।

इब्रानियन 13:4

अउर काज-बिआह सबके बीच माहीं मान-सम्मान के बात समझी जाय, अउर उनखर बिछउना निस्कलंक होंइ चाही, अरथात जिनखर बिआह होत हय, उनहीं पबित्र होंइ चाही, काहेकि परमातिमा ब्यभिचारिन, अउर दुसरे के मेहेरिआ के साथ नजायज सम्बन्ध बनामँइ बालेन के न्याय करिहँय।