यूहन्ना 13:3 - Bagheli Bible

³ यीसु इआ जानिके, कि पिता परमातिमा सगली चीजन के ऊपर हमहीं अधिकार दइ दिहिन हीं, अउर हम परमातिमा के लघे से आएन हँय, अउर उनहिन के लघे जइत हएन।

यूहन्ना 13:3 ပူးပေါင်းရင်းမြစ်များ

मत्ती 11:27

हमार पिता परमातिमा सब कुछ हमहीं सँउप दिहिन हीं; अउर कोऊ नहीं जानँय, कि लड़िका को आहीं, केबल पिता जानत हें, अउर पिता को आहीं इहव कोऊ नहीं जानँय, उनहीं केबल लड़िका जानत हें, अउर लड़िका जेही बतामँइ चाही उहय जानी।”

मत्ती 28:18

तब यीसु उनखे लघे आइके कहिन, “स्वरग अउर धरती के सगला अधिकार हमहिन काहीं दीनगा हय।

लूका 10:22

हमार पिता परमातिमा सब कुछ हमहीं सँउप दिहिन हीं; अउर कोऊ नहीं जानँय कि लड़िका को आहीं, केबल पिता जानत हें, अउर पिता को आहीं इहव कोऊ नहीं जानँय, केबल लड़िका जानत हय, अउर लड़िका जेही बतामँइ चाही उहय जानी।”

यूहन्ना 1:18

परमातिमा काहीं कबहूँ कोऊ नहीं देखिस, पय केबल परमातिमा के एकलउते लड़िका, जउन हमेसा उनहिन के साथ रहत हें, उँइन उनखे बारे माहीं हमहीं पंचन काहीं बताइन हीं।

यूहन्ना 13:1

फसह नाम के तेउहार से पहिलेन जब यीसु जान लिहिन, कि इआ संसार काहीं छोंड़िके, पिता के लघे जाँइ के हमार समय आइगा हय, त ऊँ अपने प्रेम करँइ बालेन से जउन संसार माहीं रहे हँय, उनसे जइसन प्रेम करत रहे हँय, आखिरी समय तक उहयमेर प्रेम करत रहिगें।

यूहन्ना 17:2

काहेकि अपना उनहीं सगले जाति के मनइन के ऊपर अधिकार दिहेन हँय, कि जिनहीं अपना उनहीं चुनिके दिहेन हँय, ऊँ सगलेन काहीं अनन्त जीबन देंय।

यूहन्ना 3:13

काहेकि ऊपर स्वरग माहीं कोऊ नहीं ग आय, केबल ऊँ जउन स्वरग से उतरिके आए हँय, अरथात मनई के लड़िका।

यूहन्ना 3:35

परमपिता अपने लड़िका से पियार करत हें, अउर उनहिन के हाँथे माहीं सगली चीजन काहीं सँउप दिहिन हीं।

यूहन्ना 7:29

हम उनहीं जानित हएन; काहेकि हम उनहिन के तरफ से आएन हँय, उँइन हमहीं पठइन हीं।”

यूहन्ना 7:33

एखे बाद यीसु कहिन, “हम थोरी देर तक अउर तोंहरे साथ हएन; फेर हम अपने पठमँइ बाले के लघे चले जाब।

यूहन्ना 8:14

यीसु उनहीं जबाब दिहिन; “अगर हम आपन गबाही खुदय देइत हएन, तऊ हमार गबाही ठीक ही, काहेकि हम जानित हएन, कि हम कहाँ से आएन हय, अउर कहाँ जाब? पय तूँ पंचे नहीं जनते आह्या, कि हम कहाँ से आएन हय, अउर कहाँ जाब।

यूहन्ना 8:42

इआ सुनिके यीसु उनसे कहिन, “अगर वास्तव माहीं परमातिमा तोंहार पिता होतें, त तूँ पंचे हमसे प्रेम रख त्या; काहेकि हम परमातिमय से निकरिके आएन हँय; हम अपने से नहीं आएन, बलकिन उँइन हमहीं पठइन हीं।

खास चेलन 2:36

एसे इजराइल के सगला घराना निस्चित जान लेय, कि परमातिमा उँइन यीसु काहीं, जिनहीं तूँ पंचे क्रूस माहीं चढ़ाया तय, प्रभू अउर मसीह दोनव ठहराइन हीं।”

1 कुरिन्थियन 15:27

काहेकि बचन माहीं लिखा हय, कि “परमातिमा सब कुछ मसीह के अधीन कइ दिहिन हीं”, त एखर मतलब इआ हय, कि सब कुछ मसीह के अधीन कइ दीनगा हय; अउर जबकि परमातिमा सब कुछ उनखे अधीन कइ दिहिन हीं, त केबल उँइन भर उनखे अधीन नहिं आहीं।

इब्रानियन 1:2

पय ईं आखिरी दिनन माहीं अपने लड़िका के द्वारा हमसे पंचन से बातँय किहिन हीं, अउर उनहिन काहीं ऊँ सगले चीजन के बारिसदार ठहराइन हीं, अउर उनहिन के द्वारा ऊँ सगले संसार काहीं बनाइन हीं।