यूहन्ना 10:3 - Bagheli Bible

³ अउर ओखे खातिर गाड़र के सार माहीं पहरा देंइ बाला चउकीदार, दुअरा खोल देत हय, अउर गाड़र ओखे बात काहीं मनती हईं, अउर उआ अपने गड़रन काहीं ‘नाम लइ-लइके बोलाबत हय, अउर बहिरे लइ जात हय।

यूहन्ना 10:3 ပူးပေါင်းရင်းမြစ်များ

यूहन्ना 10:14

निकहा चरबाहा हमहिन आहेन; अउर हम अपने गड़रन काहीं जानित हएन, अउर हमार सगली गाड़र हमहीं जनती हईं।

यूहन्ना 10:16

अउर हमार अउरव गाड़र हईं, जउन अबय तक गाड़र के इआ सार माहीं नहिं आहीं; हमहीं उनहूँ काहीं लइ आउब जरूरी हय, अउर ऊँ सगली हमार बात मनि हँय; तब एकयठे झुन्ड, अउर एकयठे चरबाहा होई।

यूहन्ना 10:4

अउर जब उआ अपने गड़रन काहीं सार से बहिरे निकार चुकत हय, तब उआ आँगे-आँगे चलत हय, अउर गाड़र ओखे पीछे-पीछे चलती हईं; काहेकि ऊँ सगली ओखे बोल काहीं पहिचनती हईं।

यूहन्ना 10:9

दुअरा हमहिन आहेन: अगर कोऊ हमरे व्दारा भीतर जई, त उआ मुक्ती पाई, अउर भीतर- बाहरअई जई अउर चारा पाई।

यूहन्ना 6:37

अउर पिता परमातिमा जिनहीं चुनिके हमहीं दिहिन हीं, ऊँ सगले जन हमरे लघे अइहँय, अउर हम उनहीं कबहूँ न लउटाउब।

यूहन्ना 6:45

परमातिमा के सँदेस बतामँइ बालेन के किताबन माहीं लिखा हय, ‘ऊँ पंचे सगले जन परमातिमा के तरफ से सिखाए होइ हँय।’ जे कोऊ पिता परमातिमा से सुनिस अउर सिखिस ही, उआ हमरे लघे आबत हय।

रोमियन 8:30

अउर जिनहीं परमातिमा पहिलेन से चुनिन रहा हय, उनहीं अपने लघे बोलाइन घलाय, अउर जिनहीं अपने लघे बोलाइन हीं, उनहीं अपने नजर माहीं निरदोस घलाय ठहराइन हीं, अउर जिनहीं अपने नजर माहीं निरदोस ठहराइन हीं, उनहीं आपन महिमा घलाय दिहिन हीं।

1 कुरिन्थियन 16:9

जबकि बिरोध करँइ बाले मनई उहाँ खुब हें, तऊ सेबा करँइ के खातिर उहाँ खुब मोका हय।

फिलिप्पियन 4:3

अउर हे हमार सच्चे सहकर्मी हम तोंहऊँ से अनुरोध करित हएन, कि तूँ उन मेहेरिअन के मदत किहा, काहेकि ऊँ पंचे क्लेमेंस अउर हमरे साथ माहीं काम करँइ बालेन के साथय, खुसी के खबर के प्रचार करँइ माहीं बड़ी मेहनत किहिन हीं, इनखर नाम जीबन के किताब माहीं लिख लीनगे हँय।

कुलुस्सियन 4:3

अउर एखे साथय-साथ हमरे पंचन के खातिर घलाय इआ प्राथना करत रहा, कि परमातिमा हमहीं पंचन काहीं बचन सुनामँइ के मोका देंय, कि हम पंचे मसीह के उआ भेद काहीं बताय सकी, जेखे कारन हम जेल माहीं हएन।

2 तीमुथियुस 2:19

तऊ परमातिमा जिनहीं चुनिन हीं, ऊँ बिसुआस माहीं पक्की नेव कि नाईं मजबूत बने रइहँय, काहेकि उनखे ऊपर बचन रूपी छाप लगी हय, “कि प्रभू अपने चुने मनइन काहीं पहिचानत हें।” अउर “जे कोऊ प्रभू के नाम के ऊपर बिसुआस करत हय, उआ बुरे कामन से बचा रहय।”

1 पतरस 1:12

अउर उनहीं पंचन काहीं इआ बताबा ग रहा हय, कि ऊँ पंचे ईं बातन काहीं बताइके आपन नहीं, बलकिन तोंहार पंचन के सेबा करत हें। अउर जउन खुसी के खबर अब तोंहईं पंचन काहीं, ऊँ मनइन के द्वारा मिली हय, जिनहीं स्वरग से पबित्र आत्मा मिला रहा हय, अउर ऊँ पंचे ओहिन के बताए से, तोंहईं पंचन काहीं खुसी के खबर सुनाइन रहा हय, अउर स्वरगदूत घलाय ईं बातन काहीं देखँइ के बड़ी लालसा करत हें।

1 यूहन्ना 4:6

हम पंचे परमातिमा के आहेन, जउन मनई परमातिमा काहीं जानत हय, उआ हमार पंचन के बात सुनत हय; जउन मनई परमातिमा काहीं नहीं जानय, उआ हमार पंचन के बात नहीं सुनय; इआ मेर से हम पंचे सत्य के आत्मा, अउर भटकामँइ बाली आत्मा, काहीं पहिचान सकित हएन।

3 यूहन्ना 1:14

पय हमहीं आसा ही, कि हम तोंहसे हरबिन मिलब, तब हम तोंहसे आमने-सामने बातचीत करब।

दरसनन के बातँय 20:15

अउर जेखर-जेखर नाम जीबन के किताब माहीं लिखा नहीं मिला, ऊँ सगले, आगी के झील माहीं डार दीनगें।

दरसनन के बातँय 3:20

देखा, हम दुअरा माहीं ठाढ़े खट-खटाइत हएन; अगर कोऊ हमार बोल सुनिके दुअरा खोली, त हम ओखे भीतर आइके ओखे साथ खाना खाब, अउर उआ हमरे साथ।

दरसनन के बातँय 7:17

काहेकि मेम्ना जउन सिंहासन के बीच माहीं हें, उनखर देखभाल करिहँय; अउर उनहीं पंचन काहीं जीबन रूपी पानी के झिन्नन के लघे लइ जाबा करिहँय, अउर परमातिमा उनखे आँखिन से सगले आँसू पोंछि डरिहँय।