यूहन्ना 10:2 - Bagheli Bible

² पय जउन दुअरा से गाड़र के सार माहीं जात हय, उहय गड़रन के चरबाहा आय।

यूहन्ना 10:2 ပူးပေါင်းရင်းမြစ်များ

मत्ती 15:11

जऊँ मनई के मुहें से पेटे के भीतर जात हय, उआ मनई काहीं असुद्ध नहीं करय, बलकिन जउन बातँय मनई के मुहें से (मन से) निकरती हईं, केबल उँइन बातँय मनई काहीं परमातिमा के नजर माहीं असुद्ध करती हईं।”

यूहन्ना 10:14

निकहा चरबाहा हमहिन आहेन; अउर हम अपने गड़रन काहीं जानित हएन, अउर हमार सगली गाड़र हमहीं जनती हईं।

यूहन्ना 10:7

तब यीसु उनसे पुनि कहिन, “हम तोंहसे सही-सही कहित हएन, कि गड़रन के दुअरा हमहिन आहेन।

यूहन्ना 10:9

दुअरा हमहिन आहेन: अगर कोऊ हमरे व्दारा भीतर जई, त उआ मुक्ती पाई, अउर भीतर- बाहरअई जई अउर चारा पाई।

खास चेलन 20:28

एसे अपना पंचे आपन अउर अपने पूरे झुन्ड के रखबारी करी; जउने खातिर पबित्र आत्मा अपना पंचन काहीं अँगुआ ठहराइन हीं; कि अपना पंचे परमातिमा के मसीही मन्डली के रखबारी करी, जेही ऊँ अपने खून से मोल लिहिन हीं।

1 तीमुथियुस 4:14

हे बेटा तीमुथियुस, परमातिमा के उन सँदेस बतामँइ बालेन के बातन के मुताबिक, बुजुर्ग बिसुआसी के तोंहरे ऊपर हाँथ धइके प्राथना किहे से, जउन बरदान तोहईं मिला रहा हय, ओखर उपयोग करा,

तीतुस 1:5

हम एखे खातिर तोहईं क्रेते टापू माहीं छोंड़िके आएन रहा हय, कि जउन काम अधूरा रहिगा तय, तूँ ओही पूर करा, अउर हमरे हुकुमय के मुताबिक हरेक सहरन के मसीही मन्डलिन माहीं, अँगुअन काहीं नियुक्त करा।

इब्रानियन 13:20

अउर सान्ती देंइ बाले परमातिमा, हमरे पंचन के प्रभू यीसु मसीह काहीं मरेन म से जिन्दा कइ दिहिन हीं, जउन गड़रन के महान चरबाहा आहीं, अउर उनहिन के खून से हमरे पंचन के साथ सनातन के खातिर करार बाँधिन हीं।

1 पतरस 2:25

काहेकि तूँ पंचे पहिले भटकी गड़रन कि नाईं रहे हया, पय अब अपने प्रान के रखबारी करँइ बाले, अउर मुखिया, अरथात परमातिमा के लघे पुनि आय गए हया।

1 पतरस 5:4

अउर जब संसार के रखबारी करँइ बाले परमप्रधान अइहँय, त तोंहईं पंचन काहीं महिमा के मुकुट दीन जई, जउन कबहूँ न मुरझई।

दरसनन के बातँय 1:20

अउर ऊँ सातव तरइअन के भेद, जिनहीं तूँ हमरे दहिने हाँथ माहीं देख रहे हया, अउर ऊँ सातव सोने के दीबटन के भेद, ऊँ सातठे तरइया, सातव मसीही मन्डलिन के दूत आहीं, अउर ऊँ सातव दीबट, सातठे मसीही मन्डली आहीं।”