यूहन्ना 1:9 - Bagheli Bible

⁹ उआ सच्ची जोति जउन संसार के हरेक मनइन काहीं ग्यान रूपी उँजिआर देत ही, संसार माहीं आमँइ बाली रही हय।

यूहन्ना 1:9 ပူးပေါင်းရင်းမြစ်များ

मत्ती 6:23

पय अगर तोंहार आँखी बुरी होई, त तोंहरे सगली देंह माहीं अँधिआर रही; इआ कारन से जउन उँजिआर तोंहरे जीबन माहीं हय, अगर उआ अँधिआर होइ जाय, त उआ अँधिआर केतना भयानक न होई।”

लूका 11:36

एसे अगर तोंहार सगली देंह उँजिआर कि नाईं निकही होई, अउर ओखे कउनव हिस्सा माहीं पाप न होई, त सगली देंह उँजिआर कि नाईं होइ जई, जइसन उआ समय होइ जात हय, जब दिया के उँजिआर तोंहईं मिलत हय।”

यूहन्ना 1:4

ओहिन माहीं जीबन रहा हय; अउर उहय जीबन संसार के मनइन के खातिर जोति रहा हय।

यूहन्ना 1:7

ऊँ इआ गबाही देंइ के खातिर आएँ, कि जोति के बारे माहीं गबाही देंय, जउने संसार के सगले मनई उनखे गबाही काहीं सुनिके जोति के ऊपर बिसुआस करँय।

यूहन्ना 12:46

इआ संसार माहीं हम जोति बनिके आएन हँय, जउने जे कोऊ हमरे ऊपर बिसुआस करय, त उआ अँधिआर माहीं न रहय।

यूहन्ना 14:6

तब यीसु उनसे कहिन, “गइल, सत्य अउर जीबन हमहिन आहेन; हमरे ऊपर बिसुआस किहे बिना, कोऊ पिता के लघे नहीं पहुँच सकय।

यूहन्ना 15:1

यीसु कहिन, “सच्ची दाखलता हमहिन आहेन; अउर हमार पिता किसान आहीं।

यूहन्ना 6:32

तब यीसु उनसे कहिन, “हम तोंहसे सही-सही कहित हएन, कि मूसा नबी तोंहईं पंचन काहीं उआ रोटी स्वरग से नहीं दिहिन तय, पय हमार पिता तोंहईं सच्ची रोटी स्वरग से देत हें।

यूहन्ना 7:12

अउर उहाँ आए सगले मनई आपस माहीं यीसु के बारे माहीं चुप्पय-चुप्पय बतात रहे हँय, कुछ जने कहँय, कि ऊँ निकहा मनई हें: अउर कुछ जने कहँय, कि नहीं, ऊँ मनइन काहीं गुमराह करत हें।

1 यूहन्ना 1:8

अगर हम पंचे इआ कही, कि हमरे जीबन माहीं कउनव पाप नहिं आय, त खुद काहीं धोखा देइत हएन, अउर हमरे पंचन के जीबन माहीं सत्य नहिं आय।

1 यूहन्ना 2:8

पुनि हम तोंहईं नबा हुकुम लिखित हएन; इआ आसा से कि सत्य, मसीह के अउर तोंहरे जीबन माहीं उजागर भ हय, काहेकि अँधिआर खतम होइ रहा हय, अउर सत्य के जोति चमकँइ लाग ही।

1 यूहन्ना 5:20

अउर हम पंचे इहव जानित हएन, कि परमातिमा के लड़िका आय चुके हँय, अउर ऊँ हमहीं पंचन काहीं समझ दिहिन हीं, कि हम पंचे ऊँ सच्चे परमातिमा काहीं पहिचानी, अउर हम पंचे जउन उनमा सत्य हय, मतलब उनखे लड़िका यीसु मसीह माहीं बने रहित हएन; सच्चे परमातिमा, अउर अनन्त जीबन ईंन आहीं।