यूहन्ना 1:4 - Bagheli Bible

⁴ ओहिन माहीं जीबन रहा हय; अउर उहय जीबन संसार के मनइन के खातिर जोति रहा हय।

यूहन्ना 1:4 ပူးပေါင်းရင်းမြစ်များ

मत्ती 4:16

अउर जउन मनई अँधिआर माहीं जीबन जिअत रहे हँय ऊँ पंचे महान जोति देखिन; अउर जउन मउत के छाया माहीं रहत रहे हँय, उनखे ऊपर जोति चमकी।”

लूका 2:32

अउर ऊँ सगली जातिअन के लोगन काहीं उँजिआर देंइ के खातिर जोति आहीं, कि अपना के चुने इजराइली लोगन के नाम के बड़ाई होय।”

यूहन्ना 11:25

यीसु उनसे कहिन, “जउन मनई मरिगे हँय, उनहीं पुनि जिन्दा करँइ बाले, अउर जीबन देंइ बाले हमहिन आहेन, जे कोऊ हमरे ऊपर बिसुआस करत हय, अगर उआ मरिव जाय, तऊ जिन्दा होइ जई।

यूहन्ना 12:35

तब यीसु उनसे कहिन, “जोति अब थोरी देर तक तोंहरे बीच माहीं रही, जब तक जोति तोंहरे साथ ही, तब तक चले चला; अइसा न होय कि अँधिआर आइके तोंहईं पंचन काहीं आय घेरय; जे कोऊ अँधिआर माहीं चलत हय, उआ नहीं जानय कि कउने कइती जात हय।

यूहन्ना 12:46

इआ संसार माहीं हम जोति बनिके आएन हँय, जउने जे कोऊ हमरे ऊपर बिसुआस करय, त उआ अँधिआर माहीं न रहय।

यूहन्ना 14:6

तब यीसु उनसे कहिन, “गइल, सत्य अउर जीबन हमहिन आहेन; हमरे ऊपर बिसुआस किहे बिना, कोऊ पिता के लघे नहीं पहुँच सकय।

यूहन्ना 3:19

अउर उनहीं सजा देंइ के कारन इआ हय, कि परमातिमा के लड़िका जोति के रूप माहीं संसार माहीं आएँ हँय, अउर संसार के मनई पाप रूपी अँधिआर काहीं, जोति से जादा पियार जानिन, काहेकि उनखर काम बुरे रहे हँय।

यूहन्ना 5:21

काहेकि जइसन पिता परमातिमा मरे मनइन काहीं जिन्दा कइके जीबन देत हें, उहयमेर लड़िका घलाय जिनहीं चाहत हें, उनहीं जिआबत हें।

यूहन्ना 5:26

काहेकि जउनमेर से पिता परमातिमा अपने-आप माहीं जीबन देंइ के अधिकार रक्खत हें, उहयमेर से ऊँ लड़िका काहीं घलाय इआ अधिकार दिहिन, कि ऊँ अपने-आप माहीं जीबन देंइ के अधिकार रक्खँइ।

यूहन्ना 8:12

तब यीसु पुनि मनइन से कहिन, “संसार के जोति हमहिन आहेन; जे हमरे पीछे चली उआ अँधिआर माहीं न चली, पय जीबन देंइ बाली जोति पाई।”

यूहन्ना 9:5

जब तक हम संसार माहीं हएन, तब तक हम संसार के जोति आहेन।”

खास चेलन 26:23

कि मसीह काहीं दुख उठामँइ परी, अउर उँइन सगलेन से पहिले मरेन म से जि उठिके, हमरे जाति के मनइन माहीं अउर गैरयहूदी लोगन के बीच माहीं, जोति के प्रचार करिहँय।”

1 कुरिन्थियन 15:45

अउर पबित्र सास्त्र माहीं घलाय लिखा हय, कि “पहिल मनई, अरथात आदम जिन्दा प्रानी बना” अउर आखिरी आदम, अरथात मसीह जीबन देंइ बाले आत्मा बनिगें।

इफीसियन 5:14

एहिन से पबित्र सास्त्र माहीं इआ लिखा हय, “हे सोमँइ बाले अरथात पाप माहीं जीबन बितामँइ बाले मनई, मुरदन म से जि उठ, अरथात अपने बुरे कामन काहीं छोंड़िके सत्य काहीं अपनाव; तबहिन मसीह के उँजिआर तोरे ऊपर चमकी।”

कुलुस्सियन 3:4

अउर मसीह जउन हमार पंचन के जीबनदाता आहीं, जब ऊँ दुसराय प्रगट होइहँय, तब तुहूँ पंचे उनखे साथ महिमा समेत प्रगट कीन जइहा।

1 यूहन्ना 1:1

इआ चिट्ठी माहीं हम, जीबन देंइ बाले उआ बचन के बारे माहीं लिखित हएन, जउन इआ संसार के बनामँइ से पहिलेव रहा हय, जउने काहीं हम पंचे सुनेन हय, अउर जिनहीं हम पंचे अपने आँखिन से देखेन हय, बलकिन जिनहीं हम पंचे बड़े ध्यान से देखेन, अउर हाँथन से छुएन हय।

1 यूहन्ना 1:2

ऊँ अनन्त जीबन देंइ बाले आहीं, उनहीं परमातिमा सगले मनइन के खातिर प्रगट किहिन हीं। हम पंचे उनहीं देखेन हय, अउर उनखे बारे माहीं जउन खुसी के खबर ही, ओही हम पंचे तोंहईं बताइत हएन, कि ऊँ तोंहऊँ काहीं अनन्त जीबन देंइ बाले आहीं, ऊँ पिता परमातिमा के साथ माहीं रहे हँय, अउर पिता परमातिमा उनहीं हमरे ऊपर प्रगट किहिन हीं।

1 यूहन्ना 5:11

अउर उआ गबाही इआ आय, कि परमातिमा हमहीं पंचन काहीं अनन्त जीबन दिहिन हीं, अउर इआ जीबन उनखे लड़िका माहीं हय।

दरसनन के बातँय 22:1

ओखे बाद ऊँ हमहीं सीसा कि नाईं झलकत, जीबन के पानी के नदी देखाइन, जउन परमातिमा, अउर मेम्ना के सिंहासन से निकरिके,

दरसनन के बातँय 22:16

“हम यीसु, अपने स्वरगदूत काहीं एसे पठएन हय, कि ऊँ तोंहरे पंचन के आँगे मसीही मन्डलिन के बारे माहीं, ईं बातन के गबाही देंय। हम दाऊद के मूल अउर बंस, अउर भिनसारे के चमकत तरइया आहेन।”