इफीसियन 5:9 - Bagheli Bible

⁹ (काहेकि जोति के फल हरेकमेर के भलाई, अउर धारमिकता अउर सत्य हय।)

इफीसियन 5:9 ပူးပေါင်းရင်းမြစ်များ

मत्ती 3:8

अउर तूँ पंचे अपने जीबन से इआ देखाय द्या, कि तूँ पंचे बास्तव माहीं पाप करब छोंड़ दिहा हय, अउर परमातिमा के बातन काहीं मनते हया। तूँ पंचे अपने-अपने मन माहीं इआ न सोचा, कि हम अब्राहम के सन्तान आहेन एसे परमातिमा हमहीं सजा न देइहँय; काहेकि हम तोंहसे सही कहित हएन, कि परमातिमा ईं पथरन से अब्राहम के खातिर बंस पइदा कइ सकत हें।

यूहन्ना 1:47

अउर यीसु नतनएल काहीं अपने कइती आबत देखिके, उनखे बारे माहीं कहिन, “देखा, ईं आहीं, सच्चे इजराइली, इनखे जीबन माहीं कउनव कपट नहिं आय।”

रोमियन 15:14

हे हमार भाई-बहिनिव, हम खुदय तोंहरे बारे माहीं निकहा से जानित हएन, कि तूँ पंचे भलाई करँइ माहीं आँगे हया, अउर परमातिमा तोंहईं पंचन काहीं भरपूर ग्यान दिहिन हीं, एसे तूँ पंचे एक दुसरे काहीं सिच्छा दइ सकते हया।

रोमियन 2:4

का तूँ परमातिमा के असीमित दया अउर सहनसीलता अउर धीरज काहीं तुच्छ जनते हया? तोंहईं इआ जानँइ चाही, कि परमातिमा के दया तोंहईं पस्चाताप करब सिखाबत ही।

इफीसियन 4:15

बलकिन हम पंचे प्रेम के साथ सच्चाई माहीं चलत, सगली बातन माहीं मसीह कि नाईं बनँइ के खातिर बढ़त जई, जउन सगली बातन माहीं सिर अरथात मुखिया आहीं।

इफीसियन 4:25

एसे तूँ पंचे सगले जन लबरी बोलब छोंड़ि द्या, अउर एक दुसरे से सही-सही बोला, काहेकि हम पंचे एकय देंह के अंग आहेन।

इफीसियन 6:14

एसे सत्य से आपन करिहा कस के, अउर धारमिकता के कबच अरथात झिलम पहिरिके,

फिलिप्पियन 1:11

अउर जउन काम परमातिमा के नजर माहीं निकहे हँय, उनहीं तूँ पंचे करत रहा, जउने परमातिमा के बड़ाई अउर अराधना होत रहय, काहेकि यीसु मसीह के द्वारा परमातिमा अपने नजर माहीं तोंहईं धरमी बनाइन हीं।

कुलुस्सियन 3:18

हे मेहेरिअव, अपने-अपने मंसेरुअन के उआ मेर से अधीन रहा, जइसन मसीह के ऊपर बिसुआस करँइ बाली मेहेरिअन काहीं उचित हय।

1 तीमुथियुस 6:11

पय हे परमातिमा के भक्त, तीमुथियुस, तूँ त ईं बातन से दूरिन रहा; अउर धारमिक बनँइ के पूर कोसिस करा, अउर हमेसा परमातिमा के भक्ती करा, अउर यीसु मसीह के ऊपर बिसुआस रक्खा, अउर सगलेन से प्रेम करा, अउर धीरज रक्खा, अउर नम्र बने रहा।

इब्रानियन 1:8

पय अपने लड़िका के बारे माहीं परमातिमा इआ कहत हें, कि “हे परमातिमा तोंहार सिंहासन हमेसा बना रही, अउर तूँ अपने राज माहीं न्याय के साथ सासन करिहा।

इब्रानियन 11:33

ईं पंचे परमातिमा के ऊपर किहे बिसुआसय के कारन, कइयकठे राज जीतिन; धरम के काम किहिन; वादा कीन चीजन काहीं पाइन, सेरन के मुँह बन्द किहिन,

1 यूहन्ना 2:29

अगर तूँ पंचे जनते हया, कि ऊँ धरमी हें, त इहव जनते हया, कि जे कोऊ धरम के काम करत हय, उआ परमातिमा के सन्तान आय।

3 यूहन्ना 1:11

हे पियार साथी, बुराई काहीं नहीं, बलकिन भलाई काहीं अपनामँइ बाले बना, जे कोऊ भलाई करत हय, उआ परमातिमा कइत से हय; पय जे कोऊ बुराई करत हय, उआ परमातिमा काहीं नहीं देखिस आय।