इफीसियन 5:2 - Bagheli Bible

² अउर जइसन मसीह घलाय हमसे पंचन से प्रेम किहिन हीं, उहयमेर तुहूँ पंचे एक दुसरे से प्रेम करा। अउर प्रेमय के कारन हमहीं पंचन काहीं मुक्ती देंइ के खातिर, ऊँ परमातिमा काहीं प्रसन्न करँइ बाले सुगन्धित बलिदान के रूप माहीं, उनखे आँगे खुद काहीं बलिदान कइ दिहिन।

इफीसियन 5:2 ပူးပေါင်းရင်းမြစ်များ

मत्ती 20:28

जइसन कि मनई के लड़िका एसे नहीं आबा, कि ओखर सेबा कीन जाय, बलकिन एसे आबा हय, कि खुदय दुसरेन के सेबा करय, अउर उआ खुब मनइन काहीं मुक्ती देंइ के खातिर आपन प्रान देय।”

यूहन्ना 13:34

हम तोंहईं एकठे नबा हुकुम देइत हएन, कि ‘एक दुसरे से प्रेम करा: जइसन हम तोंहसे प्रेम किहेन हय, उहयमेर तुहूँ पंचे एक दुसरे से प्रेम करा।’

यूहन्ना 6:51

अनन्त जीबन देंइ बाली जउन रोटी स्वरग से उतरिके आई हय, उआ हमहिन आहेन। अगर कोऊ इआ रोटी म से खई, त हमेसा जिअत रही, अउर जउन रोटी हम संसार के मनइन के अनन्त जीबन के खातिर देब, उआ हमार माँस आय।”

रोमियन 15:16

अउर उआ किरपा इआ आय, कि हम गैरयहूदी लोगन के खातिर, मसीह यीसु के सेबक बनिके, परमातिमा के खुसी के खबर सुनामँइ के खातिर, एकठे याजक के रूप माहीं काम करी; जउने गैरयहूदी लोग, पबित्र आत्मा से पूरी तरह से पबित्र बनिके, एकठे भेंट के रूप माहीं परमातिमा के द्वारा सोइकार कीन जाँय।

रोमियन 4:25

उँइन यीसु हमरे पंचन के अपराधन के खातिर मार डारँइ के खातिर पकड़बाए गें, अउर हमहीं पंचन काहीं परमातिमा के नजर माहीं निरदोस बनामँइ के खातिर मरेन म से पुनि जिआए गें।

रोमियन 8:3

काहेकि जउन काम मूसा नबी के उआ बिधान, जउन मन के बुरी इच्छा के कारन निबल बनाय दीन ग रहा हय, नहीं कए पाइस, ओही परमातिमा अपने लड़िका काहीं हमरे पंचन कि नाईं देंह माहीं पठइके, जउने से हम पंचे पाप करित हएन, इआमेर से परमातिमा मनई के देंह माहीं पाप काहीं सजा दिहिन हीं

रोमियन 8:37

पय ईं सगली बातन माहीं हम पंचे मसीह के द्वारा जउन हमसे प्रेम करत हें, सानदार जीत पाय रहेन हँय।

1 कुरिन्थियन 16:14

अउर तूँ पंचे जउन कुछू करते हया, त ओही प्रेम से करा।

1 कुरिन्थियन 5:7

त तूँ पंचे पुरान खमीर, अरथात उआ बुरे मनई काहीं निकारिके खुद काहीं पबित्र करा, कि जउने माड़े नबा पिसान कि नाईं बन जा; अउर तूँ पंचे फसह नाम के तेउहार माहीं खाई जाँय बाली, बिना खमीर मिलाई रोटी कि नाईं हया। काहेकि हमहीं पंचन काहीं पबित्र करँइ के खातिर मसीह, फसह के मेम्ना के रूप माहीं बलिदान होइगे हँय।

2 कुरिन्थियन 2:14

पय परमातिमा के धन्यबाद होय, जउन मसीह के द्वारा अपने बिजय-अभियान माहीं हमहीं पंचन काहीं हमेसा गइल देखाबत हें। अउर हमरे पंचन के द्वारा अपने ग्यान के महक हरेक जघन माहीं फइलाबत हें।

2 कुरिन्थियन 2:15

काहेकि हम पंचे परमातिमा के नजर माहीं, मुक्ती पामँइ बालेन, अउर नास होंइ बालेन दोनव के खातिर मसीह के महक आहेन।

2 कुरिन्थियन 8:9

अउर तूँ पंचे हमरे पंचन के प्रभू यीसु मसीह के किरपा काहीं जनतेन हया, कि ऊँ केतना धनी रहे हँय, तऊ ऊँ तोंहरे पंचन के खातिर एसे कंगाल बनिगें, कि जउने तूँ पंचे उनखे कंगाल होंइ से धनी बन जा।

गलातियन 1:4

यीसु मसीह हमरे पंचन के पापन के खातिर खुद काहीं बलिदान कइ दिहिन, जउने पिता परमातिमा के इच्छा के मुताबिक, हमहीं पंचन काहीं इआ बुरे संसार से छोड़ामँइ।

गलातियन 2:20

अउर हम मसीह के साथ क्रूस माहीं चढ़ाए गए हएन, अउर हम अब से जिन्दा नहीं रहि गएन, बलकिन मसीह हमरे भीतर जिन्दा हें। अउर अब हम देंह माहीं जउन जिन्दा हएन, उआ केबल परमातिमा के लड़िका के ऊपर बिसुआस किहे के कारन जिन्दा हएन, जउन हमसे एतना प्रेम किहिन, कि खुद काहीं हमरे खातिर बलिदान कइ दिहिन हीं।

इफीसियन 1:4

संसार काहीं बनामँइ के पहिलेन से परमातिमा, यीसु मसीह के द्वारा हमहीं पंचन काहीं चुनि लिहिन तय, कि जउने हम पंचे उनखे नजर माहीं, उनखे प्रेम के कारन पबित्र अउर निरदोस ठहरी।

इफीसियन 3:17

अउर बिसुआस के द्वारा मसीह तोंहरे हिरदँय माहीं निबास करँय, जउने तूँ पंचे मसीह के प्रेम माहीं नेव के समान सुरुआत कइके, जड़ कि नाईं प्रेम माहीं मजबूत होइजा।

इफीसियन 3:19

अउर मसीह के उआ प्रेम काहीं जान सका, जउन मनइन के हरेकमेर के ग्यान से नहीं जाना जाय सकय, जउने तूँ पंचे परमातिमा के सगली भरपूरी से भरपूर होइजा।

इफीसियन 4:15

बलकिन हम पंचे प्रेम के साथ सच्चाई माहीं चलत, सगली बातन माहीं मसीह कि नाईं बनँइ के खातिर बढ़त जई, जउन सगली बातन माहीं सिर अरथात मुखिया आहीं।

इफीसियन 4:2

अरथात हमेसा दीनता अउर नम्रता के साथ जीबन जिआ, अउर प्रेम के साथ धीरज धइके एक दुसरे के गलतिन काहीं सहि ल्या।

इफीसियन 5:15

एसे तूँ पंचे सतरक रहिके अपने जीबन काहीं जाँचा, कि तोंहार पंचन के चाल-चलन कइसन हय; तोंहार पंचन के चाल-चलन निरबुद्धी मनइन कि नाईं न होय, बलकिन बुद्धिमान मनइन कि नाईं होंइ चाही।

इफीसियन 5:25

अउर हे मंसेरुअव, अपने-अपने मेहेरिअन से प्रेम करा, जइसन मसीह घलाय मसीही मन्डली से प्रेम कइके, अपने-आप काहीं ओखे खातिर बलिदान कइ दिहिन हीं।

फिलिप्पियन 4:18

अउर जउन चीजँय तूँ पंचे इपफ्रुदीतुस के हाँथ से पठए रहे हया, उनहीं पाइके हमार हर जरूरत पूर होइगे ही, बलकिन हमरे लघे जरूरत से जादा चीजँय होइ गई हँय। जउन भेंट तूँ पंचे हमरे लघे पठए हया, उआ सुगन्धित अउर सोइकार करँइ के काबिल बलिदान हय, जउने से परमातिमा प्रसन्न होत हें।

कुलुस्सियन 3:14

ईं सगली बातन से बढ़िके प्रेम काहीं अपनाय ल्या, जउन एक दुसरे काहीं आपस माहीं जोड़िके, प्रेम माहीं भरपूर करत हय।

1 थिस्सलुनीकियन 4:9

पय आपस के भाईचारा के प्रेम के बारे माहीं, तोंहईं हमहीं अउर कुछू लिखँइ के जरूरत नहिं आय? काहेकि आपस माहीं प्रेम करब तूँ पंचे खुदय परमातिमा से सिखे हया।

1 तीमुथियुस 2:6

जउन खुद काहीं सगले मनइन काहीं मुक्ती देंइ के खातिर, क्रूस माहीं बलिदान कइके कीमत चुकाइन हीं; इआ काम परमातिमा के ठहराए सही समय माहीं प्रभू यीसु मसीह पूर कइके गबाही दिहिन हीं।

1 तीमुथियुस 4:12

हे तीमुथियुस, तूँ अबे जमान हया, इआ कारन से कोऊ तोंहार निरादर न करँय पाबय, बलकिन तूँ अपने बात-चीत म अउर चाल-चलन म, अउर प्रेम करँइ म, अउर परमातिमा के ऊपर बिसुआस करँय, अउर अपने पबित्र जीबन से सगले बिसुआसिअन के खातिर आदर्स बन जा।

तीतुस 2:14

यीसु मसीह अपने इच्छा से हमरे पँचन खातिर मउत काहीं अपनाइन हीं, कि जउने हमहीं पँचन काहीं हरेकमेर के अधरम से छोड़ाय लेंय, अउर सुद्ध कइके अपने खातिर अइसन प्रजा बनाय लेंय, जउन निकहे-निकहे कामन काहीं करँइ के खातिर हरेक समय तइआर रहँय।

इब्रानियन 8:3

काहेकि हरेक महायाजक भेंट अउर बलिदान चढ़ामँइ के खातिर बनाबा जात हय। इआ कारन से इआ जरूरी हय, कि इऊँ महायाजक के लघे भेंट चढ़ामँइ के खातिर कुछू होंइ चाही।

इब्रानियन 9:14

त मसीह जउन खुद काहीं सनातन आत्मा के द्वारा, परमातिमा के आँगे निरदोस बली के रूप माहीं चढ़ाइन हीं, त ऊँ अपने खून के द्वारा तोंहरे पंचन के सोच-बिचारन काहीं, मउत कइती लइ जाँइ बाले बुरे कामन से जरूर सुद्ध करिहँय, जउने तूँ पंचे जिन्दा परमातिमा के सेबा कइ सका।

इब्रानियन 9:23

एसे इआ जरूरी हय, कि स्वरग के चीजन के साछात तसबीर के रूप माहीं बनी सगली चीजँय, ईंन बलिदानन के द्वारा सुद्ध कीन जाँय, काहेकि स्वरग के सगली चीजँय खुदय इनसे उत्तम बलिदानन के द्वारा सुद्ध कीन जाती हँय।

इब्रानियन 9:26

नहीं त उनहीं संसार के सुरुआत से लइके अबे तक बेर-बेर दुख उठामँइ परत, पय अब जुग के आखिरी समय माहीं, ऊँ एक बेरकिन आएँ हँय, कि जउने अपने बलिदान के द्वारा पाप काहीं दूर कइ देंय।

1 पतरस 4:8

अउर सबसे बड़ी बात त इआ हय, कि एक दुसरे से जादा से जादा प्रेम करा; काहेकि प्रेम अनगिनत पापन काहीं मूँद देत हय।

1 यूहन्ना 3:16

यीसु मसीह हमरे पंचन के खातिर आपन प्रान दइ दिहिन हीं, एहिन से हम पंचे जानित हएन, कि प्रेम का आय? हमहीं पंचन काहीं घलाय अपने भाई-बहिनिन के खातिर, आपन प्रान नेउछाबर कइ देंइ चाही।

1 यूहन्ना 3:23

अउर उनखर हुकुम इआ हय, कि हम पंचे उनखे लड़िका यीसु मसीह के नाम के ऊपर बिसुआस करी, अउर जइसन ऊँ हमहीं पंचन काहीं हुकुम दिहिन हीं, ओहिन के मुताबिक आपस माहीं प्रेम रखी।

दरसनन के बातँय 1:5

अउर यीसु मसीह के तरफ से, जउन बिसुआस के काबिल गबाह, अउर मरेन म से जि उठँय बालेन माहीं पहिलउठा, अउर धरती के राजन के ऊपर घलाय सासन करँइ बाले आहीं, तोंहईं पंचन काहीं किरपा अउर सान्ती मिलत रहय। ऊँ हमसे पंचन से प्रेम करत हें, अउर उँइन अपने खून के द्वारा हमहीं पंचन काहीं पापन से छोड़ाइन हीं।

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।