इफीसियन 4:9 - Bagheli Bible

⁹ (ऊँ “ऊपर चढ़ें” अरथात स्वरग माहीं, एखर मतलब इआ हय, कि मसीह धरती के नीचे के जघन माहीं घलाय उतरे रहे हँय।

इफीसियन 4:9 ပူးပေါင်းရင်းမြစ်များ

मत्ती 12:40

जइसन योना नबी तीन दिन अउर तीन रात तक मछरी के पेटे माहीं रहे हँय, उहयमेर मनई के लड़िका घलाय तीन दिना तक रातव-दिन धरती के भीतर रही।

यूहन्ना 20:17

तब यीसु उनसे कहिन, “अबे हमहीं न छुआ, काहेकि हम अबय तक अपने पिता परमातिमा के लघे ऊपर नहीं गएन आय, बलकिन हमरे भाइन के लघे जाइके उनसे कहि दिहा, कि हम अपने पिता अउर तोंहरे पिता, अउर अपने परमातिमा अउर तोंहरे परमातिमा के लघे ऊपर जइत हएन।”

यूहन्ना 3:13

काहेकि ऊपर स्वरग माहीं कोऊ नहीं ग आय, केबल ऊँ जउन स्वरग से उतरिके आए हँय, अरथात मनई के लड़िका।

यूहन्ना 6:33

काहेकि परमातिमा के दीन रोटी उहय आय, जउन स्वरग से उतरिके संसार के मनइन काहीं जीबन देत ही।”

यूहन्ना 6:38

काहेकि हम स्वरग से अपने मरजी के मुताबिक काम करँइ नहीं आएन आय, बलकिन अपने पठमँइ बाले के मरजी पूर करँइ के खातिर आएन हँय।

यूहन्ना 6:41

इआ सुनिके यहूदी लोग यीसु काहीं बरबराँय लागें, काहेकि ऊँ कहिन तय, कि जउन रोटी स्वरग से उतरी हय, उआ हम आहेन।

यूहन्ना 6:51

अनन्त जीबन देंइ बाली जउन रोटी स्वरग से उतरिके आई हय, उआ हमहिन आहेन। अगर कोऊ इआ रोटी म से खई, त हमेसा जिअत रही, अउर जउन रोटी हम संसार के मनइन के अनन्त जीबन के खातिर देब, उआ हमार माँस आय।”

यूहन्ना 6:58

इहय उआ रोटी आय जउन स्वरग से उतरी हय, इआ उआमेर नहिं आय, जइसन हमार पंचन के बाप-दादा खाइन तय, अउर बाद माहीं मरिगें तय। जे कोऊ इआ रोटी म से खई, उआ हमेसा जिअत रही।”

यूहन्ना 6:62

अउर अगर तूँ पंचे मनई के लड़िका काहीं, स्वरग माहीं जहाँ ऊँ पहिले रहे हँय, उहाँ ऊपर जात देखिहा त का होई?

यूहन्ना 8:14

यीसु उनहीं जबाब दिहिन; “अगर हम आपन गबाही खुदय देइत हएन, तऊ हमार गबाही ठीक ही, काहेकि हम जानित हएन, कि हम कहाँ से आएन हय, अउर कहाँ जाब? पय तूँ पंचे नहीं जनते आह्या, कि हम कहाँ से आएन हय, अउर कहाँ जाब।

इब्रानियन 2:7

“अपना उनखे पद काहीं स्वरगदूतन से थोरिन काहीं कम किहेन हय; अपना उनखे ऊपर महिमा अउर मान-सम्मान के मुकुट धरेन हय, अउर उनहीं अपने हाँथेन के कामन के ऊपर अधिकार दिहेन हय। अउर अपना सब कुछ उनखे अधीन कइ दिहेन हय।”

इब्रानियन 2:9

पय हम पंचे यीसु काहीं जिनखर पद, कुछ समय के खातिर स्वरगदूतन से थोरिन काहीं कम कीन ग रहा हय, मउत के दुख भोगँइ के कारन, महिमा अउर मान-सम्मान के मुकुट पहिरे देखित हएन; कि जउने ऊँ परमातिमा के किरपा से सगले मनइन के खातिर मउत के स्वाद चखँय।