इफीसियन 4:6 - Bagheli Bible

⁶ अउर सगले मनइन के एकयठे परमातिमा हें, जउन सबके पिता आहीं, जउन सगलेन के ऊपर हें, अउर सगले मनइन के बीच माहीं रहत हें, अउर सगले मनइन के भीतर निबास करत हें।

इफीसियन 4:6 ပူးပေါင်းရင်းမြစ်များ

मत्ती 6:13

अउर हमहीं पंचन काहीं परिच्छा माहीं न डारी, बलकिन बुराई करँइ बाले सइतान के हाँथ से बचाई; (काहेकि राज अउर पराक्रम अउर महिमा हमेसा अपनय के आय।” आमीन!)

मत्ती 6:9

एसे तूँ पंचे जब प्राथना किहा, त इआमेर से किहा; “हे हमार पिता, अपना जउन स्वरग माहीं रहित हएन; अपना के नाम पबित्र माना जाय।

यूहन्ना 14:23

तब यीसु उनहीं जबाब दिहिन, “अगर कोऊ हमसे प्रेम करी, त उआ हमरे बचन के पालन करी, अउर हमार पिता ओसे प्रेम करिहँय, अउर हम ओखे लघे अउब, अउर ओखे साथ हमेसा रहब।

यूहन्ना 17:26

अउर हम अपना के बारे माहीं इनहीं पंचन काहीं बतायन हय, अउर बताबत रहब, कि जउन प्रेम अपना काहीं हमसे रहा हय, उहय प्रेम उन माहीं रहय, अउर हम उन माहीं रही।”

यूहन्ना 20:17

तब यीसु उनसे कहिन, “अबे हमहीं न छुआ, काहेकि हम अबय तक अपने पिता परमातिमा के लघे ऊपर नहीं गएन आय, बलकिन हमरे भाइन के लघे जाइके उनसे कहि दिहा, कि हम अपने पिता अउर तोंहरे पिता, अउर अपने परमातिमा अउर तोंहरे परमातिमा के लघे ऊपर जइत हएन।”

रोमियन 11:36

काहेकि सब कुछ उनहिन के बनबा आय, अउर उनहिन के द्वारा सब स्थिर हय, अउर सब कुछ उनहिन के आय, उनखर बड़ाई जुग-जुग होत रहय। आमीन!

1 कुरिन्थियन 12:6

अउर सेबा के काम त कइअक मेर के हें, पय परमातिमा एकयठे हें, जउन मनइन काहीं दूसर-दूसर मेर के काम करँइ के सक्ती देत हें।

1 कुरिन्थियन 8:6

तऊ हमरे पंचन के खातिर एकयठे परमातिमा हें, जउन संसार के सगली चीजन काहीं बनाइन हीं, अउर हम पंचे उनहिन के महिमा के खातिर जिन्दा हएन, अउर हमरे पंचन के एकयठे प्रभू हें, अरथात यीसु मसीह जिनखे द्वारा सगली चीजँय बनाई गई हँय, अउर हमहूँ पंचे घलाय उनहिन के द्वारा जीबन पाएन हँय।

2 कुरिन्थियन 6:16

अउर मूरतिन के साथ परमातिमा के मन्दिर के कउनव सम्बन्ध होइ सकत हय का? काहेकि हम पंचे त जिन्दा परमातिमा के मन्दिर आहेन; जइसन कि परमातिमा घलाय कहिन हीं, कि “हम उन माहीं निबास करब; अउर उनखे बीच माहीं चला फिरा करब; अउर हम उनखर परमातिमा होब, अउर ऊँ पंचे हमार निज प्रजा होइहँय।”

इफीसियन 1:21

अउर सगलेन के ऊपर प्रधान, अउर अधिकारी, अउर सामर्थ दइके प्रभुता करँइ के अधिकार दिहिन हीं, अउर हरेक नाम के ऊपर अइसन नाम दिहिन हीं, जउन न केबल इआ लोक माहीं, बलकिन आमँइ बाले लोक माहीं घलाय लीन जई।

इफीसियन 2:22

जउने माहीं पबित्र आत्मा के द्वारा, परमातिमा के निबास करँइ के खातिर एक साथ बनाए जाय रहे हया।

इफीसियन 3:17

अउर बिसुआस के द्वारा मसीह तोंहरे हिरदँय माहीं निबास करँय, जउने तूँ पंचे मसीह के प्रेम माहीं नेव के समान सुरुआत कइके, जड़ कि नाईं प्रेम माहीं मजबूत होइजा।

इफीसियन 6:23

अउर हम प्राथना करित हएन, कि पिता परमातिमा अउर प्रभू यीसु मसीह के तरफ से भाई-बहिनिन काहीं सान्ति अउर बिसुआस समेत प्रेम मिलय।

1 यूहन्ना 3:24

अउर जउन उनखे हुकुमन काहीं मानत हय, उआ परमातिमा माहीं, अउर परमातिमा ओखे जीबन माहीं बने रहत हें। अउर एहिन से, अरथात पबित्र आत्मा से जउने काहीं ऊँ हमही पंचन काहीं दिहिन हीं, हम पंचे जानित हएन, कि परमातिमा हमरे जीबन माहीं बने रहत हें।