इफीसियन 4:5 - Bagheli Bible

⁵ अउर सगलेन के एकयठे प्रभू हें, अउर एकयठे बिसुआस हय, अउर एकयठे बपतिस्मा हय।

इफीसियन 4:5 ပူးပေါင်းရင်းမြစ်များ

मत्ती 28:19

एसे तूँ पंचे इहाँ से जाइके, सगले जातिअन के मनइन काहीं चेला बनाबा, अउर उनहीं पंचन काहीं पिता परमातिमा, अउर लड़िका यीसु, अउर पबित्र आत्मा के नाम से बपतिस्मा द्या।

खास चेलन 10:36

जउन बचन परमातिमा इजराइलिअन के लघे पठइन, जबकि ऊँ यीसु मसीह के द्वारा (जउन सगले मनइन के प्रभू आहीं) सान्ति के खुसी के खबर सुनाइन।

खास चेलन 2:36

एसे इजराइल के सगला घराना निस्चित जान लेय, कि परमातिमा उँइन यीसु काहीं, जिनहीं तूँ पंचे क्रूस माहीं चढ़ाया तय, प्रभू अउर मसीह दोनव ठहराइन हीं।”

रोमियन 3:30

काहेकि सगले मनइन के एकयठे परमातिमा हें, जउन खतना करामँइ बाले मनइन काहीं बिसुआस से अउर खतना न करामँइ बाले मनइन काहीं घलाय उहय बिसुआस के द्वारा परमातिमा अपने नजर माहीं निरदोस ठहरइहँय।

1 कुरिन्थियन 1:13

त तूँ पंचे इआ बताबा, मसीह त अलग-अलग झुंडन माहीं नहीं बँटे आहीं? पवलुस त तोंहरे पंचन के खातिर क्रूस माहीं नहीं चढ़ाए गे आहीं? इआ कि तूँ पंचे पवलुस के नाम से बपतिस्मा त नहीं लिहा आय?

1 कुरिन्थियन 1:2

परमातिमा के लोगन के उआ मन्डली काहीं मिलय, जउन कुरिन्थुस सहर माहीं ही, अरथात जे कोऊ मसीह यीसु माहीं जुड़ँइ के द्वारा पबित्र कीन गे हँय, अउर उनखर भक्त होंइ के खातिर अलग कीन गे हँय; अउर ऊँ सगले बिसुआसी भाई-बहिनिन काहीं घलाय मिलय, जउन हमरे पंचन के अउर अपने प्रभू यीसु मसीह के नाम से हरेक जघा माहीं अराधना करत हें।

1 कुरिन्थियन 12:13

काहेकि हम बिसुआसिअन म से चाह उआ यहूदी होय, चाह उआ गैरयहूदी होय, चाह उआ दास होय, अउर चाह स्वतंत्र होय, हम पंचे सगले जने एकयठे आत्मा के द्वारा अउर एकय देंह होंइ के खातिर बपतिस्मा लिहेन हँय; अउर हमहीं सगलेन काहीं एकयठे आत्मा दीन ग हय।

1 कुरिन्थियन 12:5

अउर हम पंचे दूसर-दूसर मेर के सेबा त करित हएन, पय ऊँ सगलेन के द्वारा एकय प्रभू के सेबा करित हएन, अरथात यीसु मसीह के।

1 कुरिन्थियन 8:6

तऊ हमरे पंचन के खातिर एकयठे परमातिमा हें, जउन संसार के सगली चीजन काहीं बनाइन हीं, अउर हम पंचे उनहिन के महिमा के खातिर जिन्दा हएन, अउर हमरे पंचन के एकयठे प्रभू हें, अरथात यीसु मसीह जिनखे द्वारा सगली चीजँय बनाई गई हँय, अउर हमहूँ पंचे घलाय उनहिन के द्वारा जीबन पाएन हँय।

2 कुरिन्थियन 11:4

काहेकि अगर कोऊ तोंहरे लघे आइके, कउनव दुसरे यीसु के बारे माहीं प्रचार करत हय, जेखर प्रचार हम पंचे नहीं किहेन तय। इआ कि अउर कउनव दूसर आत्मा तोंहईं पंचन काहीं मिलय, जउन पहिले नहीं मिला रहा आय। इआ कि अउर कउनव दूसर खुसी के खबर सुनाबय, जउने काहीं तूँ पंचे पहिले नहीं माने रहे आह्या, त तूँ पंचे ओही सोइकार कइ लेते हया।

गलातियन 5:6

काहेकि अगर हम पंचे यीसु मसीह के ऊपर बिसुआस करित हएन, त खतना करबाउब इआ कि खतना न करबाउब, एसे कउनव फायदा नहिं आय, बलकिन केबल यीसु मसीह के ऊपर बिसुआस रखिके, दुसरे मनइन से प्रेम करब खास बात आय।

इफीसियन 4:13

अउर जब तक कि हम पंचे सगले जने बिसुआस माहीं, अउर परमातिमा के लड़िका के ग्यान माहीं एक न होइ जई, अउर मसीह के सगले गुनन काहीं अपने जीबन माहीं अपनाय के सिद्ध मनई न बन जई।

फिलिप्पियन 2:11

अउर पिता परमातिमा के महिमा के खातिर, हरेक मनई इआ सोइकार कइ लेंय, कि यीसु मसीहय प्रभू आहीं।

फिलिप्पियन 3:8

बलकिन हम अपने प्रभू मसीह यीसु के उत्तम बातन काहीं पहिचान लिहेन हय, इआ कारन से मूसा के बिधान के सगली बातन काहीं तुच्छ समझित हएन; अउर सगली चीजन काहीं कूरा-कचरा समझिके छोंडि दिहेन हय, जउने मसीह काहीं अपनाय सकी।

तीतुस 1:1

हम पवलुस आहेन, हे तीतुस, इआ चिट्ठी हम तोंहईं लिख रहेन हँय, जउन परमातिमा के सेबक आहेन, अउर यीसु मसीह के चुने खास चेला आहेन, परमातिमा जिनहीं चुनिन हीं, ऊँ लोगन काहीं बिसुआस के बारे माहीं, अउर जउन सत्य बचन उनहीं भक्ती के मुताबिक, जीबन जिअँइ के खातिर मदत करत हय, उआ सिखामँइ के खातिर हमहीं पठबा ग हय।

तीतुस 1:4

इआ चिट्ठी तीतुस तोंहईं मिलय, काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीतुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमहीं पंचन काहीं मुक्ती देंइ बाले मसीह यीसु के तरफ से, तोहईं किरपा अउर सान्ति मिलत रहय।

इब्रानियन 13:7

जउन तोंहार पंचन के अँगुआ हें, अउर तोंहईं परमातिमा के बचन सुनाइन हीं, उनहीं हमेसा सुध रक्खा; अउर बड़े ध्यान से उनखे चाल-चलन के नतीजा काहीं देखिके, उनखर जइसन बिसुआस रहा हय, ओहिन के मुताबिक तुहूँ पंचे बिसुआस करा।

इब्रानियन 6:6

अगर ऊँ पंचे बिसुआस से भटक जाँय; त उनखे मनन काहीं बदलिके पुनि बिसुआस माहीं लइ आउब असम्भव हय; काहेकि ऊँ पंचे परमातिमा के लड़िका काहीं, अपने खातिर पुनि क्रूस के ऊपर चढ़ाबत हें, अउर खुले आम उनखे ऊपर कलंक लगाबत हें।

याकूब 2:18

पय कोऊ इआ कहि सकत हय, कि तोंहईं बिसुआस हय, अउर हम काम करित हएन; तूँ आपन बिसुआस हमहीं बिना काम के त देखाबा; अउर हम आपन बिसुआस अपने निकहे कामन के द्वारा तोंहईं देखाउब।

1 पतरस 3:21

अउर इआ पानी बपतिस्मा के निसानी आय, जउने से अब तोंहईं पंचन काहीं मुक्ती मिलत ही। बपतिस्मा के मतलब देंह के मइल धोउब न होय, बलकिन बपतिस्मा के द्वारा सुद्ध हिरदँय से, खुद काहीं परमातिमा के खातिर समरपित करब आय। इआ बपतिस्मा, यीसु मसीह के मरेन म से पुनि जि उठँय के द्वारा, हमहीं पंचन काहीं मुक्ती देत हय।

2 पतरस 1:1

हम समौन पतरस इआ चिट्ठी काहीं लिख रहेन हय, जउन यीसु मसीह के दास अउर खास चेला आहेन। हम इआ चिट्ठी ऊँ मनइन काहीं लिख रहेन हय, जउन हमरे पंचन के परमातिमा, अउर मुक्ती देंइ बाले यीसु मसीह जउन हमहीं पंचन काहीं, परमातिमा के नजर माहीं निरदोस बनाइन हीं, उनहिन के द्वारा हमरे पंचन कि नाईं, ऊँ पंचे घलाय खुब कीमती बिसुआस पाइन हीं।

यहूदा 1:20

पय हे पियार साथिव, तूँ पंचे अपने अति पबित्र बिसुआस माहीं अउर मजबूत होत जा, अउर पबित्र आत्मा के सक्ती से प्राथना करत रहा,

यहूदा 1:3

हे पियार साथिव, हम पंचे जउने मुक्ती माहीं भागीदार हएन, हम ओखे बारे माहीं बड़े मेहनत के साथ, तोंहईं पंचन काहीं लिखँइ के पूरी कोसिस करत रहे हएन, पय हमहीं अब इआ जान परा, कि इआ चिट्ठी के द्वारा तोंहसे पंचन से इआ बिनती करी, कि तूँ पंचे उआ बिसुआस के खातिर संघर्स करा, जउन हमेसा के खातिर संतन काहीं सउँपा ग हय।