इफीसियन 4:16 - Bagheli Bible

¹⁶ जउने माहीं सगली देंह निरभर रहत ही, इआ देंह सिर से जुड़ी हरेक नसन से एकट्ठा होत ही, अउर जब एखर हरेक अंग जउन ओही काम करँइ चाही, उआ पूर करत हय, त प्रेम के साथ सगले देंह के उन्नति होत ही, अउर सगली देंह मजबूत होत ही।

इफीसियन 4:16 ပူးပေါင်းရင်းမြစ်များ

कुलुस्सियन 2:19

अउर अइसन मनई अपने-आप काहीं मसीह के अधीन नहीं रक्खय जउन सिरोमनि आहीं, उँइन जोड़न अउर नसन से सगले देंह के पालन-पोसन करत हें, अउर सगले देंह के अंगन काहीं एक साथ जोड़िके, परमातिमा कइती बढ़ाबत जात हें।

यूहन्ना 15:5

हम दाखलता आहेन: तूँ पंचे डेरइआ आह्या; जे कोऊ हमसे जुड़ा रहत हय, अउर हम ओसे, त ओमाहीं खुब फर लागत हें, काहेकि तूँ पंचे हमसे अलग होइके कुछू नहीं कइ सकते आह्या।

कुलुस्सियन 2:2

जउने उनखे मनन काहीं उत्साह मिलय, अउर ऊँ पंचे आपस म एक दुसरे से प्रेम माहीं बँधि जाँय, अउर बिसुआस के उआ सगला धन जउन सच्चे ग्यान से मिलत हय, उनहीं पंचन काहीं मिल जाय, जउने पिता परमातिमा के भेद काहीं, अरथात मसीह काहीं पहिचान लेंय।

इफीसियन 4:12

जउने सगले पबित्र मनई ग्यान माहीं सिद्ध होइ जाँय, अउर सेबा के काम निकहा से करँय, जउने मसीह के देंह अरथात मसीही मन्डली के उन्नति होय।

1 कुरिन्थियन 13:13

एसे अब हमहीं पंचन काहीं परमातिमा के ऊपर हमेसा बिसुआस रक्खँइ चाही, अउर उनखे ऊपर आसा रक्खँइ चाही, अउर एक दुसरे से प्रेम रक्खँइ चाही, काहेकि ईं तीनव कबहूँ न नास होइहँय, पय इन माहीं सगलेन से बड़ा प्रेम हय।

इफीसियन 4:15

बलकिन हम पंचे प्रेम के साथ सच्चाई माहीं चलत, सगली बातन माहीं मसीह कि नाईं बनँइ के खातिर बढ़त जई, जउन सगली बातन माहीं सिर अरथात मुखिया आहीं।

1 तीमुथियुस 1:5

हमरे समझामँइ के मतलब इआ आय, कि सुद्ध मन से अउर अच्छे सोच-बिचार से, अउर निस्कपट बिसुआस से प्रेम उत्पन्न होत हय।

1 थिस्सलुनीकियन 2:13

एहिन से हमहूँ पंचे परमातिमा के धन्यबाद हमेसा करित हएन; कि जब हमरे पंचन के व्दारा परमातिमा के खुसी के खबर के बचन काहीं तूँ पंचे सुने रहे हया, त तूँ पंचे ओही मनइन के नहीं, बलकिन परमातिमा के बचन मानिके (इआ बचन परमातिमा के सहिन आय) अपनाय लिहा तय। अउर उआ बचन तोंहरे पंचन म से जउन बिसुआस करत हें, उनखे ऊपर प्रभाव डारत हय।

फिलिप्पियन 1:9

अउर हम हमेसा इहय प्राथना करत रहित हएन, कि तोंहार पंचन के प्रेम, ग्यान अउर हरेकमेर के सोचँय-समझँय के छमता अउर बाढ़त जाय।

इफीसियन 3:17

अउर बिसुआस के द्वारा मसीह तोंहरे हिरदँय माहीं निबास करँय, जउने तूँ पंचे मसीह के प्रेम माहीं नेव के समान सुरुआत कइके, जड़ कि नाईं प्रेम माहीं मजबूत होइजा।

1 पतरस 1:22

एसे जब तूँ पंचे, भाईचारा के प्रेम के खातिर, सत्य के पालन कइके, अपने-अपने आत्मन काहीं पबित्र किहा हय, त तन- मन लगाइके आपस माहीं एक दुसरे से प्रेम करा।

इफीसियन 3:7

अउर परमातिमा बड़ी दया कइके जउन बरदान हमहीं दिहिन हीं, ओहिन के सामर्थ के प्रभाव के मुताबिक, हम खुसी के खबर काहीं सुनामँइ के सेबक बने हएन।

इफीसियन 1:4

संसार काहीं बनामँइ के पहिलेन से परमातिमा, यीसु मसीह के द्वारा हमहीं पंचन काहीं चुनि लिहिन तय, कि जउने हम पंचे उनखे नजर माहीं, उनखे प्रेम के कारन पबित्र अउर निरदोस ठहरी।

गलातियन 5:22

अउर पबित्र आत्मा के फर इआमेर से हँय जइसन, प्रेम करब, आनन्दित रहब, मिल-जुलिके रहब, धीरज धरब,

1 यूहन्ना 4:16

अउर जउन प्रेम परमातिमा हमसे पंचन से किहिन हीं, ओही हम पंचे जान गएन हय, अउर हमहीं पंचन काहीं बिसुआस हय, कि परमातिमा प्रेम आहीं। जउन मनई प्रेम माहीं बना रहत हय, उआ परमातिमा माहीं बना रहत हय; अउर परमातिमा ओखे जीबन माहीं बने रहत हें।

2 थिस्सलुनीकियन 1:3

हे भाई-बहिनिव, तोंहरे बारे माहीं हमहीं पंचन काहीं, हर समय परमातिमा काहीं धन्यबाद देत रहँइ चाही, अउर इआ उचितव हय, एसे कि तोंहार बिसुआस खुब बाढ़त जात हय, अउर तोंहार सगलेन के प्रेम घलाय आपस माहीं खुब बाढ़त जात हय।

1 थिस्सलुनीकियन 3:12

अउर प्रभू अइसन करँय, कि जइसन प्रेम हम पंचे तोंहसे रक्खित हएन; उहयमेर तोंहरव प्रेम आपस माहीं एक दुसरे के साथ, अउर सगले मनइन के साथ बढ़य, अउर मजबूत होत जाय।

1 थिस्सलुनीकियन 1:3

अउर अपने पिता परमातिमा के आँगे तोंहरे बिसुआस के काम, अउर प्रेम के मेहनत, अउर हमरे प्रभू यीसु मसीह माहीं आसा के धीरज काहीं लगीतार सुध करित हएन।

गलातियन 5:6

काहेकि अगर हम पंचे यीसु मसीह के ऊपर बिसुआस करित हएन, त खतना करबाउब इआ कि खतना न करबाउब, एसे कउनव फायदा नहिं आय, बलकिन केबल यीसु मसीह के ऊपर बिसुआस रखिके, दुसरे मनइन से प्रेम करब खास बात आय।

1 कुरिन्थियन 8:1

अउर मूरतिन के ऊपर चढ़ाई जाँय बाली चीजन के बारे माहीं, अब हम पंचे इआ मानित हएन, कि एखे बारे माहीं हमहीं पंचन काहीं ग्यान हय। अउर ग्यान घमन्ड उत्पन्न करत हय, पय प्रेम से मसीही मन्डली के उन्नति होत ही।

रोमियन 12:4

काहेकि जइसन हमरे पंचन के देंह माहीं कइयकठे अंग हें, अउर उनखर काम एकमेरय नहिं आय।

1 कुरिन्थियन 10:17

अउर हम पंचे एकयठे रोटी काहीं टोरिके खइत हएन, एसे कइअक जने होंइ के बादव, एकय देंह बन जइत हएन।