Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




इफीसियन 4:12 - Bagheli Bible

12 जउने सगले पबित्र मनई ग्यान माहीं सिद्ध होइ जाँय, अउर सेबा के काम निकहा से करँय, जउने मसीह के देंह अरथात मसीही मन्डली के उन्नति होय।

အခန်းကိုကြည့်ပါ။ ကော်ပီ




इफीसियन 4:12
45 ပူးပေါင်းရင်းမြစ်များ  

पय हम तोंहरे खातिर परमातिमा से बिनती किहेन हय, कि तोंहार बिसुआस कमजोर न होय, पय जब तूँ पुनि बिसुआस माहीं मजबूत होइहा, तब अपने भाइन काहीं स्थिर किहा।”


काहेकि उआ हमरे पंचन माहीं गिना ग, अउर इआ सेबकाई माहीं भागीदार भ।”


कि उआ, इआ सेबकाई अउर यीसु मसीह के खास चेला होंइ के पद लेय, जउने जघा काहीं यहूदा छोंड़िके चला ग हय।”


अउर बरनबास उहाँ पहुँचिके, परमातिमा के किरपा काहीं देखिके आनन्दित भें; अउर सगले बिसुआसी मनइन काहीं उपदेस दिहिन, कि “पूरे मन से प्रभू के ऊपर बिसुआस करा।”


पय हम अपने प्रान काहीं कुछू नहीं समझी, कि ओही पियार जानी, बलकिन इआ, कि हम अपने दउड़ अउर उआ सेबकाई काहीं पूर करी, जउन हम परमातिमा के किरपा के खुसी के खबर के गबाही देंइ के खातिर प्रभू यीसु से पाएन हय।


एसे अपना पंचे आपन अउर अपने पूरे झुन्ड के रखबारी करी; जउने खातिर पबित्र आत्मा अपना पंचन काहीं अँगुआ ठहराइन हीं; कि अपना पंचे परमातिमा के मसीही मन्डली के रखबारी करी, जेही ऊँ अपने खून से मोल लिहिन हीं।


इआमेर से सगले यहूदिया प्रदेस, अउर गलील प्रदेस, अउर सामरिया प्रदेस माहीं, मसीही मन्डलिन के सगले मनइन काहीं सान्ति मिली, अउर उनखर उन्नति होत चली गय; अउर मसीही मन्डली प्रभू के भय, अउर पबित्र आत्मा के सान्ति माहीं, चलत अउर बढ़त जात रही हँय।


उहयमेर हमहूँ पंचे, जउन खुब जने हएन, मसीह के ऊपर बिसुआस किहे के कारन एकठे देंह कि नाईं हएन, जइसन ओखर अंग एक दुसरे से जुड़े रहत हें, उहयमेर हमहूँ पंचे आपस माहीं एक दुसरे से जुड़े हएन।


अगर जेही सेबा करँइ के बरदान मिला होय, त उआ सेबा करँइ माहीं लगा रहय, अगर जेही सिखामँइ के बरदान मिला होय, त उआ सिखामँइ माहीं लगा रहय।


एसे हम पंचे ऊँ बातन काहीं करँइ माहीं लगे रही, जिनसे सगले मनइन के मेल-मिलाप होत हय, अउर एक दुसरे के आत्मिक उन्नति होंइ माहीं मदत मिलत ही।


हे हमार भाई-बहिनिव, हम खुदय तोंहरे बारे माहीं निकहा से जानित हएन, कि तूँ पंचे भलाई करँइ माहीं आँगे हया, अउर परमातिमा तोंहईं पंचन काहीं भरपूर ग्यान दिहिन हीं, एसे तूँ पंचे एक दुसरे काहीं सिच्छा दइ सकते हया।


अउर हमरे पंचन म से हरेक जनेन काहीं इआ चाही, कि अपने परोसी के भलाई करँइ के इच्छा से उनहीं प्रसन्न करय, कि जउने उनखर आत्मिक उन्नति होय।


अउर हम जानित हएन, कि जब हम तोंहरे पंचन के लघे अउब, त हमही पंचन काहीं मसीह के भरपूर आसीस मिली।


अउर इहइमेर से तुहूँ पंचे घलाय सगले बिसुआसी भाई-बहिनी मिलिके मसीह के देंह आह्या, अउर उनखे देंह के अंग आह्या।


पय एकयठे पबित्र आत्मा के द्वारा हरेक मनइन काहीं दूसर-दूसर मेर के बरदान दीन जात हें, कि जउने सगले मनइन के भलाई होय।


एसे जब तुहूँ पंचे घलाय, पबित्र आत्मा के द्वारा मिलँइ बाले बरदानन काहीं, पामँइ के धुन माहीं लगे रहते हया, त जादा से जादा अइसन बरदानन काहीं पामँइ के कोसिस करा, जउने से मसीही मन्डली आत्मिक रूप से मजबूत होय।


एसे अगर हम अनजान भाँसा माहीं प्राथना करित हएन, त पबित्र आत्मा के अँगुआई से हमार आत्मा प्राथना करत ही, पय जउन हम कहित हएन, त ओही नहीं समझी।


हे भाई-बहिनिव, जब तूँ पंचे अराधना के खातिर एकट्ठा होते हया, त कोऊ स्तुति गान करत हय, कोऊ उपदेस देत हय, कोऊ अनजान भाँसा माहीं बात करत हय, कोऊ परमातिमा के उआ बचन काहीं प्रगट करत हय, जउन ओही दरसन माहीं मिला हय, अउर कोऊ त अनजान भाँसा के मतलब समझाबत हय, त हमार सलाह इआ ही, कि तूँ पंचे चाह कुछू करा, पय इनखे द्वारा मसीही मन्डली के सगले मनइन के आत्मिक बढ़ोत्तरी होंइ चाही।


तूँ पंचे अबय तक इहय सोचते होइहा, कि हम पंचे अपने बारे माहीं सफाई दइ रहेन हय। नहीं, पय हम पंचे त परमातिमा काहीं हाजिर जानिके, मसीह के सेबक के रूप माहीं बोलि रहेन हय। अउर हे पियार भाई-बहिनिव, ईं सगली बातँय, हम पंचे, तोंहईं आत्मिक रूप से मजबूत बनामँइ के खातिर कहि रहेन हय।


हे भाई-बहिनिव, हम अपने बातन काहीं खतम करित हएन, अउर आखिर माहीं हम तोंहईं पंचन काहीं इआ लिखित हएन, कि तूँ पंचे आनन्दित रहा, बिसुआस माहीं मजबूत बनत जा, ढाढ़स रक्खा; अउर आपस माहीं एक मन रहा; एक दुसरे से मिल जुलिके रहा, अउर प्रेम अउर सान्ती देंइ बाले परमातिमा हमेसा तोंहरे पंचन के साथ रइहँय।


अउर जब हम पंचे निबल हएन, अउर तूँ पंचे बलमान हया, त हम पंचे आनन्द से भर जइत हएन, अउर इआ प्राथना घलाय करित हएन, कि तूँ पंचे पूरी तरह से बिसुआस माहीं मजबूत बन जा।


त आत्मा के करार, ओहू से बढ़िके तेज चमकँइ बाली काहे न होई? अरथात जरूर होई।


परमातिमा हमरे पंचन के ऊपर दया कइके, इआ सेबा के काम सउँपिन हीं, एसे हम पंचे हिम्मत नहीं हारी।


अउर ईं सगली बातँय परमातिमा के तरफ से आहीं, अउर उँइन यीसु मसीह के द्वारा हमार पंचन के मेल-मिलाप अपने साथ कइ लिहिन हीं। अउर उँइन हमहीं पंचन काहीं इआ सेबा के काम सउँपिन हीं, कि हम पंचे दुसरे मनइन के मेल-मिलाप उनखे साथ कर बाई।


काहेकि हम पंचे हरेक बातन माही, इआ ध्यान रक्खित हएन, कि कोहू काहीं हमरे पंचन के ऊपर दोस लगामँइ के मोका न मिलय। जउने हमरे पंचन के सेबा माहीं कउनव कलंक न लागय।


एसे हे हमार पियार भाई-बहिनिव, जब परमातिमा हमसे पंचन से एतने कीमती वादा किहिन हीं, त आबा हम पंचे अपने देंह अउर आत्मा के सगली गंदगी काहीं दूर कइके, अपने-आप काहीं सुद्ध करी। अउर परमातिमा के भय मानत पूरी तरह से पबित्र बनी।


अउर मसीही मन्डली, मसीह के देंह आय, अउर उनहिन के भरपूरी आय, अउर उँइन सब माहीं सब कुछ पूर करत हें।


जउने माहीं सगली देंह निरभर रहत ही, इआ देंह सिर से जुड़ी हरेक नसन से एकट्ठा होत ही, अउर जब एखर हरेक अंग जउन ओही काम करँइ चाही, उआ पूर करत हय, त प्रेम के साथ सगले देंह के उन्नति होत ही, अउर सगली देंह मजबूत होत ही।


कउनव बुरी बात तोंहरे मुँहे से न निकरय, बलकिन जरूरत के मुताबिक उहय बात निकरय, जउन दुसरे के उन्नति के खातिर लाभदायक होय, जउने उआ बात काहीं सुनँय बालेन के भला होय।


काहेकि मसीह के एकयठे देंह ही, अउर एकयठे पबित्र आत्मा हय; उहयमेर तुहूँ पंचे जेतने जने बोलाए गया तय, सगलेन के खातिर एकयठे आसा ही।


अउर जउन दुख-मुसीबत हम तोंहरे पंचन के खातिर उठाइत हएन, उनखे कारन हम आनन्दित होइत हएन, अउर मसीह के देंह अरथात मसीही मन्डली के खातिर मसीह के यातनन माहीं जउन कुछ कमी रहिगे तय, ओही हम अपने देंह माहीं पूर कए देइत हएन।


जिनखर प्रचार कइके हम हरेक मनइन काहीं जताए देइत हएन, अउर अपने सगले ग्यान से हरेक मनइन काहीं सिखाइत हएन, कि जउने हम हरेक मनइन काहीं मसीह के सिच्छा माहीं, सिद्ध बनाइके परमातिमा के आँगे हाजिर करी।


ओखे बाद अरखिप्पुस काहीं बताय दिहा, कि प्रभू माहीं जउन सेबा उनहीं सँउपी गे ही, ओही सचेत होइके जरूर पूर करिहँय।


अउर हम अपने प्रभू मसीह यीसु काहीं, जउन हमहीं सामर्थ दिहिन हीं, धन्यबाद देइत हएन, ऊँ हमहीं बिसुआस के काबिल समझिके, अपने सेबा के खातिर ठहराइन हीं।


अउर केबल लूका हमरे लघे हें। अउर तूँ मरकुस काहीं साथ माहीं लइके चले आबा; काहेकि उआ हमरे सेबा के खातिर खुब काम के हय।


पय तूँ ईं सगली बातन से सचेत रहा, दुख-मुसीबत सहा, अउर खुसी के खबर के प्रचार के काम करा, अउर जउन सेबा तोहईं सउँपी गे ही, ओही पूर करा।


अउर तूँ पंचे अपने आत्मिक अँगुअन के हुकुमन काहीं माना, अउर उनखे अधीनता माहीं रहा, काहेकि ऊँ पंचे तोंहरे आत्मिक बढ़ोत्तरी के खातिर, हमेसा खुसी से काम करत रहत हें, अउर उनहीं अपने ईं कामन के हिंसाब परमातिमा काहीं देंइ परी। पय तूँ पंचे उनहीं इआ मोका न दिहा, कि ऊँ इआ काम काहीं खुसी से नहीं, बलकिन बड़े दुख के साथ करँय, त इआ दसा माहीं तोंहईं पंचन काहीं कउनव फायदा न होई।


एसे आबा हम पंचे मसीह के सिच्छा के सुरुआत के बातन से आँगे बढ़िके, परिपूर्न बनँइ के खातिर आँगे बढ़त चली, अउर अपने बुरे कामन से मन फिरामँइ, अउर परमातिमा के ऊपर बिसुआस करँय,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ