इफीसियन 3:9 - Bagheli Bible

⁹ अउर सगले मनइन काहीं इआ बात बताई, कि उआ भेद के योजना का ही, जउने काहीं सगले संसार काहीं बनामँइ बाले परमातिमा, खुब बरिस पहिले से छिपाइके रक्खिन रहा हय।

इफीसियन 3:9 ပူးပေါင်းရင်းမြစ်များ

मत्ती 10:27

जउन कुछू हम तोंहसे अँधिआरे माहीं कहित हएन, ओही तूँ पंचे उँजिआरे माहीं बताया, अउर जउन कुछू तूँ पंचे अपने कानन माहीं धीरे-धीरे सुने हया, ओही घर के छतन से प्रचार किहा।

मत्ती 13:35

अइसन यीसु एसे करत रहे हँय, जउने परमातिमा के सँदेस बतामँइ बालेन के व्दारा जउन बचन कहा ग रहा हय, उआ पूर होय, कि “हम हरेक बातन काहीं उदाहरन के व्दारा बताउब, अउर हम ऊँ बातन काहीं घलाय बताउब, जउन संसार के बनामँइ से पहिले गुप्त रही हँय।”

मत्ती 25:34

अउर तब ऊँ राजा अरथात मनई के लड़िका अपने दहिने कइती बालेन से कइहँय, कि ‘हे हमरे पिता परमातिमा के धन्य मनइव, तूँ पंचे आबा, अउर उआ राज के अधिकारी होइजा, जउन संसार के सुरुआतय से तोंहरे खातिर तइआर कीन ग हय।

मत्ती 28:19

एसे तूँ पंचे इहाँ से जाइके, सगले जातिअन के मनइन काहीं चेला बनाबा, अउर उनहीं पंचन काहीं पिता परमातिमा, अउर लड़िका यीसु, अउर पबित्र आत्मा के नाम से बपतिस्मा द्या।

लूका 24:47

अउर यरूसलेम सहर से लइके सगले जातिअन माहीं पाप से मन फिरामँइ के, अउर पापन से माफी पामँइ के प्रचार, उनहिन के नाम से कीन जई।

यूहन्ना 10:30

हम अउर पिता एकय आहेन।”

यूहन्ना 5:17

तब यीसु उनसे कहिन, “हमार पिता परमातिमा कबहूँ काम करब बंद नहीं करँय, एसे हमहूँ लगीतार काम करित हएन।”

यूहन्ना 5:19

एसे यीसु उनसे कहिन, “हम तोंहसे सही-सही कहित हएन, लड़िका खुद अपने से कुछू नहीं कइ सकय, बलकिन उआ केबल उहय काम करत हय, जउन पिता काहीं करत देखत हय।

खास चेलन 15:18

इआ बात काहीं उँइन प्रभू कहत हें जउन संसार के उत्पन्न होतय से ईं बातन के खबर देत आए हँय।

रोमियन 11:25

हे भाई-बहिनिव, कहँव अइसा न होय, कि तूँ पंचे अपने-आप काहीं बुद्धिमान समझ ल्या, एसे हम चाहित हएन, कि तूँ पंचे इआ भेद काहीं जानिल्या, कि परमातिमा के राज माहीं गैरयहूदी लोग जब तक पूरी तरह से प्रबेस न कइ लेइहँय, तब तक इजराइली लोगन म से कुछ जने अइसय कठोर बने रइहँय।

1 कुरिन्थियन 2:7

पय परमातिमा के जउन योजना, हमसे पंचन से पहिले छिपी रही ही, अउर हमरे पंचन के महिमा के खातिर परमातिमा सनातन काल से निस्चित किहिन रहा हय, उहय ग्यान काहीं हम पंचे सुनाइत हएन

इफीसियन 1:4

संसार काहीं बनामँइ के पहिलेन से परमातिमा, यीसु मसीह के द्वारा हमहीं पंचन काहीं चुनि लिहिन तय, कि जउने हम पंचे उनखे नजर माहीं, उनखे प्रेम के कारन पबित्र अउर निरदोस ठहरी।

इफीसियन 3:2

परमातिमा हमरे ऊपर बड़ी दया कइके हमहीं नियुक्त किहिन हीं, कि तूँ पंचे जउन गैरयहूदी आह्या, हम आइके परमातिमा के खुसी के खबर सुनाई। एखे बारे माहीं तूँ पंचे जरूर सुने होइहा।

इफीसियन 6:19

अउर तूँ पंचे हमरेव खातिर प्राथना करत रहा, कि हमहीं बोलत के समय परमातिमा अइसन सामरथी बचन देंय, कि हम बड़े साहस के साथ खुसी के खबर के भेद काहीं बताय सकी, जउने के खातिर हम जंजीर से बाँधे राजदूत कि नाईं हएन।

कुलुस्सियन 1:23

इआ तबहिन होइ सकत हय, जब तूँ पंचे मसीह के ऊपर बिसुआस माहीं मजबूती के साथ अटल रहा, अउर जउने आसा काहीं तूँ पंचे खुसी के खबर के द्वारा सुने हया, उआ आसा काहीं न छोंड़ा, उहय खुसी के खबर के प्रचार अकास के नीचे सगले संसार माहीं कीन ग हय; अउर उहय खुसी के खबर काहीं सुनामँइ के खातिर, हम पवलुस सेबक बने हएन।

कुलुस्सियन 1:26

अरथात उआ भेद के बात काहीं, जउन खुब समय से अरथात कइअक पीढ़िन से छिपी रही हय, पय अब उआ भेद के बात काहीं, परमातिमा अपने चुने पबित्र मनइन के ऊपर प्रगट किहिन हीं।

कुलुस्सियन 3:3

काहेकि तूँ पंचे पुरान पापी सुभाव के खातिर मर गया हय, अउर तोंहार पंचन के नबा जीबन मसीह के साथ परमातिमा के लघे सुरच्छित हय।

कुलुस्सियन 4:3

अउर एखे साथय-साथ हमरे पंचन के खातिर घलाय इआ प्राथना करत रहा, कि परमातिमा हमहीं पंचन काहीं बचन सुनामँइ के मोका देंय, कि हम पंचे मसीह के उआ भेद काहीं बताय सकी, जेखे कारन हम जेल माहीं हएन।

2 थिस्सलुनीकियन 2:13

पय हे प्रभू के पियार भाई-बहिनिव, चाही कि हम पंचे तोंहरे बारे माहीं हमेसा परमातिमा काहीं धन्यबाद देत रही, काहेकि परमातिमा तोंहईं आदि से चुनि लिहिन हीं; कि पबित्र आत्मा के द्वारा पबित्र बनिके, अउर सत्य के बिसुआस कइके मुक्ती पाबा,

1 तीमुथियुस 3:16

हम पंचे जउन भक्ती करित हएन, ओखर रहस्य खुब महान हय, एमाहीं कउनव सन्देह नहिं आय, उआ भेद इआमेर से हय, मसीह मनई के देंह लइके जनम लिहिन, अउर पबित्र आत्मा उनहीं धरमी ठहराइन, अउर ऊँ स्वरगदूतन काहीं देखाई दिहिन, अउर सगले जातिअन माहीं उनखे बारे माहीं प्रचार कीन ग, अउर संसार के सगले मनई उनखे ऊपर बिसुआस किहिन, अउर परमातिमा बड़े आदर के साथ उनहीं स्वरग माहीं जिन्दय ऊपर उठाय लिहिन।

2 तीमुथियुस 1:9

परमातिमा हमहीं पंचन काहीं मुक्ती दिहिन हीं, अउर पबित्र जीबन जिअँइ के खातिर बोलाइन हीं, एसे नहीं कि हम पंचे निकहे काम किहेन हय, बलकिन परमातिमा अपने उद्देस्य काहीं पूर करँइ के खातिर, हमहीं पंचन काहीं बोलाइन हीं, काहेकि परमातिमा संसार के बनामँइ से पहिलेन, अपने किरपा से मसीह यीसु के व्दारा, मुक्ती देंइ के योजना बनाइन रहा हय।

2 तीमुथियुस 4:17

पय प्रभू हमरे साथ माहीं रहे हँय, अउर हमहीं सामर्थ दिहिन, जउने हमरे व्दारा खुसी के खबर के भरपूर प्रचार होइ सकय, जउने सगले गैरयहूदी लोग सुन लेंय; अउर परमातिमा हमहीं त सेर के मुँहे से छोड़ाइन हीं।

तीतुस 1:2

हम उआ अनन्त जीबन मिलँइ के आसा कए हएन, जउने काहीं देंइ के वादा परमातिमा, जउन कबहूँ लबरी नहीं बोलँइ, दुनिया के बनामँइ से पहिले किहिन हीं।

1 पतरस 1:20

अउर मुक्ती देंइ के खातिर यीसु मसीह काहीं, संसार काहीं बनामँइ से पहिलेन चुनि लीन ग रहा हय, पय अब इआ अन्तिम जुग माहीं तोंहरे खातिर उनहीं प्रगट कीन ग हय।

दरसनन के बातँय 13:8

अउर धरती के सगले रहँइ बाले, उआ खतरनाक जानबर के अराधना करिहँय। जिनखर नाम बध कीन मेम्ना के जीबन के किताब माहीं, संसार के सुरुआत से लिखे नहिं आहीं।

दरसनन के बातँय 14:6

पुनि हम एकठे अउर स्वरगदूत काहीं, अकास के बीच माहीं उड़त देखेन, जिनखे लघे धरती के ऊपर रहँइ बालेन के हरेक जाति, अउर कुल, अउर भाँसा, अउर लोगन काहीं सुनामँइ के खातिर सनातन खुसी के खबर रही हय।

दरसनन के बातँय 17:8

जउने खतरनाक जानबर काहीं तूँ देखे हया, उआ पहिले त रहा हय, पय अब नहिं आय, अउर उआ अथाह कुन्ड से निकरिके बिनास माहीं परी; अउर धरती के रहँइ बाले, जिनखर नाम, संसार के सुरुआत से जीबन के किताब माहीं नहीं लिखे गें, इआ खतरनाक जानबर के इआ दसा काहीं देखिके, कि पहिले रहा हय, अब नहिं आय, अउर पुनि आय जई, अचरज मनि हँय।

दरसनन के बातँय 4:11

“हे हमार पंचन के प्रभू, अउर परमातिमा, अपनय महिमा, अउर मान-सम्मान, अउर सामर्थ के काबिल हएन; काहेकि अपनय सगली चीजन काहीं बनाएन हय, अउर ऊँ अपनय के मरजी से बनाई गे रही हँय, अउर बनाई गई हँय।”