इफीसियन 3:8 - Bagheli Bible

⁸ अउर हम जउन सगले पबित्र मनइन म से सगलेन से छोट आहेन, तऊ हमरे ऊपर बड़ी दया भे ही, कि गैरयहूदी लोगन काहीं मसीह के अपार दया के खुसी के खबर सुनाई, जउने ऊँ पंचे घलाय खुब आत्मिक आसीस पामँय।

इफीसियन 3:8 ပူးပေါင်းရင်းမြစ်များ

लूका 14:22

दास आइके कहिस, ‘हे मालिक, जइसन अपना कहेन तय उहयमेर किहेन हय; अउर ओखे बादव घर माहीं जघा खाली हय।’

यूहन्ना 1:16

काहेकि उनखर किरपा हमरे ऊपर भरपूर ही, एहिन से हमहीं पंचन काहीं भरपूर आसिरबाद मिलत हय।

खास चेलन 5:41

ऊँ पंचे इआ बात से आनन्दित होइके महासभा के आँगे से चलेगें, कि हम पंचे उनखे नाम के खातिर निरादर होंइ के काबिल त ठहरेन।

खास चेलन 9:15

पय प्रभू उनसे कहिन, कि “तूँ चले जा; काहेकि हम साऊल काहीं चुनि लिहेन हँय, कि ऊँ गैरयहूदी लोगन के आँगे अउर राजन के आँगे, अउर इजराइलिअन के आँगे हमरे नाम के प्रचार करँय।

रोमियन 11:33

बाह! परमातिमा केतने अदभुत हें, उनखर ग्यान अउर बुद्धी अउर दया रूपी धन अपरम्पार हय! उनखे निरनय अउर उपायन काहीं समझ पाउब असम्भव हय।

रोमियन 12:10

अउर आपस माहीं भाईचारा बनाइके, एक दुसरे से प्रेम करा; अउर आपस माहीं एक दुसरे काहीं अपने से बढ़िके माना।

रोमियन 2:4

का तूँ परमातिमा के असीमित दया अउर सहनसीलता अउर धीरज काहीं तुच्छ जनते हया? तोंहईं इआ जानँइ चाही, कि परमातिमा के दया तोंहईं पस्चाताप करब सिखाबत ही।

1 कुरिन्थियन 1:30

अउर उनहिन के द्वारा तूँ पंचे मसीह यीसु माहीं बने हया, जउन परमातिमा के तरफ से हमरे पंचन के खातिर ग्यान ठहरे हँय, अउर उनहिन के द्वारा हम पंचे परमातिमा के नजर माहीं निरदोस साबित भएन हँय, पबित्र बनाए गएन हँय, अउर हरेक बुराइन से छुटकारा घलाय पाए हएन।

1 कुरिन्थियन 15:9

अउर हम यीसु मसीह के खास चेलन म से सगलेन से छोट हएन, बलकिन यीसु मसीह के खास चेला कहामँइ के काबिल तक नहिं आहेन, काहेकि पहिले हम परमातिमा के मन्डली काहीं सताबत रहेन हँय।

1 कुरिन्थियन 2:9

पय पबित्र सास्त्र माहीं जइसन लिखा हय, कि “जउने बातन काहीं कोहू कबहूँ नहीं देखिस, न सुनिस, अउर न अपने मनय माहीं सोचिस, उँइन बातन काहीं, परमातिमा अपने प्रेम करँइ बालेन के खातिर तइआर किहिन हीं।”

गलातियन 1:16

अउर परमातिमा के इआ इच्छा भय, कि हमहीं अपने लड़िका के बारे माहीं ग्यान करामँय, कि जउने हम उनखे खुसी के खबर काहीं, गैरयहूदी लोगन के बीच माहीं सुनाई; त हम कउनव मनई से सलाह नहीं लिहेन।

गलातियन 2:8

(काहेकि जइसन परमातिमा पतरस काहीं यहूदी लोगन के बीच माहीं यीसु के खास चेला के रूप माहीं, काम करँइ के सक्ती दिहिन हीं, उहयमेर परमातिमा हमहूँ काहीं यीसु के खास चेला के रूप माहीं, गैरयहूदी लोगन के बीच माहीं काम करँइ के सक्ती दिहिन हीं।)

इफीसियन 2:7

जउने आमँइ बाले समयन माहीं परमातिमा अपने दया के असीमित धन देखामँइ, जउन यीसु मसीह के ऊपर बिसुआस करँइ के द्वारा हमहीं पंचन काहीं मिला हय।

इफीसियन 3:1

तूँ पंचे जउन गैरयहूदी आह्या, तोंहरे बीच माहीं हम मसीह यीसु के सेबा करित हएन, एसे हमहीं जेल माहीं डार दीन ग हय।

इफीसियन 3:16

हम प्राथना करित हएन, कि परमातिमा अपने महिमा के धन के मुताबिक, तोंहईं पंचन काहीं इआ बरदान देंय, कि तूँ पंचे उनखे पबित्र आत्मा से सामर्थ पाइके, अपने अन्दर के सुभाव माहीं मजबूत होत जा।

इफीसियन 3:19

अउर मसीह के उआ प्रेम काहीं जान सका, जउन मनइन के हरेकमेर के ग्यान से नहीं जाना जाय सकय, जउने तूँ पंचे परमातिमा के सगली भरपूरी से भरपूर होइजा।

इफीसियन 3:2

परमातिमा हमरे ऊपर बड़ी दया कइके हमहीं नियुक्त किहिन हीं, कि तूँ पंचे जउन गैरयहूदी आह्या, हम आइके परमातिमा के खुसी के खबर सुनाई। एखे बारे माहीं तूँ पंचे जरूर सुने होइहा।

फिलिप्पियन 2:3

आपस माहीं बिरोध इआ कि झूँठी बड़ाई पामँइ के खातिर कुछू न करा, पय नम्रता के साथ एक दुसरे काहीं अपने से निकहा समझा।

फिलिप्पियन 4:19

अउर हमार परमातिमा घलाय अपने उआ धन के मुताबिक, जउन मसीह यीसु माहीं महिमा समेत हय, तोंहरे हरेक कमी-घटी काहीं पूर करिहँय।

कुलुस्सियन 1:27

अउर इआ बात काहीं परमातिमा उनखे ऊपर एसे प्रगट किहिन हीं, कि जउने उनहीं मालुम होय, कि गैरयहूदी लोगन माहीं उआ भेद के महिमा के कीमत केतनी बड़ी ही? अउर उआ इआ आय, कि मसीह जउन महिमा के आसा आहीं, तोंहरे जीबन माहीं निबास करत हें।

1 तीमुथियुस 1:13

हम त पहिले यीसु मसीह के अपमान करँइ बाले रहेन हय, अउर बिसुआसी लोगन काहीं सतामँइ बाले, अउर उनखे ऊपर अत्याचार करँइ बाले रहेन हय; तऊ प्रभू हमरे ऊपर दया किहिन, काहेकि जब हम प्रभू के ऊपर बिसुआस नहीं करत रहेन, उआ दसा माहीं बिना समझे बूझे ईं काम किहेन रहा हय।

1 तीमुथियुस 1:15

इआ बात बेलकुल सही हय, अउर हरेकमेर से मानँइ के काबिल ही, कि मसीह यीसु पापिन काहीं मुक्ती देंइ के खातिर, इआ संसार माहीं आए हँय, जउनेन म से सगलेन से बड़े पापी हम आहेन।

1 तीमुथियुस 2:7

हम बेलकुल सही कहित हएन, लबरी नहीं बोली, हम इहय खुसी के खबर सुनामँइ के खातिर, यीसु मसीह के पठए खास चेला आहेन, अउर गैरयहूदी लोगन काहीं, परमातिमा के ऊपर बिसुआस करँइ के सत्य बचन के उपदेस सुनामँइ के खातिर, हम चुने गएन हँय।

2 तीमुथियुस 1:11

इहय खुसी के खबर काहीं फइलामँइ अउर उपदेस देंइ के खातिर, हम यीसु मसीह के खास चेला ठहरेन हय।

दरसनन के बातँय 3:18

एहिन से हम तोंहईं इआ सलाह देइत हएन, कि आगी माहीं तपाबा सोन हमसे मोल लइ ल्या, कि धनी होइजा; अउर उजर ओन्हा लइ ल्या, कि ओही पहिरिके तोंहईं अपने नंगापन के लज्जा न होय, अउर अपने आँखिन माहीं लगामँइ के खातिर सुरमा लइ ल्या, कि तूँ देखँइ लागा।