इफीसियन 3:5 - Bagheli Bible

⁵ इआ भेद पुरान पीढ़ी के मनइन काहीं इआमेर नहीं बताबा ग रहा आय, जइसन कि अब परमातिमा अपने पबित्र खास चेलन अउर नबिअन काहीं पबित्र आत्मा के द्वारा बताइन हीं।

इफीसियन 3:5 ပူးပေါင်းရင်းမြစ်များ

मत्ती 13:17

काहेकि हम तोंहसे सही कहित हएन, कि बहुत से परमातिमा के सँदेस बतामँइ बाले, अउर धरमी लोग, इआ चाहत रहे हँय, कि जउन बातँय तूँ पंचे देखते हया, देखी, पय नहीं देखे पाइन, अउर जउन बातँय तूँ पंचे सुनते हया, सुनी, पय नहीं सुने पाइन।

मत्ती 20:7

तब ऊँ उनसे कहिन, कि ‘तुहूँ पंचे घलाय हमरे अंगूर के बगिया माहीं जाइके काम करा’।”

मत्ती 23:34

एसे देखा, हम तोंहरे पंचन के लघे परमातिमा के सँदेस बतामँइ बालेन, अउर ग्यानी मनइन काहीं अउर मूसा के बिधान सिखामँइ बालेन काहीं पठइत हएन; अउर तूँ पंचे उनमा से कुछ जनेन काहीं मारि डरिहा, अउर क्रूस माहीं चढ़इहा, अउर कुछ जनेन काहीं अपने सभाघर माहीं चाबुक मरिहा, अउर एक सहर से दुसरे सहर माहीं भगइहा।

लूका 10:24

काहेकि हम तोंहसे कहित हएन, कि बहुत से परमातिमा के सँदेस बतामँइ बाले अउर बहुत से राजा लोग, इआ चाहत रहे हँय, कि जउन बातँय तूँ पंचे देखते हया देखी, पय नहीं देखे पाइन, अउर जउन बातँय तूँ पंचे सुनते हया, सुनी, पय नहीं सुने पाइन।”

लूका 11:49

एसे परमातिमा अपने बुद्धी से कहिन हीं, कि हम अपने सँदेस बतामँइ बालेन अउर यीसु मसीह के खास चेलन काहीं उनखे लघे पठउब, अउर ऊँ पंचे उनमा से कुछ जनेन काहीं मारि डरिहँय, अउर कुछ जनेन काहीं सतइहँय।

यूहन्ना 14:26

पय ऊँ सहायक अरथात पबित्र आत्मा, जिनहीं पिता हमरे नाम से पठइहँय, ऊँ तोंहईं पंचन काहीं सगली बातन काहीं सिखइ हँय, अउर जउन कुछू हम तोंहसे कहेन हय, उआ सगला ऊँ तोंहईं सुध देबइहँय।

यूहन्ना 16:13

पय जब सत्य के आत्मा अई, त तोंहईं सत्य के गइल बताई, काहेकि उआ अपने तरफ से कुछू न कही, पय जउन कुछू सुनी, उहय बताई, अउर आमँइ बाली बातन काहीं तोंहईं पंचन काहीं बताई।

खास चेलन 10:28

पतरस उनसे कहिन, “तूँ पंचे जनते हया, कि गैरयहूदी लोगन के संगति करब, इआ उनखे इहाँ जाब यहूदी लोगन के खातिर अधरम हय, पय परमातिमा हमहीं बताइन हीं, कि हम कउनव मनई काहीं अपबित्र इआ कि असुद्ध न कही।

रोमियन 16:25

अउर परमातिमा के बड़ाई होय, हम यीसु मसीह के बारे माहीं जउने खुसी के खबर काहीं तोंहईं पंचन काहीं बतायन हय, ओहिन के मुताबिक तोंहईं पंचन काहीं उँइन बिसुआस माहीं मजबूत कइ सकत हें, अउर परमातिमा के इआ रहस्यपूर्न सत्य जुगन-जुगन से छिपा रहा हय।

1 कुरिन्थियन 2:10

पय परमातिमा अपने आत्मा के द्वारा, उँइन बातन काहीं हमरे पंचन के खातिर प्रगट किहिन हीं, काहेकि परमातिमा के आत्मा सगली बातन भर काहीं नहीं, बलकिन परमातिमा के छिपी बातन काहीं घलाय जानत हय।

इफीसियन 2:20

अउर तूँ पंचे एकठे अइसा घर बन गया हय, जउन यीसु के खास चेलन अउर नबिअन के नेव के ऊपर खड़ा हय, अउर खुद यीसु मसीह जेखे कोनमा के पथरा हें।

इफीसियन 3:9

अउर सगले मनइन काहीं इआ बात बताई, कि उआ भेद के योजना का ही, जउने काहीं सगले संसार काहीं बनामँइ बाले परमातिमा, खुब बरिस पहिले से छिपाइके रक्खिन रहा हय।

2 पतरस 3:2

जउने तूँ पंचे परमातिमा के सँदेस बतामँइ बाले पबित्र लोगन के द्वारा, पहिलेन से कही, ऊँ बातन काहीं सुधि करा, अउर हमही पंचन काहीं मुक्ती देंइ बाले प्रभू के हुकुमन काहीं, जउन तोंहरे बीच माहीं सेबा करँइ बाले, यीसु मसीह के खास चेलन के द्वारा तोंहईं बताबा ग रहा हय, उनहीं सुधि रक्खा।

यहूदा 1:17

पय हे पियार साथिव, तूँ पंचे ऊँ बातन काहीं हमेसा सुध रक्खा; जउने बातन काहीं हमरे पंचन के प्रभू यीसु मसीह के चुने, खास चेलन के द्वारा पहिलेन से बताबा जाय चुका हय।