इफीसियन 3:4 - Bagheli Bible

⁴ अगर तूँ पंचे एही पढ़िहा, त इआ जान सकते हया, कि मसीह के बारे माहीं जउन सँदेस पहिले कोऊ नहीं जानत रहा आय, ओखे बारे माहीं हम समझ गएन हय।

इफीसियन 3:4 ပူးပေါင်းရင်းမြစ်များ

मत्ती 13:11

तब यीसु उनहीं जबाब दिहिन, कि “परमातिमा के राज के जउने बातन काहीं दूसर लोग नहीं जानँय, ऊँ बातन काहीं परमातिमा तोहईं समझाइन हीं, पय उनहीं नहीं।”

लूका 8:10

यीसु उनसे कहिन, “परमातिमा के राज के जउने बातन काहीं दूसर लोग नहीं जानँय, ऊँ बातन काहीं परमातिमा तोहईं समझाइन हीं, पय सगली बात दुसरे लोगन काहीं उदाहरन माहीं सुनाई जाती हँय, एसे कि ‘ऊँ पंचे परमातिमा के महिमा काहीं देखत हें, पय देखेव से जाने नहीं पामँय, अउर अपने कानन से सुनत हें, पय सुनेव से नहीं समझे पामँय’।”

रोमियन 11:25

हे भाई-बहिनिव, कहँव अइसा न होय, कि तूँ पंचे अपने-आप काहीं बुद्धिमान समझ ल्या, एसे हम चाहित हएन, कि तूँ पंचे इआ भेद काहीं जानिल्या, कि परमातिमा के राज माहीं गैरयहूदी लोग जब तक पूरी तरह से प्रबेस न कइ लेइहँय, तब तक इजराइली लोगन म से कुछ जने अइसय कठोर बने रइहँय।

रोमियन 16:25

अउर परमातिमा के बड़ाई होय, हम यीसु मसीह के बारे माहीं जउने खुसी के खबर काहीं तोंहईं पंचन काहीं बतायन हय, ओहिन के मुताबिक तोंहईं पंचन काहीं उँइन बिसुआस माहीं मजबूत कइ सकत हें, अउर परमातिमा के इआ रहस्यपूर्न सत्य जुगन-जुगन से छिपा रहा हय।

1 कुरिन्थियन 13:2

अउर अगर हम परमातिमा केर सँदेस बताय सकी, अउर परमातिमा के छिपी सगली योजनन काहीं, अउर हरेक मेर के ग्यान काहीं समझी, अउर हमहीं इहाँ तक बिसुआस होय, कि अगर हम प्राथना करब, त पहार सरकि जई, पय अगर दुसरेन से प्रेम नहीं रक्खी, त हमार कउनव महत्व नहिं आय।

1 कुरिन्थियन 4:1

परमातिमा के जउन बातँय मनइन से छिपी रही हँय, उँइन बातन के भन्डारी, अउर मसीह के सेबक हम पंचे आहेन, इआ बात मनइन काहीं समझँय चाही।

2 कुरिन्थियन 11:6

अगर हम बोलँइ माहीं कमजोर हएन, तऊ ग्यान माहीं कमजोर नहिं आहेन, अउर हम इआ ग्यान काहीं हरेक बातन माहीं, अउर हरेकमेर से तोंहईं पंचन काहीं बतायन हय।

इफीसियन 1:9

अउर परमातिमा अपने इच्छा के भेद काहीं अपने निकहे बिचार के मुताबिक हमहीं पंचन काहीं बताइन हीं, जउने काहीं ऊँ मसीह के द्वारा हमहीं पंचन काहीं देखामँइ चाहत रहे हँय।

इफीसियन 3:3

अरथात इआ भेद हमहीं दरसन के द्वारा मिला हय, जइसन कि एखे बारे माहीं हम पहिलेन संछेप माहीं लिख चुके हएन।

इफीसियन 3:9

अउर सगले मनइन काहीं इआ बात बताई, कि उआ भेद के योजना का ही, जउने काहीं सगले संसार काहीं बनामँइ बाले परमातिमा, खुब बरिस पहिले से छिपाइके रक्खिन रहा हय।

इफीसियन 5:32

अउर हम पंचे जानित हएन, कि इआ भेद खुब बड़ा हय; पय हम मसीह, अउर मसीही मन्डली के बारे माहीं कहित हएन।

इफीसियन 6:19

अउर तूँ पंचे हमरेव खातिर प्राथना करत रहा, कि हमहीं बोलत के समय परमातिमा अइसन सामरथी बचन देंय, कि हम बड़े साहस के साथ खुसी के खबर के भेद काहीं बताय सकी, जउने के खातिर हम जंजीर से बाँधे राजदूत कि नाईं हएन।

कुलुस्सियन 1:26

अरथात उआ भेद के बात काहीं, जउन खुब समय से अरथात कइअक पीढ़िन से छिपी रही हय, पय अब उआ भेद के बात काहीं, परमातिमा अपने चुने पबित्र मनइन के ऊपर प्रगट किहिन हीं।

कुलुस्सियन 2:2

जउने उनखे मनन काहीं उत्साह मिलय, अउर ऊँ पंचे आपस म एक दुसरे से प्रेम माहीं बँधि जाँय, अउर बिसुआस के उआ सगला धन जउन सच्चे ग्यान से मिलत हय, उनहीं पंचन काहीं मिल जाय, जउने पिता परमातिमा के भेद काहीं, अरथात मसीह काहीं पहिचान लेंय।

कुलुस्सियन 4:3

अउर एखे साथय-साथ हमरे पंचन के खातिर घलाय इआ प्राथना करत रहा, कि परमातिमा हमहीं पंचन काहीं बचन सुनामँइ के मोका देंय, कि हम पंचे मसीह के उआ भेद काहीं बताय सकी, जेखे कारन हम जेल माहीं हएन।

1 तीमुथियुस 3:16

हम पंचे जउन भक्ती करित हएन, ओखर रहस्य खुब महान हय, एमाहीं कउनव सन्देह नहिं आय, उआ भेद इआमेर से हय, मसीह मनई के देंह लइके जनम लिहिन, अउर पबित्र आत्मा उनहीं धरमी ठहराइन, अउर ऊँ स्वरगदूतन काहीं देखाई दिहिन, अउर सगले जातिअन माहीं उनखे बारे माहीं प्रचार कीन ग, अउर संसार के सगले मनई उनखे ऊपर बिसुआस किहिन, अउर परमातिमा बड़े आदर के साथ उनहीं स्वरग माहीं जिन्दय ऊपर उठाय लिहिन।

1 तीमुथियुस 3:9

बलकिन बिसुआस के बारे माहीं जउन खुसी के खबर परमातिमा प्रगट किहिन हीं, ओही पूरे पबित्र मन से उनहीं पकड़े रहँइ चाही।