इफीसियन 3:3 - Bagheli Bible

³ अरथात इआ भेद हमहीं दरसन के द्वारा मिला हय, जइसन कि एखे बारे माहीं हम पहिलेन संछेप माहीं लिख चुके हएन।

इफीसियन 3:3 ပူးပေါင်းရင်းမြစ်များ

खास चेलन 22:17

जब हम पुनि यरूसलेम सहर माहीं आइके मन्दिर माहीं प्राथना करत रहे हएन, त बेसुध होइ गएन।

खास चेलन 22:21

अउर ऊँ हमसे कहिन, चले जा, ‘काहेकि हम तोंहईं गैरयहूदी लोगन के लघे दूरी-दूरी तक पठउब।”

खास चेलन 23:9

तब बड़ा हल्ला मचिगा, अउर मूसा के बिधान सिखामँइ बाले कुछ जने जउन फरीसी लोगन के दल के रहे हँय, ठाढ़ होइके इआमेर कहिके झगड़ा करँइ लागें, कि “हम पंचे इआ मनई माहीं कउनव बुराई नहीं पाई; अउर अगर कउनव आत्मा, इआ कि स्वरगदूत उनसे बात किहिन हीं, त एसे का भ?”

रोमियन 11:25

हे भाई-बहिनिव, कहँव अइसा न होय, कि तूँ पंचे अपने-आप काहीं बुद्धिमान समझ ल्या, एसे हम चाहित हएन, कि तूँ पंचे इआ भेद काहीं जानिल्या, कि परमातिमा के राज माहीं गैरयहूदी लोग जब तक पूरी तरह से प्रबेस न कइ लेइहँय, तब तक इजराइली लोगन म से कुछ जने अइसय कठोर बने रइहँय।

रोमियन 16:25

अउर परमातिमा के बड़ाई होय, हम यीसु मसीह के बारे माहीं जउने खुसी के खबर काहीं तोंहईं पंचन काहीं बतायन हय, ओहिन के मुताबिक तोंहईं पंचन काहीं उँइन बिसुआस माहीं मजबूत कइ सकत हें, अउर परमातिमा के इआ रहस्यपूर्न सत्य जुगन-जुगन से छिपा रहा हय।

2 कुरिन्थियन 12:1

जबकि घमन्ड करे से कउनव फायदा नहीं होय, तऊ हमहीं घमन्ड करँइ पर रहा हय, एसे जउन दरसन अउर प्रकासन प्रभू हमहीं दिहिन हीं, हम उनखर चरचा करब।

गलातियन 1:12

काहेकि इआ खुसी के खबर हमहीं प्रभू यीसु मसीह के प्रगट करँइ के व्दारा मिली हय, उआ हमरे बाप-दादन के बताई न होय, अउर न कउनव गुरू के सिखाइन आय।

इफीसियन 1:17

हम प्राथना करा करित हएन, कि हमार पंचन के प्रभू यीसु मसीह के परमातिमा, तोंहईं समझँय के अउर दिब्य दरसन के अइसन आत्मा के सक्ती देंय, कि जउने तूँ पंचे ऊँ महिमावान परमपिता काहीं पहिचान सका।

इफीसियन 3:4

अगर तूँ पंचे एही पढ़िहा, त इआ जान सकते हया, कि मसीह के बारे माहीं जउन सँदेस पहिले कोऊ नहीं जानत रहा आय, ओखे बारे माहीं हम समझ गएन हय।

इफीसियन 3:6

उआ भेद इआ आय, कि खुसी के खबर के द्वारा गैरयहूदी यीसु मसीह के ऊपर बिसुआस किहिन हीं, इआ कारन से यहूदी लोगन के साथ एकय देंह कि नाईं एक होइगे हँय, अउर बारिसदार बनँइ माहीं साझीदार होइगे हँय, अउर परमातिमा के वादा के भागीदार घलाय होइगे हँय।

इफीसियन 3:9

अउर सगले मनइन काहीं इआ बात बताई, कि उआ भेद के योजना का ही, जउने काहीं सगले संसार काहीं बनामँइ बाले परमातिमा, खुब बरिस पहिले से छिपाइके रक्खिन रहा हय।

इफीसियन 6:19

अउर तूँ पंचे हमरेव खातिर प्राथना करत रहा, कि हमहीं बोलत के समय परमातिमा अइसन सामरथी बचन देंय, कि हम बड़े साहस के साथ खुसी के खबर के भेद काहीं बताय सकी, जउने के खातिर हम जंजीर से बाँधे राजदूत कि नाईं हएन।

कुलुस्सियन 2:2

जउने उनखे मनन काहीं उत्साह मिलय, अउर ऊँ पंचे आपस म एक दुसरे से प्रेम माहीं बँधि जाँय, अउर बिसुआस के उआ सगला धन जउन सच्चे ग्यान से मिलत हय, उनहीं पंचन काहीं मिल जाय, जउने पिता परमातिमा के भेद काहीं, अरथात मसीह काहीं पहिचान लेंय।

कुलुस्सियन 4:3

अउर एखे साथय-साथ हमरे पंचन के खातिर घलाय इआ प्राथना करत रहा, कि परमातिमा हमहीं पंचन काहीं बचन सुनामँइ के मोका देंय, कि हम पंचे मसीह के उआ भेद काहीं बताय सकी, जेखे कारन हम जेल माहीं हएन।

इब्रानियन 13:22

हे भाई-बहिनिव, हम तोंहसे इआ बिनती करित हएन, कि इआ उपदेस के बातन काहीं सोइकार कइल्या; काहेकि हम तोंहरे खातिर ईं बातन काहीं संछेप माहीं लिखेन हँय।

1 पतरस 5:12

हम आपन इआ चिट्ठी सिलबानुस के हाँथे से पठइत हएन, जिनहीं हम बिसुआस के काबिल आपन भाई मानित हएन, अउर अपने इआ चिट्ठी माहीं संछेप माहीं लिखिके, तोंहईं पंचन काहीं इआ समझामँइ के कोसिस किहेन हय, अउर इआ गबाही दिहेन हय, कि परमातिमा के सच्ची किरपा इहय आय, कि तूँ पंचे उनखे ऊपर बिसुआस माहीं स्थिर रहा।

2 पतरस 3:15

अउर हमरे पंचन के प्रभू के धीरज काहीं मुक्ती समझा, इहइमेर हमार पंचन के पियार भाई पवलुस घलाय, परमातिमा के द्वारा जउन ग्यान उनहीं मिला रहा हय, ओखे मुताबिक तोहईं पंचन काहीं लिखिन हीं।