इफीसियन 3:2 - Bagheli Bible

² परमातिमा हमरे ऊपर बड़ी दया कइके हमहीं नियुक्त किहिन हीं, कि तूँ पंचे जउन गैरयहूदी आह्या, हम आइके परमातिमा के खुसी के खबर सुनाई। एखे बारे माहीं तूँ पंचे जरूर सुने होइहा।

इफीसियन 3:2 ပူးပေါင်းရင်းမြစ်များ

खास चेलन 13:2

जब ऊँ पंचे उपबास कइके प्रभू के अराधना करत रहे हँय, तब पबित्र आत्मा उनसे कहिन; “हमरे खातिर बरनबास अउर साऊल काहीं उआ काम के खातिर अलग करा, जउने खातिर हम उनहीं बोलायन हय।”

खास चेलन 13:46

तब पवलुस अउर बरनबास निडर होइके कहिन, “जरूरी रहा हय, कि परमातिमा के बचन पहिले तोंहईं पंचन काहीं सुनाबा जात, पय जब तूँ पंचे ओही सुनँय नहीं चहते आह्या, अउर अपने-आप काहीं अनन्त जीबन के काबिल नहीं ठहरउते आह्या, त देखा, हम गैरयहूदी लोगन के लघे जइत हएन।

खास चेलन 22:21

अउर ऊँ हमसे कहिन, चले जा, ‘काहेकि हम तोंहईं गैरयहूदी लोगन के लघे दूरी-दूरी तक पठउब।”

खास चेलन 9:15

पय प्रभू उनसे कहिन, कि “तूँ चले जा; काहेकि हम साऊल काहीं चुनि लिहेन हँय, कि ऊँ गैरयहूदी लोगन के आँगे अउर राजन के आँगे, अउर इजराइलिअन के आँगे हमरे नाम के प्रचार करँय।

रोमियन 1:5

अउर इनहिन के द्वारा हमहीं किरपा अउर यीसु के खास चेला होंइ के अधिकार मिला हय; कि जउने उनखे नाम के ऊपर गैरयहूदी लोग बिसुआस कइके उनखे बातन काहीं मानँय।

रोमियन 11:13

हम तोंहसे पंचन से ईं बातन काहीं कहित हएन, जउन गैरयहूदी आह्या, काहेकि परमातिमा हमहीं तोंहरे बीच माहीं यीसु मसीह के खास चेला के रूप माहीं पठइन हीं, अउर हम अपने खुसी के खबर सुनामँइ के सेबा काहीं खुब खास मानित हएन।

रोमियन 12:3

काहेकि परमातिमा के किरपा से जउन अधिकार हमहीं मिला हय, ओहिन के मुताबिक हम तोंहसे पंचन से अरथात हरेक जन से कहित हएन, कि जइसन अपने-आप काहीं समझँइ चाही, ओसे बढ़िके अपने-आप काहीं न समझा। जइसन परमातिमा तोंहरे पंचन के छमता के मुताबिक, जेतना बिसुआस दिहिन हीं, ओहिन के मुताबिक अपने-आप काहीं सही तरीके से समझा।

1 कुरिन्थियन 4:1

परमातिमा के जउन बातँय मनइन से छिपी रही हँय, उँइन बातन के भन्डारी, अउर मसीह के सेबक हम पंचे आहेन, इआ बात मनइन काहीं समझँय चाही।

गलातियन 1:13

अउर यहूदी धरम के मुताबिक जउन पहिले हमार चाल-चलन रहा हय, ओही त तूँ पंचे जनतेन हया; कि पहिले हम परमातिमा के मसीही मन्डली के मनइन काहीं सताबत रहेन हय, इहाँ तक कि नास करँइ के कोसिस करत रहेन हय।

इफीसियन 1:10

अउर परमातिमा अइसन योजना बनाइन, कि अपने निस्चित समय माहीं जउन कुछू स्वरग माहीं हय, अउर जउन कुछू धरती माहीं हय, उनहीं सगलेन काहीं एकट्ठा करँय अउर मसीह उनखे ऊपर राज करँय।

इफीसियन 3:7

अउर परमातिमा बड़ी दया कइके जउन बरदान हमहीं दिहिन हीं, ओहिन के सामर्थ के प्रभाव के मुताबिक, हम खुसी के खबर काहीं सुनामँइ के सेबक बने हएन।

इफीसियन 3:8

अउर हम जउन सगले पबित्र मनइन म से सगलेन से छोट आहेन, तऊ हमरे ऊपर बड़ी दया भे ही, कि गैरयहूदी लोगन काहीं मसीह के अपार दया के खुसी के खबर सुनाई, जउने ऊँ पंचे घलाय खुब आत्मिक आसीस पामँय।

इफीसियन 3:9

अउर सगले मनइन काहीं इआ बात बताई, कि उआ भेद के योजना का ही, जउने काहीं सगले संसार काहीं बनामँइ बाले परमातिमा, खुब बरिस पहिले से छिपाइके रक्खिन रहा हय।

इफीसियन 4:21

बलकिन तूँ पंचे सचमुच माहीं उनहिन के सुने हया, अउर जइसन यीसु माहीं सत्य हय, ओहिन के मुताबिक सिखाए घलाय गए हया।

इफीसियन 4:7

पय हमरे पंचन म से हरेक जन काहीं, मसीह अपने मरजी से उदारता के साथ आत्मिक बरदान दिहिन हीं।

कुलुस्सियन 1:4

काहेकि हम पंचे तोंहरे बारे माहीं इआ सुने हएन, कि तूँ पंचे यीसु मसीह के ऊपर बिसुआस करते हया, अउर सगले पबित्र बिसुआसी भाई-बहिनिन से प्रेम रखते हया।

कुलुस्सियन 1:6

अउर खुसी के खबर सगले संसार माहीं सफल होइके फइल रही हय, इआ उहयमेर होइ रहा हय, जइसन तोंहरे बीच माहीं इआ उहय समय से सफल होंइ लाग रहा हय, जउने दिना तूँ पंचे परमातिमा के किरपा के बारे माहीं सुने रह्या हय, अउर सचमुच माहीं समझ गया तय।

1 तीमुथियुस 1:11

इआ सिच्छा परम धन्य परमातिमा के महिमा के उआ खुसी के खबर के मुताबिक ही, जउने के प्रचार करँइ के जिम्मेबारी हमहीं सँउपी गे ही।

1 तीमुथियुस 1:4

अउर तूँ उहाँ के बिसुआसिअन काहीं समझाबा, कि ऊँ अइसन किस्सा-कहानिन से अउर अनन्त बंसाबलियन से दूरी रहँय, जउने से लड़ाई-झगड़ा होत हें, काहेकि जउन मुक्ती पामँइ के प्रबन्ध परमातिमा किहिन हीं, उआ केबल प्रभू यीसु मसीह के ऊपर बिसुआस करे से मिलत ही, उनसे इनखर कउनव लेन-देन नहिं आय। उहय बात काहीं पुनि कहित हएन।

1 तीमुथियुस 2:7

हम बेलकुल सही कहित हएन, लबरी नहीं बोली, हम इहय खुसी के खबर सुनामँइ के खातिर, यीसु मसीह के पठए खास चेला आहेन, अउर गैरयहूदी लोगन काहीं, परमातिमा के ऊपर बिसुआस करँइ के सत्य बचन के उपदेस सुनामँइ के खातिर, हम चुने गएन हँय।

2 तीमुथियुस 1:11

इहय खुसी के खबर काहीं फइलामँइ अउर उपदेस देंइ के खातिर, हम यीसु मसीह के खास चेला ठहरेन हय।