इफीसियन 3:1 - Bagheli Bible

¹ तूँ पंचे जउन गैरयहूदी आह्या, तोंहरे बीच माहीं हम मसीह यीसु के सेबा करित हएन, एसे हमहीं जेल माहीं डार दीन ग हय।

इफीसियन 3:1 ပူးပေါင်းရင်းမြစ်များ

लूका 21:12

पय ईं सगली बातँय होंइ से पहिले, ऊँ पंचे तोंहईं हमार चेला होंइ के कारन पकड़िहँय, अउर मरिहँय, अउर सभाघरन माहीं सउँपिहँय, अउर जेल माहीं बेंड़बाय देइहँय, अउर राजा लोगन अउर अधिकारिन के लघे लइ जइहँय।

खास चेलन 21:33

तब सिपाहिन के मुखिया उनखे लघे आइके उनहीं पकड़ लिहिन; अउर दुइठे जंजीरन से बाँधय के हुकुम दइके पूँछँइ लागें, “ईं को आहीं, अउर ईं का किहिन हीं?”

खास चेलन 23:18

एसे ऊँ सुबेदार उनहीं सिपाहिन के मुखिया के लघे लइ जाइके कहिन; “पवलुस नाम के बंदी हमहीं बोलाइके बिनती किहिन हीं, कि इआ नवजमान सिपाहिन के मुखिया से कुछू बात करँय चाहत हय; ओही उनखे लघे लइ जा।”

खास चेलन 26:29

तब पवलुस कहिन, “परमातिमा से हमार प्राथना इआ हय, कि का थोर माहीं, का बहुत माहीं, केबल अपनय भर नहीं, बलकिन जेतने जने आज हमरे बातन काहीं सुनत हें, ईं बन्धनन से अजाद होइके, ऊँ पंचे हमरे कि नाईं होइ जाँय।”

खास चेलन 9:15

पय प्रभू उनसे कहिन, कि “तूँ चले जा; काहेकि हम साऊल काहीं चुनि लिहेन हँय, कि ऊँ गैरयहूदी लोगन के आँगे अउर राजन के आँगे, अउर इजराइलिअन के आँगे हमरे नाम के प्रचार करँय।

2 कुरिन्थियन 1:6

अगर हम पंचे खुब कस्ट पाइत हएन, त इआ तोंहरे पंचन के मुक्ती अउर सान्ती के खातिर आय, अउर अगर सान्ती पाइत हएन, त इहव तोंहरे सान्ती के खातिर आय; इहय सान्ती के असर से तुहूँ पंचे घलाय, धीरज के साथ उन दुखन काहीं सहि लेते हया, जिनहीं हमहूँ पंचे घलाय सहित हएन।

2 कुरिन्थियन 10:1

हम पवलुस यीसु मसीह कि नाईं नम्र अउर दीन होइके तोंहसे पंचन से बिनती करित हएन, जबकि हमरे पीठ पीछे कुछ मनई कहत हें, कि हम डरपोक हएन। पय हम इआ लिखी चिट्ठी माहीं खुब निडर देखइत हएन।

2 कुरिन्थियन 11:23

अगर ऊँ पंचे खुद काहीं मसीह के सेबक समझत हें, त हमहूँ पागल कि नाईं इआ कहित हएन, कि हम उनसे बढ़िके हएन। चाह उआ मेहनत करँइ माहीं होय, चाह उआ बेर-बेर जेल जाँइ माहीं होय, चाह उआ चाबुक से मार खाँइ माहीं होय। चाह उआ बेर-बेर मउत के मुँहे म जाँइ माहीं होय।

गलातियन 5:11

पय हे भाई-बहिनिव, अगर हम अबे तक खतना के प्रचार करित हएन, त अबे तक हम काहे सताए जइत हएन; अउर हम क्रूस माहीं चढ़े मसीह के जउन प्रचार करित हएन, उआ यहूदी लोगन के खातिर ठोकर के कारन न बनत?

गलातियन 5:2

देखा, हम पवलुस तोंहसे से कहित हएन, कि अगर तूँ पंचे खतना करइहा, त मसीह जउन कुछू तोंहरे खातिर किहिन हीं, ओसे तोंहईं कुछू फायदा न होई।

गलातियन 5:24

अउर जे कोऊ यीसु मसीह काहीं अपने जीबन माहीं अपनाय लिहिन हीं, ऊँ पंचे अपने देंह के बुरी इच्छन अउर अभिलासन काहीं क्रूस के ऊपर चढ़ाय दिहिन हीं।

इफीसियन 3:11

परमातिमा अनन्तकाल से जउन इच्छा अपने मन माहीं कए रहे हँय, ओही ऊँ हमरे पंचन के प्रभू यीसु मसीह के द्वारा पूर किहिन हीं।

इफीसियन 3:13

एसे हम तोंहसे इआ बिनती करित हएन, कि जउन दुख-मुसीबत तोंहरे खातिर हम उठाय रहेन हय, उनखे कारन हिम्मत न हारा, काहेकि उनहिन माहीं तोंहार पंचन के भलाई हय।

इफीसियन 3:8

अउर हम जउन सगले पबित्र मनइन म से सगलेन से छोट आहेन, तऊ हमरे ऊपर बड़ी दया भे ही, कि गैरयहूदी लोगन काहीं मसीह के अपार दया के खुसी के खबर सुनाई, जउने ऊँ पंचे घलाय खुब आत्मिक आसीस पामँय।

इफीसियन 4:1

हम पवलुस प्रभू के सेबक होंइ के कारन जउन बन्दी बने हएन, तोंहसे बिनती करित हएन, कि जउने उद्देस्य से परमातिमा तोंहईं बोलाइन हीं, ओहिन के काबिल तोंहार चाल-चलन होय।

इफीसियन 6:20

अउर इहव प्राथना करा, कि हम खुसी के खबर के बारे माहीं जइसन हमहीं बोलँय चाही, उहयमेर साहस के साथ बोलि सकी।

फिलिप्पियन 1:7

तोंहरे बारे माहीं हमहीं अइसा सोचब उचित हय, काहेकि तूँ पंचे हमरे हिरदँय माहीं बसे हया। अउर हम जेल माहीं हएन, तऊ खुसी के खबर के खातिर मनइन काहीं जबाब देंइ माहीं, अउर अपने जीबन के व्दारा गबाही देंइ माहीं, परमातिमा हमरे ऊपर बड़ी दया कइके हमार मदत किहिन हीं, अउर ऊँ सगले कामन काहीं करँइ माहीं तूँ पंचे हमरे साथ सामिल हया।

कुलुस्सियन 1:24

अउर जउन दुख-मुसीबत हम तोंहरे पंचन के खातिर उठाइत हएन, उनखे कारन हम आनन्दित होइत हएन, अउर मसीह के देंह अरथात मसीही मन्डली के खातिर मसीह के यातनन माहीं जउन कुछ कमी रहिगे तय, ओही हम अपने देंह माहीं पूर कए देइत हएन।

कुलुस्सियन 4:18

हम पवलुस अपने हाँथ से तोंहईं पंचन काहीं नबस्कार लिखित हएन, हम जेल माहीं हएन, एही तूँ पंचे सुध रख्या; हम प्राथना करित हएन, कि तोंहरे पंचन के ऊपर परमातिमा के किरपा होत रहय। आमीन!

कुलुस्सियन 4:3

अउर एखे साथय-साथ हमरे पंचन के खातिर घलाय इआ प्राथना करत रहा, कि परमातिमा हमहीं पंचन काहीं बचन सुनामँइ के मोका देंय, कि हम पंचे मसीह के उआ भेद काहीं बताय सकी, जेखे कारन हम जेल माहीं हएन।

2 तीमुथियुस 1:16

उनेसिफुरूस के घराना के ऊपर प्रभू दया करँय, काहेकि ऊँ कइअक बेरकी हमसे मिलँय आए रहे हँय, हम जेल माहीं बंद रहेन हय, तऊ मिलँय से नहीं लजानें, एसे हमहीं बड़ी सान्ति मिली।

2 तीमुथियुस 1:8

एसे तूँ प्रभू के बारे माहीं दुसरेन काहीं बतामँइ माहीं न लजा, अउर न हमहिन से लजा, जउन खुसी के खबर सुनामँइ के कारन जेल माहीं बंद हएन, पय परमातिमा के दिहे सामर्थ के मुताबिक खुसी के खबर काहीं सुनामँइ के खातिर, हमरे कि नाईं दुख उठाबा,

फिलेमोन 1:1

हम पवलुस आहेन, अउर इआ चिट्ठी काहीं लिख रहेन हँय, जउन मसीह यीसु के कारन जेल माहीं हएन, हमरे तरफ से अउर भाई तीमुथियुस के तरफ से, इआ चिट्ठी हमरे पंचन के साथ माहीं काम करँइ बाले पियार फिलेमोन,

फिलेमोन 1:23

इपफ्रास जउन हमरे साथ मसीह यीसु के कारन जेल माहीं बंद हें।

फिलेमोन 1:9

तऊ हम पवलुस जउन बुढ़ाय गएन हय, अउर अब मसीह यीसु के खातिर जेल माहीं डारे गएन हय, हमहीं इआ नीक जान परा, कि हम प्रेम से तोंहसे बिनती करी।

दरसनन के बातँय 2:10

जउन कस्ट तोंहईं उठामँइ परी उनसे डेरा न। काहेकि देखा, सइतान तोंहरे पंचन म से कइअक जनेन काहीं जेल माहीं डारँइ बाला हय, जउने तूँ पंचे जाँचे-परखे जा; अउर तोंहईं पंचन काहीं दस दिन तक कस्ट उठामँइ परी, प्रान देंइ तक बिसुआसी रहा; त हम तोंहईं जीबन के मुकुट देब।