इफीसियन 2:9 - Bagheli Bible

⁹ अउर इआ मुक्ती हमरे भले कामन के द्वारा नहीं मिली आय, कहँव अइसा न होय कि कोऊ घमन्ड करय।

इफीसियन 2:9 ပူးပေါင်းရင်းမြစ်များ

रोमियन 11:6

अउर अगर इआ चुना जाब, परमातिमा के किरपा से भ हय, त इआ चुना जाब उनखे कामन से नहीं भ आय, अउर अगर इआ उनखे कामन से होत, त परमातिमा के किरपा बेकार ठहरत।

रोमियन 3:20

काहेकि मूसा के बिधान के पालन किहे से कउनव मनई परमातिमा के नजर माहीं निरदोस न ठहरी, एसे कि मूसा के बिधान के द्वारा केबल पाप के पहिचान होत ही।

रोमियन 4:2

काहेकि अगर अब्राहम अपने कामन के कारन परमातिमा के नजर माहीं निरदोस ठहरतें, त इआ उनखे खातिर घमन्ड करँइ के बात होत, पय परमातिमा के आँगे ऊँ वास्तव माहीं घमन्ड नहीं कइ सकँय।

रोमियन 9:11

अउर ऊँ लड़िकन के पइदा होंइ से पहिलेन, अउर उनखे कुछू नीक-नागा करँइ से पहिलेन, परमातिमा कहिन, कि “बड़कबा लड़िका छोटकबा लड़िका के दास होई।”

रोमियन 9:16

एसे कोहू के इच्छा के मुताबिक नहीं, अउर न कोहू के जादा कोसिस किहे के कारन, परमातिमा ओही चुनँय, बलकिन ऊँ केही चुनत हें, इआ दया करँइ बाले परमातिमा के हाँथे माहीं हय।

2 तीमुथियुस 1:9

परमातिमा हमहीं पंचन काहीं मुक्ती दिहिन हीं, अउर पबित्र जीबन जिअँइ के खातिर बोलाइन हीं, एसे नहीं कि हम पंचे निकहे काम किहेन हय, बलकिन परमातिमा अपने उद्देस्य काहीं पूर करँइ के खातिर, हमहीं पंचन काहीं बोलाइन हीं, काहेकि परमातिमा संसार के बनामँइ से पहिलेन, अपने किरपा से मसीह यीसु के व्दारा, मुक्ती देंइ के योजना बनाइन रहा हय।