इफीसियन 2:8 - Bagheli Bible

⁸ काहेकि परमातिमा के बड़ी किरपा से हम पंचे यीसु मसीह के ऊपर जउन बिसुआस किहे हएन, ओखे द्वारा हमहीं पंचन काहीं मुक्ती मिली हय, अउर इआ हमहीं पंचन काहीं हमरे कइती से नहीं मिली, बलकिन इआ परमातिमा के दान आय।

इफीसियन 2:8 ပူးပေါင်းရင်းမြစ်များ

मत्ती 16:17

इआ सुनिके यीसु पतरस से कहिन, “हे समौन, योना के लड़िका, तूँ धन्य हया; काहेकि तोहईं इआ बात कउनव मनई नहीं, बलकिन हमार पिता जउन स्वरग माहीं हें, बताइन हीं।

मत्ती 20:9

एसे जब ऊँ मजूर आएँ, जउन पाँच बजे के करीब काम माहीं लगाए गे रहे हँय, त उनहीं दिन भर के पूर मजूरी मिली।

मरकुस 16:16

जे कोऊ बिसुआस करी, अउर बपतिस्मा लेई ओहिन काहीं मुक्ती मिली, पय जे कोऊ बिसुआस न करी, उआ दोसी ठहराबा जई।

लूका 7:50

पय यीसु उआ मेहेरिआ से कहिन, “तोंहार बिसुआस तोहँई बचाय लिहिस ही, नीके कुसल चले जा।”

यूहन्ना 3:36

एसे जे कोऊ उनखे लड़िका के ऊपर बिसुआस करत हय, उहय अनन्त जीबन पाबत हय, पय उआ जउन परमातिमा के लड़िका के बात नहीं मानय, ओही उआ अनन्त जीबन न मिली, बलकिन एखे जघा माहीं ओखे ऊपर परमातिमा के क्रोध बना रही।

यूहन्ना 4:10

यीसु ओही जबाब दिहिन, “अगर तूँ परमातिमा के बरदान काहीं जन त्या, अउर इहव जन त्या कि ऊँ को आहीं, जउन तोंहसे कहत हें, कि हमहीं पानी पिआबा; त तूँ उनसे मग त्या, अउर ऊँ तोंहईं जीबन देंइ बाला पानी देतें।”

यूहन्ना 5:24

यीसु उनसे कहिन, “हम तोंहसे सही-सही कहित हएन, जे कोऊ हमरे बात काहीं सुनिके हमहीं पठमँइ बाले के ऊपर बिसुआस करत हय, उहय अनन्त जीबन पाई, अउर ओखे ऊपर न्याय के दन्ड न परी, बलकिन उआ मउत से पार होइके अनन्त जीबन पामँइ के हकदार बन चुका हय।

यूहन्ना 6:35

तब यीसु उनसे कहिन, “जीबन देंइ बाली रोटी हमहिन आहेन: जे कोऊ हमरे लघे अई उआ कबहूँ भूँखा न होई, अउर जे कोऊ हमरे ऊपर बिसुआस करी, उआ कबहूँ पियासा न होई।

यूहन्ना 6:37

अउर पिता परमातिमा जिनहीं चुनिके हमहीं दिहिन हीं, ऊँ सगले जन हमरे लघे अइहँय, अउर हम उनहीं कबहूँ न लउटाउब।

यूहन्ना 6:40

काहेकि हमरे पिता के मरजी इआ हय, कि जे कोऊ लड़िका काहीं देखी, अउर उनखे ऊपर बिसुआस करी, उआ अनन्त जीबन पाई; अउर हम ओही आखिरी दिन पुनि जिआय देब।”

यूहन्ना 6:44

कोऊ हमरे लघे नहीं आय सकय, जब तक हमहीं पठमँइ बाले पिता परमातिमा ओही हमरे कइती आमँइ के मन न देंइ, अउर जे कोऊ हमरे लघे अई, ओही हम आखिरी दिन पुनि जिन्दा कइ देब।

यूहन्ना 6:65

यीसु पुनि उनसे कहिन, “एहिन से हम तोंहसे कहेन तय, कि जब तक कोहू काहीं पिता परमातिमा के तरफ से इआ बरदान न दीन जाय, तब तक उआ हमरे लघे नहीं आय सकय।”

खास चेलन 13:39

अउर जउने बातन से तूँ पंचे मूसा के बिधान के द्वारा, निरदोस नहीं ठहर सकत रहे आह्या, उँइन सगली बातन से, हरेक मनई उनखे ऊपर बिसुआस किहे के कारन निरदोस ठहरत हें।

खास चेलन 14:27

उहाँ पहुँचिके ऊँ पंचे मसीही मन्डली के मनइन काहीं एकट्ठा किहिन, अउर बताइन, कि परमातिमा हमरे साथ होइके कइसन बड़े-बड़े काम किहिन हीं, अउर गैरयहूदी लोगन के खातिर बिसुआस करँइ के दुअरा खोल दिहिन हीं।

खास चेलन 15:11

हाँ, हमार पंचन के इआ बिसुआस हय, कि जउन रीत से प्रभू यीसु के किरपा से हम पंचे मुक्ती पाएन हय; उहयमेर से ऊँ पंचे घलाय मुक्ती पइहँय।”

खास चेलन 16:14

तब लुदिया नाम के थुआतीरा सहर के बैगनी ओन्हा बेचँय बाली एकठे भक्त मेहेरिआ, सुनत रही हय, तब प्रभू ओखे मन काहीं खोलिन, जउने उआ पवलुस के बातन काहीं बड़े ध्यान से सुनय।

खास चेलन 16:31

तब ऊँ पंचे उनसे कहिन, “प्रभू यीसु मसीह के ऊपर बिसुआस करा, त तूँ अउर तोंहार सगला परिबार मुक्ती पाई।”

रोमियन 10:14

पय जउने परमातिमा के ऊपर ऊँ पंचे बिसुआस नहीं करँय, त उनखर नाम ऊँ पंचे कइसन लइ सकत हें? अउर जउने परमातिमा के बारे माहीं ऊँ पंचे सुनबय नहीं भें, त उनखे ऊपर ऊँ पंचे कइसन बिसुआस कइ सकत हें? अउर अगर प्रचार करँइ बाले खुसी के खबर के प्रचार न करँय, त मनई कइसन सुन सकत हें?

रोमियन 10:17

एसे कि बचन सुने से बिसुआस पइदा होत हय, अउर जब कोऊ जाइके मसीह के बारे माहीं प्रचार करत हय, तब मनइन काहीं सुनँय काहीं मिलत हय।

रोमियन 4:16

एसे इआ साबित होत हय, कि मनई परमातिमा के वादा केबल बिसुआस से पाबत हें, अउर इआ उनखे किरपा से सेंत-मेंत माहीं मिलत हय। इआमेर से परमातिमा के वादा अब्राहम के सगले सन्तानन के खातिर निस्चित हय, न केबल उनखे खातिर जउन मूसा के बिधान के पालन करत हें, बलकिन उनहूँ पंचन के खातिर घलाय आय, जउन अब्राहम कि नाईं बिसुआस रक्खत हें। अउर ईंन अब्राहम हमार पंचन के कुल पिता आहीं।

रोमियन 4:5

पय जउन मनई काम नहीं करय, बलकिन पापिन काहीं निरदोस बनामँइ बाले परमातिमा के ऊपर बिसुआस करत हय, त ओखर उआ बिसुआसय ओखे खातिर परमातिमा के नजर माहीं निरदोस होंइ के कारन बन जात हय।

रोमियन 9:16

एसे कोहू के इच्छा के मुताबिक नहीं, अउर न कोहू के जादा कोसिस किहे के कारन, परमातिमा ओही चुनँय, बलकिन ऊँ केही चुनत हें, इआ दया करँइ बाले परमातिमा के हाँथे माहीं हय।

गलातियन 3:14

मसीह हमहीं पंचन काहीं मूसा के बिधान के सराप से एसे छोड़ाइन, कि जउने अब्राहम के आसीस यीसु मसीह के व्दारा गैरयहूदी लोगन के लघे तक पहुँचय, अउर हम पंचे बिसुआस के व्दारा उआ पबित्र आत्मा काहीं पाई, जउने काहीं देंइ के वादा परमातिमा किहिन हीं।

गलातियन 3:22

पय पबित्र सास्त्र माहीं घलाय इआ लिखा हय, कि सगला संसार पाप के कब्जे माहीं हय, इआ कारन केबल यीसु मसीह के ऊपर बिसुआस करँइ के द्वारा, बिसुआस करँइ बाले मनई परमातिमा के वादा पाय सकत हें।

इफीसियन 1:19

हम बिसुआसी लोगन के खातिर उनखर सक्ती एतनी महान ही, जउने के तुलना नहीं कीन जाय सकय, परमातिमा अपने महान सक्ती के प्रभाव के मुताबिक, हमरे पंचन के खातिर काम करत हें।

इफीसियन 2:10

काहेकि हम पंचे परमातिमा के बनए आहेन; अउर ऊँ यीसु मसीह के द्वारा हमहीं पंचन काहीं एसे बनाइन हीं, कि हम पंचे निकहे कामन काहीं करी, जिनहीं परमातिमा पहिलेन से तइआर किहिन हीं, कि जउने हम पंचे उँइन कामन काहीं करत आपन जीबन बिताई।

इफीसियन 2:5

अउर जब हम पंचे अपने अपराधन के कारन मरे रहेन हँय, तब परमातिमा जइसन यीसु मसीह काहीं मरेन म से जिआइन, उहयमेर हमहूँ पंचन काहीं जिआइन हीं; (परमातिमा के किरपय से हमहीं पंचन काहीं मुक्ती मिली हय)

फिलिप्पियन 1:29

काहेकि तोंहरे ऊपर परमातिमा के इआ बड़ी दया मसीह के कारन भे ही, कि न केबल तूँ पंचे उनखे ऊपर बिसुआस करा, बलकिन उनहिन के खातिर दुखव उठाबा।

कुलुस्सियन 2:12

अउर तूँ पंचे बपतिस्मा लेत माहीं उनहिन के साथ गाड़े गया, अउर परमातिमा के सक्ती के ऊपर बिसुआस किहा, कि ऊँ मसीह काहीं मरेन म से जिआइन हीं, त उनखे साथय तुहूँ पंचे घलाय आत्मिक रूप से जिन्दा होइ गया हय।

2 थिस्सलुनीकियन 1:9

ऊँ प्रभू के सामर्थ के तेज के आँगे से दूरी हटाइके, नास होंइ के खातिर नरक माहीं डार दीन जइहँय।

इब्रानियन 6:4

काहेकि जेतने जन एक बेरकी जोति पाय चुके हँय, अउर स्वरग के बरदान के अनुभव कइ चुके हँय, अउर पबित्र आत्मा पाय चुके हँय,

1 पतरस 1:5

अउर तोंहार पंचन के रक्छा परमातिमा के सक्ती के द्वारा, बिसुआस से उआ मुक्ती पामँइ के खातिर कीन जात ही, जउन अन्तिम न्याय के दिन माहीं प्रगट होंइ बाली हय।