इफीसियन 2:16 - Bagheli Bible

¹⁶ अउर क्रूस माहीं बलिदान के द्वारा उनखे बीच माहीं जउन दुसमनी रही हय, ओही नास कइ दिहिन हीं, जउने दोनव काहीं एकय देंह बनाइके परमातिमा से मिलामँय।

इफीसियन 2:16 ပူးပေါင်းရင်းမြစ်များ

रोमियन 5:10

काहेकि जब हम पंचे परमातिमा के बिरोध माही काम कइके उनखर बइरी रहेन हय, तब उनखर लड़िका यीसु मसीह अपने मउत के द्वारा अपने पिता परमातिमा के साथ हमार पंचन के मेल-मिलाप कराय दिहिन हीं, पुनि जब हमार पंचन के मेल-मिलाप होइगा हय, त उनखे जीबन के द्वारा हम पंचे जरूर मुक्ती पाउब।

रोमियन 6:6

अउर हम पंचे इआ जानित हएन, कि हमार पंचन के पुरान पापी सुभाव यीसु मसीह के साथ क्रूस माहीं चढ़ाय दीन ग हय, कि जउने हमार पंचन के पाप के इआ देंह नास होइ जाय, अउर आँगे हम पंचे पाप के दासता माहीं न रही।

रोमियन 8:3

काहेकि जउन काम मूसा नबी के उआ बिधान, जउन मन के बुरी इच्छा के कारन निबल बनाय दीन ग रहा हय, नहीं कए पाइस, ओही परमातिमा अपने लड़िका काहीं हमरे पंचन कि नाईं देंह माहीं पठइके, जउने से हम पंचे पाप करित हएन, इआमेर से परमातिमा मनई के देंह माहीं पाप काहीं सजा दिहिन हीं

रोमियन 8:7

काहेकि जउन मनई मन के बुरी इच्छन माहीं मन लगाबत हय, उआ परमातिमा से दुसमनी रक्खत हय, काहेकि उआ मनई न त परमातिमा के बिधान के अधीन आय, अउर न होइन सकय।

1 कुरिन्थियन 10:17

अउर हम पंचे एकयठे रोटी काहीं टोरिके खइत हएन, एसे कइअक जने होंइ के बादव, एकय देंह बन जइत हएन।

गलातियन 2:20

अउर हम मसीह के साथ क्रूस माहीं चढ़ाए गए हएन, अउर हम अब से जिन्दा नहीं रहि गएन, बलकिन मसीह हमरे भीतर जिन्दा हें। अउर अब हम देंह माहीं जउन जिन्दा हएन, उआ केबल परमातिमा के लड़िका के ऊपर बिसुआस किहे के कारन जिन्दा हएन, जउन हमसे एतना प्रेम किहिन, कि खुद काहीं हमरे खातिर बलिदान कइ दिहिन हीं।

इफीसियन 2:15

अउर खुद काहीं क्रूस माहीं बलिदान करँइ के द्वारा जउन पहिले मुक्ती पामँइ के खातिर, यहूदी नेमन अउर मूसा के बिधान के पालन करँइ परत रहा हय, उन सगले नेमन अउर मूसा के बिधान के बिधिअन काहीं मिटाय दिहिन, कि ऊँ दोनव काहीं एक कइके उनमा नबा मनई के सुभाव पइदा कइके मेल कराय देंय।

इफीसियन 3:6

उआ भेद इआ आय, कि खुसी के खबर के द्वारा गैरयहूदी यीसु मसीह के ऊपर बिसुआस किहिन हीं, इआ कारन से यहूदी लोगन के साथ एकय देंह कि नाईं एक होइगे हँय, अउर बारिसदार बनँइ माहीं साझीदार होइगे हँय, अउर परमातिमा के वादा के भागीदार घलाय होइगे हँय।

इफीसियन 4:4

काहेकि मसीह के एकयठे देंह ही, अउर एकयठे पबित्र आत्मा हय; उहयमेर तुहूँ पंचे जेतने जने बोलाए गया तय, सगलेन के खातिर एकयठे आसा ही।

कुलुस्सियन 2:14

अउर परमातिमा उआ अभिलेख काहीं, जउन हमरे पंचन के बिरोध माहीं रहा हय, हमरे पंचन के बीच से हटाय दिहिन हीं, अउर ओही क्रूस के ऊपर खीलन से ठोंकिके नस्ट कइ दिहिन हीं।

कुलुस्सियन 3:15

अउर यीसु मसीह के दीन सान्ति काहीं अपने जीबन माहीं अपनाय ल्या, जउने तोंहरे हिरदँय माहीं राज करय, एहिन के खातिर परमातिमा तोंहईं एकठे देंह कि नाईं, एक होंइ के खातिर चुनिन हीं, एसे परमातिमा काहीं हमेसा धन्यबाद देत रहा।