इफीसियन 2:1 - Bagheli Bible

¹ एक समय रहा हय, जब तूँ पंचे यीसु मसीह के ऊपर बिसुआस नहीं करत रहे आह्या, तब तूँ पंचे खुब पाप करत रहे हया, अउर मरे मनई कि नाईं रहे हया, पय अब परमातिमा तोंहईं पंचन काहीं जिआइन हीं।

इफीसियन 2:1 ပူးပေါင်းရင်းမြစ်များ

मत्ती 8:22

तब यीसु ओसे कहिन, “तूँ हमरे पीछे चले आबा, अउर जउन मनई आत्मिक रूप से मरे हँय, उनहीं मुरदन काहीं गाड़ँइ द्या।”

लूका 15:24

काहेकि हमार इआ लड़िका पाप किहे के कारन मरे कि नाईं होइगा तय, पय गलती काहीं सोइकार कइ लेंइ के कारन जिन्दा कि नाईं होइगा हय: जउन हेराइगा रहा हय, अब उआ मिलिगा हय, अउर ऊँ सगले जने आनन्द मनामँइ लागें।

लूका 15:32

पय अब आनन्द मनामँइ चाही, काहेकि जउन तोंहार इआ भाई पाप किहे के कारन मरे कि नाईं होइगा तय, पय गलती काहीं सोइकार कइ लेंइ के कारन जिन्दा कि नाईं होइगा हय, जउन भटक ग रहा हय, अब उआ मिलिगा हय।”

यूहन्ना 10:10

चोर कउनव दुसरे काम से नहीं आबय, उआ केबल चोरी करँइ, अउर कतल करँइ, अउर नास करँइ आबत हय, पय हम एसे आएन हँय, कि ऊँ पंचे भरपूर जीबन पामँइ।

यूहन्ना 14:6

तब यीसु उनसे कहिन, “गइल, सत्य अउर जीबन हमहिन आहेन; हमरे ऊपर बिसुआस किहे बिना, कोऊ पिता के लघे नहीं पहुँच सकय।

यूहन्ना 5:21

काहेकि जइसन पिता परमातिमा मरे मनइन काहीं जिन्दा कइके जीबन देत हें, उहयमेर लड़िका घलाय जिनहीं चाहत हें, उनहीं जिआबत हें।

यूहन्ना 5:25

हम तोंहसे से सही-सही कहित हएन, कि उआ समय आमँय बाला हय, बलकिन आय चुका हय, जउने माहीं मरे मनई, परमातिमा के लड़िका के अबाज काहीं सुनिहँय, अउर जे कोऊ सुनिहँय, ऊँ जिन्दा होइ जइहँय।

रोमियन 8:2

काहेकि पबित्र आत्मा के बिधान जउन यीसु मसीह माहीं जीबन देत हय, हमहीं पाप के बिधान से जउन मउत के तरफ लइ जात हय, ओसे अजाद कइ दिहिस ही।

1 कुरिन्थियन 15:45

अउर पबित्र सास्त्र माहीं घलाय लिखा हय, कि “पहिल मनई, अरथात आदम जिन्दा प्रानी बना” अउर आखिरी आदम, अरथात मसीह जीबन देंइ बाले आत्मा बनिगें।

2 कुरिन्थियन 5:14

काहेकि मसीह के प्रेम, हमहीं पंचन काहीं मजबूर कइ देत हय; एसे हम पंचे इआ समझित हएन, कि जब एक जने अरथात यीसु मसीह सगले मनइन के खातिर मरे हँय, त हमहूँ पंचे घलाय पुरान जीबन के खातिर मर गएन हँय।

इफीसियन 4:18

काहेकि उनखर बुद्धी अँधिआर से भरी हय, अउर अपने अग्यानता के कारन, अउर अपने मन के कठोरता के कारन, परमातिमा से मिलँय बाले अनन्त जीबन से ऊँ पंचे दूर हें।

इफीसियन 5:14

एहिन से पबित्र सास्त्र माहीं इआ लिखा हय, “हे सोमँइ बाले अरथात पाप माहीं जीबन बितामँइ बाले मनई, मुरदन म से जि उठ, अरथात अपने बुरे कामन काहीं छोंड़िके सत्य काहीं अपनाव; तबहिन मसीह के उँजिआर तोरे ऊपर चमकी।”

कुलुस्सियन 2:13

अउर तूँ पंचे अपने पापन के कारन अउर बिना खतना के देंह के कारन आत्मिक रूप से मरे रहे हया, पय परमातिमा तोंहईं पंचन काहीं मसीह के साथय-साथ अनन्त जीबन दिहिन हीं, अउर हमरे पंचन के सगले पापन काहीं हमेसा के खातिर माफ कइ दिहिन हीं।

1 तीमुथियुस 5:6

पय जउन बिधबा भोग-बिलास के खातिर जिअत ही, उआ सारीरिक रूप से त जिअत ही, पय आत्मिक रूप से मरी हय।

1 यूहन्ना 3:14

हम पंचे जानित हएन, कि मउत के बन्धन से पार होइके अनन्त जीबन पाएन हय; काहेकि हम पंचे अपने भाई-बहिनिन से प्रेम रक्खित हएन, जे कोऊ प्रेम नहीं रक्खय, उआ मउत के दसा माहीं रहत हय।

दरसनन के बातँय 3:1

सरदीस के मसीही मन्डली के दूत काहीं इआ लिखा, “जिनखे लघे परमातिमा के सातठे आत्मा, अउर सातठे तरइया हईं, ऊँ इआ कहत हें, कि हम तोंहरे कामन काहीं जानित हएन, कि तूँ जिन्दा त कहउते हया, पय हया मरे।