इफीसियन 1:9 - Bagheli Bible

⁹ अउर परमातिमा अपने इच्छा के भेद काहीं अपने निकहे बिचार के मुताबिक हमहीं पंचन काहीं बताइन हीं, जउने काहीं ऊँ मसीह के द्वारा हमहीं पंचन काहीं देखामँइ चाहत रहे हँय।

इफीसियन 1:9 ပူးပေါင်းရင်းမြစ်များ

मत्ती 13:11

तब यीसु उनहीं जबाब दिहिन, कि “परमातिमा के राज के जउने बातन काहीं दूसर लोग नहीं जानँय, ऊँ बातन काहीं परमातिमा तोहईं समझाइन हीं, पय उनहीं नहीं।”

लूका 12:32

हे छोट झुन्ड, डेरा न; काहेकि तोंहरे पिता परमातिमा काहीं इआ नीक लाग हय, कि तोंहईं राज देंय।

लूका 2:14

“स्वरग माहीं परमातिमा के महिमा, अउर धरती माहीं उँइ मनइन काहीं जउनेन से ऊँ प्रसन्न हें, सान्ती मिलय।”

खास चेलन 13:48

इआ सुनिके गैरयहूदी लोग आनन्दित भें, अउर परमातिमा के बचन के बड़ाई करँइ लागें, अउर जेतने अनन्त जीबन पामँइ के खातिर ठहराए गे रहे हँय, ऊँ पंचे प्रभू के ऊपर बिसुआस किहिन।

खास चेलन 2:23

उनहिन काहीं, जब ऊँ परमातिमा के ठहराई योजना, अउर निस्चित पूर्ब ग्यान के मुताबिक, तोंहरे हबाले कइ दीनगें, त तूँ पंचे अधरमी मनइन के मदत से उनहीं क्रूस माहीं चढ़बाइके मारि डारे हया।

खास चेलन 4:28

कि जउन कुछ पहिलेन से अपना के सामर्थ, अउर मरजी से ठहराबा ग रहा हय, उहय करँय।

रोमियन 11:25

हे भाई-बहिनिव, कहँव अइसा न होय, कि तूँ पंचे अपने-आप काहीं बुद्धिमान समझ ल्या, एसे हम चाहित हएन, कि तूँ पंचे इआ भेद काहीं जानिल्या, कि परमातिमा के राज माहीं गैरयहूदी लोग जब तक पूरी तरह से प्रबेस न कइ लेइहँय, तब तक इजराइली लोगन म से कुछ जने अइसय कठोर बने रइहँय।

रोमियन 8:28

अउर हम पंचे इआ जानित हएन, कि जेतने मनई परमातिमा से प्रेम करत हें, अउर परमातिमा के मरजी के मुताबिक बोलाए गे हँय, त परमातिमा उनखे जीबन माहीं जउन कुछू करत हें, त उनखे भलाइन के खातिर करत हें।

1 कुरिन्थियन 1:21

अउर परमातिमा के ग्यान के मुताबिक जइसन ऊँ चाहत रहे हँय, जब मनई अपने ग्यान से उनहीं नहीं पहिचानिन, त परमातिमा काहीं इआ निकहा लाग, कि मसीह के क्रूस माहीं बलिदान होंइ के खुसी के खबर के प्रचार के द्वारा, जउने काहीं मनई मूर्खता समझत हें, उहय खुसी के खबर के द्वारा बिसुआस करँइ बाले मनइन काहीं मुक्ती देंय।

गलातियन 1:12

काहेकि इआ खुसी के खबर हमहीं प्रभू यीसु मसीह के प्रगट करँइ के व्दारा मिली हय, उआ हमरे बाप-दादन के बताई न होय, अउर न कउनव गुरू के सिखाइन आय।

गलातियन 1:15

पय परमातिमा हमहीं हमरे महतारी के पेटेन से चुनि लिहिन रहा हय, एसे अपने किरपा से हमहीं बोलाय लिहिन।

गलातियन 1:16

अउर परमातिमा के इआ इच्छा भय, कि हमहीं अपने लड़िका के बारे माहीं ग्यान करामँय, कि जउने हम उनखे खुसी के खबर काहीं, गैरयहूदी लोगन के बीच माहीं सुनाई; त हम कउनव मनई से सलाह नहीं लिहेन।

इफीसियन 1:11

परमातिमा बहुत साल पहिले, अपने योजना के मुताबिक, मसीह के ऊपर बिसुआस कइके उनखर बारिसदार बनँइ के खातिर हमहीं पंचन काहीं चुनिन हीं। काहेकि परमातिमा अपने उद्देस्य अउर मरजी के मुताबिक सब कुछ करत हें।

इफीसियन 1:8

जउने काहीं परमातिमा अपने पूरे ग्यान अउर समझ सहित हमहीं पंचन काहीं बहुतायत से दिहिन हीं।

इफीसियन 3:11

परमातिमा अनन्तकाल से जउन इच्छा अपने मन माहीं कए रहे हँय, ओही ऊँ हमरे पंचन के प्रभू यीसु मसीह के द्वारा पूर किहिन हीं।

1 तीमुथियुस 3:16

हम पंचे जउन भक्ती करित हएन, ओखर रहस्य खुब महान हय, एमाहीं कउनव सन्देह नहिं आय, उआ भेद इआमेर से हय, मसीह मनई के देंह लइके जनम लिहिन, अउर पबित्र आत्मा उनहीं धरमी ठहराइन, अउर ऊँ स्वरगदूतन काहीं देखाई दिहिन, अउर सगले जातिअन माहीं उनखे बारे माहीं प्रचार कीन ग, अउर संसार के सगले मनई उनखे ऊपर बिसुआस किहिन, अउर परमातिमा बड़े आदर के साथ उनहीं स्वरग माहीं जिन्दय ऊपर उठाय लिहिन।

2 तीमुथियुस 1:9

परमातिमा हमहीं पंचन काहीं मुक्ती दिहिन हीं, अउर पबित्र जीबन जिअँइ के खातिर बोलाइन हीं, एसे नहीं कि हम पंचे निकहे काम किहेन हय, बलकिन परमातिमा अपने उद्देस्य काहीं पूर करँइ के खातिर, हमहीं पंचन काहीं बोलाइन हीं, काहेकि परमातिमा संसार के बनामँइ से पहिलेन, अपने किरपा से मसीह यीसु के व्दारा, मुक्ती देंइ के योजना बनाइन रहा हय।