इफीसियन 1:6 - Bagheli Bible

⁶ उनखे उआ किरपा के महिमा के बड़ाई होय, जउने काहीं ऊँ हमहीं पंचन काहीं, जेतने उनखे पियार लड़िका यीसु मसीह माहीं बिसुआस करित हएन, सेंत-मेंत माहीं दिहिन हीं।

इफीसियन 1:6 ပူးပေါင်းရင်းမြစ်များ

मत्ती 17:5

पतरस जब इआ कहतय रहे हँय, तबहिनय एकठे उजर बदरी आइके उनहीं पंचन काहीं लुकाय लिहिस, अउर उआ बदरी से इआ बोल सुनान: कि “ईं हमार पियार लड़िका आहीं, इनसे हम खुब प्रसन्न हएन: तूँ पंचे इनखे बातन काहीं मान्या।”

मत्ती 20:9

एसे जब ऊँ मजूर आएँ, जउन पाँच बजे के करीब काम माहीं लगाए गे रहे हँय, त उनहीं दिन भर के पूर मजूरी मिली।

मत्ती 3:17

अउर देखा, इआ अकासबानी भय, “ईं हमार पियार लड़िका आहीं, जिनसे हम खुब प्रसन्न हएन।”

लूका 2:14

“स्वरग माहीं परमातिमा के महिमा, अउर धरती माहीं उँइ मनइन काहीं जउनेन से ऊँ प्रसन्न हें, सान्ती मिलय।”

यूहन्ना 10:17

परमपिता एसे हमसे प्रेम करत हें, कि हम आपन प्रान देइत हएन, कि जउने पुनि जिन्दा होइ जई।

यूहन्ना 3:35

परमपिता अपने लड़िका से पियार करत हें, अउर उनहिन के हाँथे माहीं सगली चीजन काहीं सँउप दिहिन हीं।

रोमियन 8:1

एसे अब जेतने जन मसीह यीसु के ऊपर बिसुआस करत हें, उनहीं कउनव सजा न मिली।

2 कुरिन्थियन 4:15

अउर सब कुछ तोंहरे पंचन के भलाइन के खातिर आय। जइसन-जइसन परमातिमा के किरपा जादा मनइन के ऊपर होत जात ही, त परमातिमा काहीं धन्यबाद देंइ बाले घलाय बढ़त जात हें। इआमेर से परमातिमा के महिमा बढ़त जात ही।

2 कुरिन्थियन 5:21

यीसु मसीह, जिनखे जीबन माहीं कउनव पाप नहीं रहा आय, उनहिन के ऊपर परमातिमा, हमरे पंचन के सगले पापन के बोझ लाद दिहिन, कि जउने हम पंचे यीसु मसीह के द्वारा परमातिमा के नजर माहीं निरदोस ठहरी।

इफीसियन 1:12

कि हम पंचे जेतने यहूदी लोग पहिलेन से मसीह के ऊपर आसा रक्खे रहेन हय, हम पंचे उनखे दया के कारन उनखर धन्यबाद करी।

इफीसियन 1:14

उआ पबित्र आत्मा हमरे पंचन के बारिसदार होंय के बयाना के रूप माहीं, उआ समय तक के खातिर हमहीं पंचन काहीं दीनगा हय, जब तक कि ऊँ हमहीं पंचन काहीं, जउन उनखर मोल लीन आहेन, पूरी तरह से छुटकारा नहीं दइ देंय, इआ कारन सगले मनई उनखे महानता के स्तुति करिहँय।

इफीसियन 1:18

अउर हमार बिनती इहव हय, कि तोंहरे पंचन के मन के आँखी खुल जाँय, अउर तूँ पंचे उआ प्रकास के दरसन कइ सका, जउने तोंहईं पंचन काहीं इआ मालुम होइ जाय, कि उआ आसा का आय, जउने के खातिर ऊँ तोंहईं पंचन काहीं बोलाइन हीं। अउर अपने चुने सगले मनइन काहीं जउन बारिसदार होंय के हक्क ऊँ देइहँय, उआ केतना अदभुत अउर महान हय।

इफीसियन 2:7

जउने आमँइ बाले समयन माहीं परमातिमा अपने दया के असीमित धन देखामँइ, जउन यीसु मसीह के ऊपर बिसुआस करँइ के द्वारा हमहीं पंचन काहीं मिला हय।

फिलिप्पियन 1:11

अउर जउन काम परमातिमा के नजर माहीं निकहे हँय, उनहीं तूँ पंचे करत रहा, जउने परमातिमा के बड़ाई अउर अराधना होत रहय, काहेकि यीसु मसीह के द्वारा परमातिमा अपने नजर माहीं तोंहईं धरमी बनाइन हीं।

फिलिप्पियन 3:9

अउर उनहिन के ऊपर बिसुआस माहीं बने रही; पय उआ धारमिकता माहीं नहीं, जउन मूसा के बिधान से मिलत ही, बलकिन उआ धारमिकता माहीं बने रही जउन मसीह के ऊपर बिसुआस किहे से मिलत ही, अउर इआ धारमिकता मसीह के ऊपर बिसुआस किहे से परमातिमा के व्दारा मिलत ही।

फिलिप्पियन 4:19

अउर हमार परमातिमा घलाय अपने उआ धन के मुताबिक, जउन मसीह यीसु माहीं महिमा समेत हय, तोंहरे हरेक कमी-घटी काहीं पूर करिहँय।

कुलुस्सियन 1:13

उँइन हमहीं पंचन काहीं अँधिआर के सक्ती अरथात सइतान से मुक्ती दइके, अपने पियार लड़िका के राज माहीं प्रबेस कराइन हीं।

1 पतरस 2:5

अउर तुहूँ पंचे खुदय जिअत पथरा कि नाईं, आत्मिक घर बनाए जाय रहे हया, जउने याजकन के पबित्र समाज बनिके, अइसन आत्मिक बलिदान चढ़ाबा, जउन यीसु मसीह के द्वारा परमातिमा काहीं सोइकार होय।

1 पतरस 2:9

पय तूँ पंचे परमातिमा के चुने बंस आह्या, अउर राज पदधारी याजकन के समाज आह्या, अउर पबित्र मनई, अउर परमातिमा के खास प्रजा आह्या, अउर उँइन तोहईं पंचन काहीं, अँधिआर से निकारिके, अपने अदभुत जोति माहीं बोलाइन हीं, कि उनखे महिमा काहीं अपने जीबन से देखाबा।

1 पतरस 4:11

अउर अगर कोऊ बोलत हय, त अइसन बोलय मानो परमातिमा के बचन आय; अगर कोऊ सेबा करय; त उआ सक्ती से करय जउन परमातिमा ओही देत हें; जउने हरेक बातन माहीं यीसु मसीह के द्वारा परमातिमा के बड़ाई होय, काहेकि बड़ाई अउर अधिकार जुग-जुग तक उनहिन के आय। आमीन।