इफीसियन 1:4 - Bagheli Bible

⁴ संसार काहीं बनामँइ के पहिलेन से परमातिमा, यीसु मसीह के द्वारा हमहीं पंचन काहीं चुनि लिहिन तय, कि जउने हम पंचे उनखे नजर माहीं, उनखे प्रेम के कारन पबित्र अउर निरदोस ठहरी।

इफीसियन 1:4 ပူးပေါင်းရင်းမြစ်များ

मत्ती 24:22

अउर अगर परमातिमा ऊँ दिनन काहीं कम न करते, त कउनव प्रानी न बचतें, पय अपने चुने मनइन के कारन परमातिमा ऊँ दिनन काहीं घटइहँय।

मत्ती 24:24

काहेकि लबरे मसीह, अउर परमातिमा के सँदेस बतामँइ बाले लबरे मनई तइआर होइहँय, अउर ऊँ पंचे बड़े-बड़े चिन्ह अउर अचरज के काम देखइहँय, कि होइ सकय त चुने मनइन काहीं घलाय भटकाय देंय,

मत्ती 24:31

अउर ऊँ तुरही के खुब तेज अबाज के साथ अपने स्वरगदूतन काहीं पठइहँय, अउर ऊँ पंचे अकास के एक छोर से दुसरे छोर तक, चारिव दिसन से उनखे चुने मनइन काहीं एकट्ठा करिहँय।”

मत्ती 25:34

अउर तब ऊँ राजा अरथात मनई के लड़िका अपने दहिने कइती बालेन से कइहँय, कि ‘हे हमरे पिता परमातिमा के धन्य मनइव, तूँ पंचे आबा, अउर उआ राज के अधिकारी होइजा, जउन संसार के सुरुआतय से तोंहरे खातिर तइआर कीन ग हय।

यूहन्ना 10:16

अउर हमार अउरव गाड़र हईं, जउन अबय तक गाड़र के इआ सार माहीं नहिं आहीं; हमहीं उनहूँ काहीं लइ आउब जरूरी हय, अउर ऊँ सगली हमार बात मनि हँय; तब एकयठे झुन्ड, अउर एकयठे चरबाहा होई।

यूहन्ना 15:16

तूँ पंचे हमहीं नहीं चुने आह्या, बलकिन हम तोंहईं पंचन काहीं चुने हएन, अउर नियुक्त किहे हएन, जउने तूँ पंचे जाइके फर लइ आबा; अउर तोंहार फर बना रहय, कि तूँ पंचे जउन कुछू हमरे नाम से पिता परमातिमा से मागा, त ऊँ तोंहईं पंचन काहीं देंय।

यूहन्ना 17:24

हे पिता परमातिमा, हम चाहित हएन, कि जिनहीं अपना हमहीं दिहेन हय, जहाँ हम रहब, उहाँ ऊँ पंचे हमरे साथ रहँय, कि जउने ऊँ पंचे हमरे उआ महिमा काहीं देखँय, जउन अपना हमहीं दिहेन हय, काहेकि अपना संसार काहीं बनामँइ से पहिले हमसे प्रेम किहेन हय।

खास चेलन 13:48

इआ सुनिके गैरयहूदी लोग आनन्दित भें, अउर परमातिमा के बचन के बड़ाई करँइ लागें, अउर जेतने अनन्त जीबन पामँइ के खातिर ठहराए गे रहे हँय, ऊँ पंचे प्रभू के ऊपर बिसुआस किहिन।

खास चेलन 15:18

इआ बात काहीं उँइन प्रभू कहत हें जउन संसार के उत्पन्न होतय से ईं बातन के खबर देत आए हँय।

खास चेलन 18:10

काहेकि हम तोंहरे साथ हएन, अउर कोऊ तोंहरे ऊपर चढ़ाई कइके तोंहईं नुकसान न पहुँचाई; काहेकि इआ सहर माहीं हमार खुब भक्त हें।”

रोमियन 8:33

अउर परमातिमा के चुने मनइन के ऊपर दोस कोऊ नहीं लगाय सकय, केबल परमातिमय लगाय सकत हें, काहेकि परमातिमा, ऊँ आहीं जउन उनहीं अपने नजर माहीं निरदोस ठहराइन हीं।

1 कुरिन्थियन 1:8

अउर ऊँ तोहईं आखिरी समय तक बिसुआस माहीं मजबूत रखिहँय, कि जउने तूँ पंचे, हमरे पंचन के प्रभू यीसु मसीह के द्वारा न्याय करँइ के दिन माहीं बेकसूर निकरा।

गलातियन 5:13

हे भाई-बहिनिव, परमातिमा तोहईं पंचन काहीं अजाद होंइ के खातिर बोलाइन हीं, पय अइसा न होंइ चाही, कि तूँ पंचे इआ अजादी काहीं देंह के इच्छन काहीं पूर करँइ के खातिर साधन बनाबा? बलकिन प्रेम से एक दुसरे के सेबा करँइ बाले बना।

गलातियन 5:22

अउर पबित्र आत्मा के फर इआमेर से हँय जइसन, प्रेम करब, आनन्दित रहब, मिल-जुलिके रहब, धीरज धरब,

गलातियन 5:6

काहेकि अगर हम पंचे यीसु मसीह के ऊपर बिसुआस करित हएन, त खतना करबाउब इआ कि खतना न करबाउब, एसे कउनव फायदा नहिं आय, बलकिन केबल यीसु मसीह के ऊपर बिसुआस रखिके, दुसरे मनइन से प्रेम करब खास बात आय।

इफीसियन 2:10

काहेकि हम पंचे परमातिमा के बनए आहेन; अउर ऊँ यीसु मसीह के द्वारा हमहीं पंचन काहीं एसे बनाइन हीं, कि हम पंचे निकहे कामन काहीं करी, जिनहीं परमातिमा पहिलेन से तइआर किहिन हीं, कि जउने हम पंचे उँइन कामन काहीं करत आपन जीबन बिताई।

इफीसियन 3:17

अउर बिसुआस के द्वारा मसीह तोंहरे हिरदँय माहीं निबास करँय, जउने तूँ पंचे मसीह के प्रेम माहीं नेव के समान सुरुआत कइके, जड़ कि नाईं प्रेम माहीं मजबूत होइजा।

इफीसियन 4:2

अरथात हमेसा दीनता अउर नम्रता के साथ जीबन जिआ, अउर प्रेम के साथ धीरज धइके एक दुसरे के गलतिन काहीं सहि ल्या।

इफीसियन 5:2

अउर जइसन मसीह घलाय हमसे पंचन से प्रेम किहिन हीं, उहयमेर तुहूँ पंचे एक दुसरे से प्रेम करा। अउर प्रेमय के कारन हमहीं पंचन काहीं मुक्ती देंइ के खातिर, ऊँ परमातिमा काहीं प्रसन्न करँइ बाले सुगन्धित बलिदान के रूप माहीं, उनखे आँगे खुद काहीं बलिदान कइ दिहिन।

इफीसियन 5:27

अउर ओही अइसन महिमावान मसीही मन्डली बनाइके अपने आँगे ठाढ़ करँय, जउने माहीं कउनव कलंक न होय, न कउनव दाग धब्बा होय, अउर न ओमाहीं कउनव कमी होय, बलकिन उआ पबित्र अउर निरदोस होय।

फिलिप्पियन 2:15

जउने तूँ पंचे निरदोस अउर भोले-भाले बनिके बुरी चाल चलँइ बाले, अउर हठी मनइन के बीच माहीं, परमातिमा के निरदोस सन्तान बने रहा, एसे कि तूँ पंचे उनखे बीच माहीं, परमातिमा के अनन्त जीबन देंइ बाले बचन काहीं, अपने जीबन माहीं अपनाए, संसार माहीं जलत दियन कि नाईं देखाई देते हया।

कुलुस्सियन 1:22

ऊँ अब अपने संसारिक देंह माहीं मउत के द्वारा तोंहार पंचन के घलाय मेल-मिलाप कइ लिहिन हीं, जउने तोंहईं पंचन काहीं अपने आँगे पबित्र, अउर निस्कलंक अउर बेकसूर बनाइके हाजिर करँय।

कुलुस्सियन 2:2

जउने उनखे मनन काहीं उत्साह मिलय, अउर ऊँ पंचे आपस म एक दुसरे से प्रेम माहीं बँधि जाँय, अउर बिसुआस के उआ सगला धन जउन सच्चे ग्यान से मिलत हय, उनहीं पंचन काहीं मिल जाय, जउने पिता परमातिमा के भेद काहीं, अरथात मसीह काहीं पहिचान लेंय।

कुलुस्सियन 3:12

काहेकि तूँ पंचे परमातिमा के चुने पबित्र अउर पियार आह्या, एसे करुना, भलाई, दीनता, कोमलता अउर सहनसीलता काहीं अपनाबा।

1 थिस्सलुनीकियन 3:12

अउर प्रभू अइसन करँय, कि जइसन प्रेम हम पंचे तोंहसे रक्खित हएन; उहयमेर तोंहरव प्रेम आपस माहीं एक दुसरे के साथ, अउर सगले मनइन के साथ बढ़य, अउर मजबूत होत जाय।

1 थिस्सलुनीकियन 4:7

काहेकि परमातिमा हमहीं पंचन काहीं असुद्ध होंइ के खातिर नहीं, बलकिन पबित्र बनँइ के खातिर बोलाइन हीं।

2 तीमुथियुस 1:9

परमातिमा हमहीं पंचन काहीं मुक्ती दिहिन हीं, अउर पबित्र जीबन जिअँइ के खातिर बोलाइन हीं, एसे नहीं कि हम पंचे निकहे काम किहेन हय, बलकिन परमातिमा अपने उद्देस्य काहीं पूर करँइ के खातिर, हमहीं पंचन काहीं बोलाइन हीं, काहेकि परमातिमा संसार के बनामँइ से पहिलेन, अपने किरपा से मसीह यीसु के व्दारा, मुक्ती देंइ के योजना बनाइन रहा हय।

2 तीमुथियुस 2:10

इहय कारन से हम परमातिमा के चुने लोगन के खातिर, हरेक दुख-मुसीबत काहीं उठाबत रहित हएन, जउने ऊँ पंचे घलाय मसीह यीसु के ऊपर बिसुआस करे से जउन मुक्ती मिलत ही, ओही अनन्त महिमा समेत पामँय।

2 तीमुथियुस 2:19

तऊ परमातिमा जिनहीं चुनिन हीं, ऊँ बिसुआस माहीं पक्की नेव कि नाईं मजबूत बने रइहँय, काहेकि उनखे ऊपर बचन रूपी छाप लगी हय, “कि प्रभू अपने चुने मनइन काहीं पहिचानत हें।” अउर “जे कोऊ प्रभू के नाम के ऊपर बिसुआस करत हय, उआ बुरे कामन से बचा रहय।”

याकूब 2:5

हे हमार पियार भाई-बहिनिव, सुना; काहे परमातिमा इआ संसार के कंगालन काहीं नहीं चुनिन, कि बिसुआस माहीं धरमी, अउर उआ राज के अधिकारी होंय, जउने के वादा परमातिमा उनसे किहिन हीं, जउन उनसे प्रेम रक्खत हें?

1 पतरस 1:2

तूँ पंचे पिता परमातिमा के भबिस्य ग्यान के मुताबिक, पबित्र आत्मा से पबित्र कीन जाँय के व्दारा, यीसु मसीह के हुकुम काहीं पालन करँइ के खातिर, अउर उनखे खून से छिनके जाँइ के खातिर चुने गए हया, तोंहईं पंचन काहीं परमातिमा के किरपा, अउर सान्ति बहुतायत से मिलत रहय।

1 पतरस 1:20

अउर मुक्ती देंइ के खातिर यीसु मसीह काहीं, संसार काहीं बनामँइ से पहिलेन चुनि लीन ग रहा हय, पय अब इआ अन्तिम जुग माहीं तोंहरे खातिर उनहीं प्रगट कीन ग हय।

1 पतरस 2:9

पय तूँ पंचे परमातिमा के चुने बंस आह्या, अउर राज पदधारी याजकन के समाज आह्या, अउर पबित्र मनई, अउर परमातिमा के खास प्रजा आह्या, अउर उँइन तोहईं पंचन काहीं, अँधिआर से निकारिके, अपने अदभुत जोति माहीं बोलाइन हीं, कि उनखे महिमा काहीं अपने जीबन से देखाबा।

2 पतरस 3:14

एसे हे पियार साथिव, जब तूँ पंचे ईं सगली बातन के आस लगाए हया, त इआ कोसिस करा, कि सान्ती के साथ प्रभू के आँगे निस्कलंक अउर निरदोस ठहरा।

1 यूहन्ना 4:16

अउर जउन प्रेम परमातिमा हमसे पंचन से किहिन हीं, ओही हम पंचे जान गएन हय, अउर हमहीं पंचन काहीं बिसुआस हय, कि परमातिमा प्रेम आहीं। जउन मनई प्रेम माहीं बना रहत हय, उआ परमातिमा माहीं बना रहत हय; अउर परमातिमा ओखे जीबन माहीं बने रहत हें।

दरसनन के बातँय 13:8

अउर धरती के सगले रहँइ बाले, उआ खतरनाक जानबर के अराधना करिहँय। जिनखर नाम बध कीन मेम्ना के जीबन के किताब माहीं, संसार के सुरुआत से लिखे नहिं आहीं।

दरसनन के बातँय 17:8

जउने खतरनाक जानबर काहीं तूँ देखे हया, उआ पहिले त रहा हय, पय अब नहिं आय, अउर उआ अथाह कुन्ड से निकरिके बिनास माहीं परी; अउर धरती के रहँइ बाले, जिनखर नाम, संसार के सुरुआत से जीबन के किताब माहीं नहीं लिखे गें, इआ खतरनाक जानबर के इआ दसा काहीं देखिके, कि पहिले रहा हय, अब नहिं आय, अउर पुनि आय जई, अचरज मनि हँय।