इफीसियन 1:3 - Bagheli Bible

³ हमरे पंचन के प्रभू यीसु मसीह के पिता परमातिमा के धन्यबाद होय, कि ऊँ हमहीं पंचन काहीं मसीह के ऊपर बिसुआस करँइ के कारन, स्वरग के हरेकमेर के आत्मिक आसिरबाद दिहिन हीं।

इफीसियन 1:3 ပူးပေါင်းရင်းမြစ်များ

लूका 2:28

तब समौन यीसु काहीं अपने कनिआ माहीं लइके परमातिमा के धन्यबाद कइके कहिन।

यूहन्ना 14:20

उआ दिना तूँ पंचे जनिहा, कि हम अपने पिता माहीं हएन, अउर तूँ पंचे हम माहीं हया, अउर हम तोंहरे पंचन माहीं हएन।

यूहन्ना 17:21

हे पिता परमातिमा, जइसन अपना हमरे साथ हएन, अउर हम अपना के साथ हएन, उहयमेर ऊँ पंचे घलाय हमरे साथ होंय, एसे कि जउने संसार के सगले मनई बिसुआस करँय, कि अपनय हमहीं पठयन हय।

यूहन्ना 20:17

तब यीसु उनसे कहिन, “अबे हमहीं न छुआ, काहेकि हम अबय तक अपने पिता परमातिमा के लघे ऊपर नहीं गएन आय, बलकिन हमरे भाइन के लघे जाइके उनसे कहि दिहा, कि हम अपने पिता अउर तोंहरे पिता, अउर अपने परमातिमा अउर तोंहरे परमातिमा के लघे ऊपर जइत हएन।”

रोमियन 12:5

उहयमेर हमहूँ पंचे, जउन खुब जने हएन, मसीह के ऊपर बिसुआस किहे के कारन एकठे देंह कि नाईं हएन, जइसन ओखर अंग एक दुसरे से जुड़े रहत हें, उहयमेर हमहूँ पंचे आपस माहीं एक दुसरे से जुड़े हएन।

रोमियन 15:6

जउने तूँ पंचे एक मन होइके, एक अबाज माहीं हमरे प्रभू यीसु मसीह के पिता परमातिमा के बड़ाई करा।

1 कुरिन्थियन 1:30

अउर उनहिन के द्वारा तूँ पंचे मसीह यीसु माहीं बने हया, जउन परमातिमा के तरफ से हमरे पंचन के खातिर ग्यान ठहरे हँय, अउर उनहिन के द्वारा हम पंचे परमातिमा के नजर माहीं निरदोस साबित भएन हँय, पबित्र बनाए गएन हँय, अउर हरेक बुराइन से छुटकारा घलाय पाए हएन।

1 कुरिन्थियन 12:12

अउर जइसन हमरे पंचन म से हरेक मनई के एकयठे देंह हय, पय ओमाहीं कइयकठे अंग हें, अउर देंह माहीं कइयकठे अंग होंइ के बादव, ऊँ सगलेन काहीं मिलाइके एकयठे देंह बनत ही, उहयमेर मसीह घलाय हें।

2 कुरिन्थियन 1:3

हम पंचे अपने प्रभू यीसु मसीह के पिता परमातिमा काहीं धन्यबाद देइत हएन, जउन दया करँइ बाले पिता अउर हरेकमेर के सान्ती देंइ बाले परमातिमा आहीं।

2 कुरिन्थियन 11:31

अउर प्रभू यीसु के पिता परमातिमा जउन हमेसा बड़ाई के काबिल हें, ऊँ जानत हें, कि हम झूँठ नहीं बोली।

2 कुरिन्थियन 5:17

एसे अगर कउनव मनई यीसु मसीह के ऊपर बिसुआस कइ लेत हय, त उआ नई रचना बन जात हय। अउर ओखे जीबन से पुरान बातँय चली जाती हईं, अउर ओखर नबा जीबन सुरू होइ जात हय।

2 कुरिन्थियन 5:21

यीसु मसीह, जिनखे जीबन माहीं कउनव पाप नहीं रहा आय, उनहिन के ऊपर परमातिमा, हमरे पंचन के सगले पापन के बोझ लाद दिहिन, कि जउने हम पंचे यीसु मसीह के द्वारा परमातिमा के नजर माहीं निरदोस ठहरी।

गलातियन 3:9

एसे अब्राहम बिसुआस के कारन जउन आसिरबाद पाइन रहा हय, उहय आसिरबाद मसीह के ऊपर बिसुआस करँइ बाले सगले जने पाबत हें।

इफीसियन 1:10

अउर परमातिमा अइसन योजना बनाइन, कि अपने निस्चित समय माहीं जउन कुछू स्वरग माहीं हय, अउर जउन कुछू धरती माहीं हय, उनहीं सगलेन काहीं एकट्ठा करँय अउर मसीह उनखे ऊपर राज करँय।

इफीसियन 1:17

हम प्राथना करा करित हएन, कि हमार पंचन के प्रभू यीसु मसीह के परमातिमा, तोंहईं समझँय के अउर दिब्य दरसन के अइसन आत्मा के सक्ती देंय, कि जउने तूँ पंचे ऊँ महिमावान परमपिता काहीं पहिचान सका।

इफीसियन 1:20

जउन ऊँ मसीह के बारे माहीं किहिन हीं, कि उनहीं मरेन म से जिआइके स्वरग के जघन माहीं अपने दहिने कइती बइठाय लिहिन हीं,

इफीसियन 2:6

काहेकि हम पंचे यीसु मसीह के ऊपर बिसुआस किहेन हँय, एसे परमातिमा हमहीं पंचन काहीं मसीह के साथ पुनि जिआइन हीं, अरथात परमातिमा हमहीं पंचन काहीं नबा जीबन दिहिन हीं, अउर यीसु मसीह के साथ स्वरग के जघन माहीं बइठाइके, राज करँइ के अधिकार दिहिन हीं।

इफीसियन 3:10

अउर परमातिमा के उद्देस्य अब इआ हय, कि मसीही मन्डली के द्वारा परमातिमा के अनेकव प्रकार के ग्यान, स्वरग के जघन माहीं रहँइ बाले प्रधानन अउर अधिकारिन काहीं बताबा जाय।

इफीसियन 6:12

काहेकि हमार पंचन के लड़ाई खून अउर माँस अरथात कउनव मनई से नहिं आय, बलकिन हमार पंचन के लड़ाई सइतान अउर ओखे बुरी आत्मन से हय, जउन इआ संसार माहीं राज करत हय, अउर हम पंचे अकास माहीं रहँइ बाली बुरी आत्मन के सक्तिन के साथ लड़ि रहेन हय।

फिलिप्पियन 2:11

अउर पिता परमातिमा के महिमा के खातिर, हरेक मनई इआ सोइकार कइ लेंय, कि यीसु मसीहय प्रभू आहीं।

इब्रानियन 8:5

जउन स्वरग के चीजन के साछात तसबीर अउर परछाईं के सेबा करत हें। अउर जइसन मूसा नबी जब तम्बू बनामँइ बाले रहे हँय, त उनहीं परमातिमा इआ चेतउनी दिहिन तय, कि “देखा, जउन नमूना हम तोंहईं पहार के ऊपर देखायन हय, ओहिन के मुताबिक सब कुछ बनाया।”

इब्रानियन 9:23

एसे इआ जरूरी हय, कि स्वरग के चीजन के साछात तसबीर के रूप माहीं बनी सगली चीजँय, ईंन बलिदानन के द्वारा सुद्ध कीन जाँय, काहेकि स्वरग के सगली चीजँय खुदय इनसे उत्तम बलिदानन के द्वारा सुद्ध कीन जाती हँय।

1 पतरस 1:3

हमरे पंचन के प्रभू यीसु मसीह के पिता परमातिमा के धन्यबाद होय, जउन यीसु मसीह काहीं मरेन म से जिआइके, अपने बड़ी दया से हमहीं पंचन काहीं अनन्त जीबन पामँइ के खातिर, जउन जिअत आसा ही, ओखे खातिर नबा जनम दिहिन हीं।