2 तीमुथियुस 4:8 - Bagheli Bible

⁸ भबिस्य माहीं हमरे खातिर धरम के उआ मुकुट धरा हय, जउन धरमी मनइन काहीं दीन जात हय, जउने काहीं प्रभू, जउन धरमी अउर न्यायी हें, हमहीं अउर उन सगलेन काहीं घलाय, जउन उनखे आमँइ के इन्तजार काहीं पियार जानत हें, न्याय के दिन देइहँय।

2 तीमुथियुस 4:8 ပူးပေါင်းရင်းမြစ်များ

मत्ती 24:36

“उआ दिन अउर उआ समय के बारे माहीं कोऊ नहीं जानँय, न स्वरग के दूत, अउर न लड़िका, ओखे बारे माहीं केबल पिता परमातिमा भर जानत हें।

मत्ती 7:22

उआ महान दिन काहीं खुब मनई हमसे पुँछिहँय, हे प्रभू, हे प्रभू, का हम अपना के नाम से परमातिमा के सँदेस नहीं सुनायन, अउर का हम अपना के नाम से बुरी आत्मन काहीं नहीं निकारेन, अउर अपना के नाम से खुब अचरज के कामन काहीं नहीं किहेन?

लूका 10:12

हम तोंहसे कहित हएन, कि जब परमातिमा न्याय करिहँय, उआ दिन, उआ सहर के दुरदसा, सदोम सहर से जादा होई।

रोमियन 2:5

पय तूँ अपने हठी अउर कबहूँ न पचिताँय बाले मन के कारन, परमातिमा के क्रोधपूर्न सजा काहीं अपने खातिर उआ दिन के खातिर एकट्ठा कइ रहे हया, जब परमातिमा सच्चा न्याय करिहँय।

रोमियन 8:23

अउर केबल इआ संसारय भर नहीं, बलकिन हमहूँ पंचे घलाय जिनहीं पबित्र आत्मा के पहिल फर मिला हय, खुदय हम पंचे अपने भीतर कराहित हएन, काहेकि हम पंचे परमातिमा के गोद लीन सन्तान होंइ के अरथात अपने पूरे देंह के मुक्ती पामँइ के इन्तजार करित हएन।

1 कुरिन्थियन 2:9

पय पबित्र सास्त्र माहीं जइसन लिखा हय, कि “जउने बातन काहीं कोहू कबहूँ नहीं देखिस, न सुनिस, अउर न अपने मनय माहीं सोचिस, उँइन बातन काहीं, परमातिमा अपने प्रेम करँइ बालेन के खातिर तइआर किहिन हीं।”

1 कुरिन्थियन 3:13

त जब यीसु मसीह दुबारा अइहँय, उआ दिना हरेक जन के काम सगले जनेन के आँगे प्रगट होइ जई; अउर जब ऊँ अइहँय त उनखर तेज आगी के लपट कि नाईं होई, अउर उहय आगी के द्वारा हरेक जन के काम जाँचा-परखा जई, कि उआ कइसन हय।

1 कुरिन्थियन 9:25

अउर कुस्ती लड़ँइबाले हरेक पहिलमान, अपने देंह काहीं तइआर करँइ के खातिर, हरेकमेर के कसरत करत हें; अउर ऊँ पंचे त नास होंइ बाले मुकुट काहीं पामँइ के खातिर इआ सगली मेहनत करत हें, पय हम पंचे त उआ मुकुट काहीं पामँइ के खातिर मेहनत करित हएन, जउन कबहूँ नहीं नास होय।

2 कुरिन्थियन 5:2

अउर इआ देंह माहीं, हम पंचे कराहत रहित हएन। अउर बड़ी लालसा करित हएन, कि स्वरग माहीं मिलँइ बाले अपने घरन माहीं चले जई।

फिलिप्पियन 3:11

इआ आसा के साथ, कि हमहूँ कउनव मेर से मरेन म से जि उठँय के पद तक पहुँच सकी।

कुलुस्सियन 1:5

इआ सब उआ आसा के कारन भ हय, जउन तोंहरे खातिर स्वरग माहीं सुरच्छित ही, अउर एखे बारे माहीं तूँ पंचे पहिलेन सत्य बचन, अरथात खुसी के खबर के द्वारा सुन चुके हया।

1 थिस्सलुनीकियन 1:10

अउर परमातिमा के लड़िका यीसु के स्वरग से आमँइ के इन्तजार करत रहा, जिनहीं परमातिमा मरेन म से जिआइन रहा हय, उँइन हमहीं पंचन काहीं परमातिमा के आमँइ बाले क्रोध से बचाबत हें।

1 थिस्सलुनीकियन 5:4

पय हे भाई-बहिनिव, तूँ पंचे त पाप रूपी अँधिआर माहीं नहिं आह्या, कि उआ दिन तोंहरे ऊपर चोर कि नाईं अचानक आय परय।

2 थिस्सलुनीकियन 2:8

तब उआ अधरमी प्रगट होई, जउने काहीं प्रभू यीसु अपने मुँहे के फूँक से मारि डरिहँय, अउर अपने आमँइ के तेज से भसम करिहँय।

1 तीमुथियुस 6:19

अपने ईंन कामन से स्वरग माहीं धन एकट्ठा करिहँय, जउन भबिस्य के खातिर मजबूत नेव के समान होई, अउर असली जीबन पामँइ के हकदार बन जइहँय।

2 तीमुथियुस 1:10

पय अब हमहीं पंचन काहीं मुक्ती देंइ बाले यीसु मसीह, संसार माहीं आइके उआ किरपा काहीं प्रगट किहिन, अउर उँइन मउत के सक्ती काहीं खतम कइ दिहिन, अउर जउन परमातिमा के साथ हमेसा जीबन बितामँइ के मोका देत ही, उआ खुसी के खबर के प्रचार किहिन।

2 तीमुथियुस 1:12

इहय कारन हम ईं दुखन काहीं सहित हएन, पय लजई नहीं, काहेकि जिनखे ऊपर हम बिसुआस किहेन हय, उनहीं हम जानित हएन; अउर हमहीं पूर बिसुआस हय, कि जउन खुसी के खबर परमातिमा हमहीं सउँपिन हीं, ओखर रखबारी ऊँ अन्त समय तक कइ सकत हें।

2 तीमुथियुस 1:18

प्रभू करँइ कि न्याय के दिन, उनखे ऊपर प्रभू के दया होय, अउर जउन-जउन सेबा ऊँ इफिसुस सहर माहीं किहिन हीं, उनहीं तूँ निकहा से जनते हया।

2 तीमुथियुस 2:5

अगर कउनव लड़ाई लड़ँइ बाला नेम के मुताबिक नहीं लड़य, त उआ मुकुट नहीं पाबय।

2 तीमुथियुस 4:1

हे तीमुथियुस, परमातिमा अउर मसीह यीसु काहीं गबाह मानिके, जउन जिअत अउर मरे मनइन के न्याय करिहँय, यीसु मसीह जउन सगले मनइन के ऊपर राज करँइ के खातिर अइहँय, उनखर सुध देबाइके तोहईं हुकुम देइत हएन।

तीतुस 2:13

अउर उआ आनन्द मिलँइ के आसा रखिके, अपने महान परमातिमा, अउर पाप करँइ से छुटकारा देंइ बाले यीसु मसीह काहीं, महिमा के साथ धरती माहीं आमँइ के इन्तजार करत रही।

इब्रानियन 12:11

पय जउने समय डाँट-फटकार कीन जात ही, उआ समय डाँट-फटकार नीक नहीं लागय, बलकिन ओसे खुब दुख लागत हय, तऊ जे कोऊ उआ डाँट-फटकार काहीं सहत-सहत मजबूत होइ जात हें, ओखे बाद उनहीं पंचन काहीं सान्ती के साथ निकहे कामन के प्रतिफल मिलत हय।

इब्रानियन 9:28

उहयमेर मसीह घलाय, सगले मनइन के पापन काहीं उठामँइ के खातिर एक बेरकिन बलिदान भें। अउर जउन मनई उनखे दुसराय आमँइ के इन्तजार कइ रहे हँय, ऊँ उनखे पापन काहीं उठामँइ के खातिर नहीं, बलकिन उनहीं मुक्ती देंइ के खातिर दुसराय अइहँय।

याकूब 1:12

उआ मनई धन्य हय, जउन परिच्छा माही अटल रहत हय, काहेकि परिच्छा माहीं खरा उतरे के बाद, उआ जीबन के मुकुट पाई, जउने काहीं परमातिमा अपने प्रेम करँइ बालेन काहीं, देंइ के बचन दिहिन हीं।

1 पतरस 1:4

कि जउने हम पंचे बारिसदार होंइ के उआ हक्क पाय जई, जउन हमरे खातिर स्वरग माहीं सुरच्छित हय, काहेकि उआ हक्क कबहूँ न नास होई, न कबहूँ खतमय होई, बलकिन उआ निरमल रही।

1 पतरस 5:4

अउर जब संसार के रखबारी करँइ बाले परमप्रधान अइहँय, त तोंहईं पंचन काहीं महिमा के मुकुट दीन जई, जउन कबहूँ न मुरझई।

दरसनन के बातँय 1:7

देखा, ऊँ बदरिन के साथ आमँइ बाले हें; अउर हरेक आँखी उनहीं देखी, इहाँ तक कि जउन उनहीं बेधिन रहा हय, ऊँ पंचे घलाय उनहीं देखिहँय, अउर धरती के सगले कुल उनखे कारन छाती पिटिहँय। इआ जरूर होई। आमीन।

दरसनन के बातँय 19:11

ओखे बाद हम स्वरग काहीं खुला देखेन, अउर देखित हएन, कि एकठे उजर घोड़ा हय; अउर ओमाहीं एक जने सबार हें, जउन बिसुआस के काबिल अउर सत्य कहाबत हें; अउर ऊँ धरम के साथ न्याय, अउर युद्ध करत हें।

दरसनन के बातँय 2:10

जउन कस्ट तोंहईं उठामँइ परी उनसे डेरा न। काहेकि देखा, सइतान तोंहरे पंचन म से कइअक जनेन काहीं जेल माहीं डारँइ बाला हय, जउने तूँ पंचे जाँचे-परखे जा; अउर तोंहईं पंचन काहीं दस दिन तक कस्ट उठामँइ परी, प्रान देंइ तक बिसुआसी रहा; त हम तोंहईं जीबन के मुकुट देब।

दरसनन के बातँय 22:20

जे ईं बातन के गबाही देत हें, ऊँ इआ कहत हें, “हाँ, हम हरबिन आमँइ बाले हएन।” आमीन। हे प्रभू यीसु अई!

दरसनन के बातँय 4:10

तब चउबीसव अँगुआ सिंहासन माहीं बइठँय बाले के आँगे गिर परिहँय, अउर उनहीं, जउन जुगन-जुगन से जिन्दा हें, प्रनाम करिहँय; अउर आपन-आपन मुकुट सिंहासन के आँगे इआ कहत धइ देइहँय, कि

दरसनन के बातँय 4:4

अउर उआ सिंहासन के चारिव कइती चउबिस सिंहासन हें; अउर ईं सिंहासनन के ऊपर चउबिस अँगुआ उजर ओन्हा पहिरे बइठ हें, अउर उनखे मूँड़ेन माहीं सोने के मुकुट हें।