2 तीमुथियुस 4:7 - Bagheli Bible

⁷ जइसन एकठे पहिलमान नेम से कुस्ती लड़िके जीतके इनाम पाबत हय, उहयमेर जउन काम परमातिमा हमहीं दिहिन रहा हय, ओही हम निकहा से पूर कइ चुकेन हय, अउर हम उआ काम काहीं पूरे बिसुआस के साथ किहेन हय।

2 तीमुथियुस 4:7 ပူးပေါင်းရင်းမြစ်များ

लूका 11:28

तब यीसु कहिन, “ऊँ त धन्य हइअय हईं, पय धन्य ऊँ पंचे हें, जउन परमातिमा के बचन सुनत हें, अउर सुनिके मानत हें।”

लूका 8:15

पय जउन निकही भुँइ म बोए बीज कि नाईं होत हें, ऊँ पंचे ईं आहीं, जऊँ परमातिमा के बचन काहीं सुनिके, पूरे बिसुआस के साथ अपनाबत हें, अउर अपने हिरदँय के भले भन्डार माहीं सम्हारे रहत हें, अउर धीरज धइके फर लइ आबत हें।”

यूहन्ना 17:6

संसार के मनइन म से जउने मनइन काहीं अपना हमहीं दिहेन हय, हम उनहीं अपना के बारे माहीं बताय दिहेन हय: ऊँ पंचे अपना के साथ रहे हँय, पय अपना उनहीं हमहीं दिहेन हय, अउर ऊँ पंचे अपना के बचन काहीं अपनाय लिहिन हीं।

यूहन्ना 4:34

यीसु उनसे कहिन, “हमार खाना इआ आय, कि हम अपने पठमँइ बाले के मरजी के मुताबिक चली, अउर उनखर काम पूर करी।

खास चेलन 13:25

अउर जब यूहन्ना आपन काम पूर करँइ बाले रहे हँय, तब ऊँ कहिन, ‘तूँ पंचे हमहीं का समझते हया? हम ऊँ मनई न होहेंन! बलकिन देखा हमरे बाद एक जने आमँइ बाले हें, जिनखे गोड़ेन के पनहीं के डोरव तक हम छोरँइ के काबिल नहिं आहेन।’

खास चेलन 20:24

पय हम अपने प्रान काहीं कुछू नहीं समझी, कि ओही पियार जानी, बलकिन इआ, कि हम अपने दउड़ अउर उआ सेबकाई काहीं पूर करी, जउन हम परमातिमा के किरपा के खुसी के खबर के गबाही देंइ के खातिर प्रभू यीसु से पाएन हय।

गलातियन 2:2

अउर उहाँ जाँइ के खातिर परमातिमा हमहीं दरसन दिहिन एसे हम उहाँ गएन, अउर जउने खुसी के खबर के प्रचार हम गैरयहूदी लोगन के बीच माहीं करित हएन, उहय खुसी के खबर काहीं हम उनहिन काहीं अलग लइ जाइके सुनायन, जउन मसीही मन्डली के मुखिया माने जात रहे हँय, जउने, जउन काम हम पहिले किहेन तय, अउर अबे कइ रहेन हय, ऊँ बेकार न ठहरँय।

फिलिप्पियन 1:30

अउर खुसी के खबर के खातिर जइसन मेहनत करत हमहीं तूँ पंचे देखे हया, उहयमेर तुहूँ पंचे करा, अउर अबहिनव तूँ पंचे सुनते हया, कि हम उहयमेर मेहनत करित हएन।

1 तीमुथियुस 1:18

हे बेटा तीमुथियुस, उन परमातिमा के सँदेस बतामँइ बालेन के बातन के मुताबिक, जउन बात पहिलेन तोंहरे बारे माहीं बताई गई रही हँय, हम इआ हुकुम देइत हएन, कि तूँ उनहिन कि नाईं उनखर बिरोध करा, जउन अनुचित सिच्छा सिखाबत हें, अउर सत्य बचन के सिच्छा देत रहा। जइसन सिपाही युद्ध माहीं जीतँय के खातिर निकही लड़ाई लड़त हय।

1 तीमुथियुस 6:12

जउन बिसुआस तूँ प्रभू यीसु मसीह के ऊपर रखते हया, ओसे पीछे हटामँइ के खातिर खुब मुसीबत अइहँय, पय तूँ डँटे रह्या, जउने काहीं तूँ खुब गबाहन के आँगे अपनाया रहा हय, उआ अनन्त जीबन काहीं गमाय न दिहा, जउने काहीं पामँइ के खातिर परमातिमा तोंहईं चुनिन हीं।

1 तीमुथियुस 6:20

हे तीमुथियुस, हम तोहईं जउन सत्य बचन सउँपेन हँय, उनहीं सगले मनइन काहीं सिखाबत रहा, अउर जउन सिच्छा परमातिमा के बिरोध माहीं हय, उआ सिच्छा के फालतू बातन से तूँ दूरी रहा,

2 तीमुथियुस 1:14

अउर पबित्र आत्मा के व्दारा, जउन हमरे पंचन के जीबन माहीं रहत हय, जउन तोंहईं सउँपा ग हय, इआ निकही थाती के रखबारी करा।

2 तीमुथियुस 3:10

चाह कुछू होय, पय तूँ हमरे सिच्छा के पालन किहा हय, हमरे चाल-चलन, हमरे जीबन के लच्छ, मनइन काहीं परमातिमा के बचन सुनाउब रहा हय, हमार मसीह के ऊपर बिसुआस, हरेक मेर के बातन काहीं सहँइ के हमार छमता, कइसन हम सगले लोगन के साथ धीरज अउर प्रेम से रहेन, अउर तूँ हमरे सताए जाँय, अउर दुख-मुसीबत माहीं हमार मदत किहा हय।

दरसनन के बातँय 3:10

हम तोंहईं धीरज धरँय के खातिर कहेन तय, त तूँ धीरज धरे हया, एसे हमहूँ तोंहईं परिच्छा के उआ समय बचाइके रक्खब, जउन धरती माहीं रहँइ बालेन के जाँचय-परखँय के खातिर, सगले संसार माहीं आमँइ बाली हय।

दरसनन के बातँय 3:8

हम तोंहरे कामन काहीं जानित हएन; देखा, हम तोंहरे आँगे एकठे दुअरा खोलिके रखे हएन, जउने काहीं कोऊ बन्द नहीं कइ सकय; तोंहार सक्ती थोरिन काहीं त हय, तऊ तूँ हमरे बचन काहीं पालन किहे हया, अउर हमरे नाम काहीं इनकार नहीं किहे आह्या।

दरसनन के बातँय 6:11

अउर उनमा से हरेक जन काहीं, उजर ओन्हा दीन ग, अउर उनसे कहा ग, कि अउर थोरी देर तक अराम करा, जब तक तोंहार पंचन के साथी सेबक लोग, अउर भाई लोग, जउन तोंहरिन कि नाईं बध होंइ बाले हें, उनहूँ के घलाय गिनती पूर न होइ जाय।