2 तीमुथियुस 4:5 - Bagheli Bible

⁵ पय तूँ ईं सगली बातन से सचेत रहा, दुख-मुसीबत सहा, अउर खुसी के खबर के प्रचार के काम करा, अउर जउन सेबा तोहईं सउँपी गे ही, ओही पूर करा।

2 तीमुथियुस 4:5 ပူးပေါင်းရင်းမြစ်များ

मत्ती 25:16

अउर तब जेही पइसन से भरी पाँचठे थइली मिली रही हँय, त उआ हरबिन जाइके उनसे बइपार किहिस, अउर पाँच थइली पइसा अउर कमान।

मरकुस 13:34

मनई के लड़िका के आमँइ के बारे माहीं एकठे उदाहरन हम तोहईं बताइत हएन, एकठे मनई परदेस जाँइ के पहिले, आपन सगला घर अपने सगले दासन काहीं देख-भाल करँइ के खातिर बताइके: अउर हरेक दासन क काम बताइके, अउर चउकीदार काहीं जागत रहँइ काहीं कहिके चला ग।

मरकुस 13:37

अउर जउन बात हम तोंहसे कहेन हय, उहय बात सबसे कहित हएन: सतरक रहा!”

लूका 12:37

धन्य हें, ऊँ दास लोग जिनखर मालिक आइके उनहीं जागत पामँय; हम तोंहसे सही कहित हएन, कि ऊँ मालिक, करिहाँ बाँधिके उनहीं खाना खाँइका बइठइहँय, अउर लघे आइके उनखर सेबा करिहँय।

खास चेलन 21:8

अउर दुसरे दिना हम पंचे उहाँ से चलिके कैसरिया सहर माहीं आएन, अउर फिलिप्पुस के घर माहीं जाइके उनखे इहाँ रहेन, जउन खुसी के खबर के प्रचार करँइ बाले सातठे सेबकन म से रहे हँय।

रोमियन 15:19

अउर पबित्र आत्मा के सक्ती से चमत्कारन, अउर अचरज के कामन काहीं देखामँइ के काम हमरेन द्वारा किहिन हीं, इहाँ तक कि हमहिन यरूसलेम सहर से लइके, चारिव कइती इल्लुरिकुम प्रदेस तक मसीह के खुसी के खबर के पूर-पूर प्रचार किहेन हय।

इफीसियन 4:11

अउर उँइन मसीह, कुछ जनेन काहीं आपन खास चेला होंइ के बरदान दइके, अउर कुछ जनेन काहीं परमातिमा के सँदेस बतामँइ के बरदान दइके, अउर कुछ जनेन काहीं खुसी के खबर सुनामँइ के बरदान दइके, अउर कुछ जनेन काहीं रखबारी करँइ के बरदान दइके, अउर कुछ जनेन काहीं उपदेस देंइ के बरदान दइके, मसीही मन्डली माहीं दइ दिहिन।

इफीसियन 4:12

जउने सगले पबित्र मनई ग्यान माहीं सिद्ध होइ जाँय, अउर सेबा के काम निकहा से करँय, जउने मसीह के देंह अरथात मसीही मन्डली के उन्नति होय।

कुलुस्सियन 1:25

परमातिमा तोंहरे पंचन के फायदा के खातिर, हमहीं जउन हुकुम दिहिन रहा हय, ओहिन के मुताबिक, हम उनखर एकठे सेबक ठहराए गएन हय, जउने हम परमातिमा के बचन के पूरी तरह से प्रचार करी। (परमातिमा के जउन योजना रही हय, ओखे मुताबिक हम उनखर एकठे सेबक बने हएन, अउर जउन जबाबदारी परमातिमा हमहीं दिहिन हीं, कि उनखर बचन तोंहईं पंचन काहीं सुनाई, एहिन से परमातिमा के बचन काहीं तोंहरे बीच माहीं पूरी तरह प्रचार कइ रहे हएन।)

कुलुस्सियन 4:17

ओखे बाद अरखिप्पुस काहीं बताय दिहा, कि प्रभू माहीं जउन सेबा उनहीं सँउपी गे ही, ओही सचेत होइके जरूर पूर करिहँय।

1 थिस्सलुनीकियन 5:6

एसे हम पंचे अबिसुआसी लोगन कि नाईं सोबत न रही, बलकिन सचेत अउर अपने ऊपर काबू रखँइ चाही।

1 तीमुथियुस 4:12

हे तीमुथियुस, तूँ अबे जमान हया, इआ कारन से कोऊ तोंहार निरादर न करँय पाबय, बलकिन तूँ अपने बात-चीत म अउर चाल-चलन म, अउर प्रेम करँइ म, अउर परमातिमा के ऊपर बिसुआस करँय, अउर अपने पबित्र जीबन से सगले बिसुआसिअन के खातिर आदर्स बन जा।

1 तीमुथियुस 4:15

ईं सगली बातन के ऊपर पूर ध्यान लगाए रहा, अउर इनहिन माहीं पूरी तरह से लीन रहा, जउने तोंहरे उन्नति काहीं सगले मनई देखँय।

2 तीमुथियुस 1:8

एसे तूँ प्रभू के बारे माहीं दुसरेन काहीं बतामँइ माहीं न लजा, अउर न हमहिन से लजा, जउन खुसी के खबर सुनामँइ के कारन जेल माहीं बंद हएन, पय परमातिमा के दिहे सामर्थ के मुताबिक खुसी के खबर काहीं सुनामँइ के खातिर, हमरे कि नाईं दुख उठाबा,

2 तीमुथियुस 2:10

इहय कारन से हम परमातिमा के चुने लोगन के खातिर, हरेक दुख-मुसीबत काहीं उठाबत रहित हएन, जउने ऊँ पंचे घलाय मसीह यीसु के ऊपर बिसुआस करे से जउन मुक्ती मिलत ही, ओही अनन्त महिमा समेत पामँय।

2 तीमुथियुस 2:3

अउर यीसु मसीह के सच्चे सिपाही कि नाईं, हमरे साथ दुख उठाबा।

2 तीमुथियुस 4:17

पय प्रभू हमरे साथ माहीं रहे हँय, अउर हमहीं सामर्थ दिहिन, जउने हमरे व्दारा खुसी के खबर के भरपूर प्रचार होइ सकय, जउने सगले गैरयहूदी लोग सुन लेंय; अउर परमातिमा हमहीं त सेर के मुँहे से छोड़ाइन हीं।

इब्रानियन 13:17

अउर तूँ पंचे अपने आत्मिक अँगुअन के हुकुमन काहीं माना, अउर उनखे अधीनता माहीं रहा, काहेकि ऊँ पंचे तोंहरे आत्मिक बढ़ोत्तरी के खातिर, हमेसा खुसी से काम करत रहत हें, अउर उनहीं अपने ईं कामन के हिंसाब परमातिमा काहीं देंइ परी। पय तूँ पंचे उनहीं इआ मोका न दिहा, कि ऊँ इआ काम काहीं खुसी से नहीं, बलकिन बड़े दुख के साथ करँय, त इआ दसा माहीं तोंहईं पंचन काहीं कउनव फायदा न होई।

1 पतरस 1:13

एसे तूँ पंचे मानसिक रूप से सचेत रहा, अउर खुद काहीं काबू माही रखिके, उआ किरपा के खातिर पूरी आसा रक्खा, जउन तोंहईं पंचन काहीं यीसु मसीह के दुसराय आमँइ के समय मिलँइ बाली हय।

दरसनन के बातँय 3:2

जागत रहा, अउर उन चीजन काहीं जउन बाँकी रहि गई हँय, अउर जउन मिटँय बाली हईं, उनहीं मजबूत करा; काहेकि हम तोंहरे कउनव काम काहीं, अपने परमातिमा के नजर माहीं, पूर नहीं पाएन।