2 तीमुथियुस 4:20 - Bagheli Bible

²⁰ इरास्तुस कुरिन्थुस सहर माहीं रहिगा हय, अउर त्रुफिमुस बिमार रहा हय, त ओही हम मिलेतुस सहर माहीं छोंड़ि आए हएन।

2 तीमुथियुस 4:20 ပူးပေါင်းရင်းမြစ်များ

खास चेलन 18:1

एखे बाद पवलुस एथेंस सहर काहीं छोंड़िके, कुरिन्थुस सहर माहीं आएँ।

खास चेलन 18:8

तब सभाघर के मुखिया क्रिस्पुस अपने सगले परिबार समेत प्रभू के ऊपर बिसुआस किहिन; अउर कुरिन्थ सहर माहीं रहँइ बाले खुब मनई सुनिके बिसुआस किहिन, अउर बपतिस्मा लिहिन।

खास चेलन 19:22

एसे अपने सेबकन म से तीमुथियुस अउर इरास्तुस काहीं, मकिदुनिया प्रदेस माहीं पठइके, खुद आसिया प्रदेस माहीं कुछ दिना रहिगें।

खास चेलन 20:15

अउर उहाँ से जिहाज काहीं छोरिके हम पंचे दुसरे दिना खियुस टापू के सउहें पहुँचेन, अउर तिसरे दिना सामुस टापू माहीं पहुँचेन, अउर ओखे दुसरे दिना मिलेतुस सहर माहीं पहुँच गएन।

खास चेलन 20:17

अउर ऊँ मिलेतुस सहर से इफिसुस सहर माहीं सँदेस पठबाइके, मसीही मन्डली के अँगुअन काहीं बोलबाइन।

खास चेलन 20:4

तब बिरिया सहर के पुरूर्स के लड़िका सोपत्रुस अउर थिस्लोनी सहर के रहँइ बालेन म से अरिस्तरखुस अउर सिकुन्दुस अउर दिरबे के गयुस, अउर तीमुथियुस अउर आसिया प्रदेस के तुखिकुस अउर त्रुफिमुस आसिया प्रदेस तक पवलुस के साथ माहीं आएँ।

खास चेलन 21:29

ऊँ पंचे त एसे पहिले इफिसुस सहर के रहँइ बाले त्रुफिमुस काहीं, उनखे साथ सहर माहीं देखिन रहा हय, अउर इआ समझत रहे हँय, कि पवलुस उनहीं मन्दिर माहीं लइ आएँ हँय।

रोमियन 16:23

भाई गयुस के तरफ से जउन हमार अउर मसीही मन्डली के सगले बिसुआसी भाई-बहिनिन के स्वागत-सत्कार करत हें, तोंहईं पंचन काहीं नबस्कार पहुँचय। अउर भाई इरास्तुस जउन सहर के भन्डारी हें, अउर भाई क्वारतुस के तोंहईं पंचन काहीं नबस्कार।