2 तीमुथियुस 4:16 - Bagheli Bible

¹⁶ सुरू माहीं जब हम आपन बचाव करँइ के खातिर, सबूत देंइ लागेन, तब हमरे पच्छ माहीं बोलँइ के खातिर कोऊ आँगे नहीं आबा, बलकिन ऊँ पंचे हमहीं अकेले छोंड़ि दिहिन तय। हम प्राथना करित हएन, कि परमातिमा उनखे इआ गलती काहीं माफ करँय।

2 तीमुथियुस 4:16 ပူးပေါင်းရင်းမြစ်များ

मरकुस 14:50

यीसु काहीं पकड़तय चेला लोग उनहीं छोंड़िके भागिगें।

लूका 12:11

यीसु पुनि कहिन, “जब मनई तोंहईं, महासभन माहीं, अउर सासन करँइ बालेन अउर अधिकारिन के आँगे लइ जाँय, त चिन्ता न किहा, कि हम उनहीं कउनमेर से, इआ कि का जबाब देब, इआ कि का कहब।

यूहन्ना 16:32

देखा, उआ समय आबत हय बलकिन आइन ग हय, कि तूँ पंचे सगले जने तितर-बितर होइके आपन-आपन गइल पकड़ लेइहा, अउर हमहीं अकेले छोंड़ि देइहा, तऊ हम अकेले न रहब, काहेकि पिता परमातिमा हमरे साथ हें।

खास चेलन 22:1

“हे भाई-बहिनिव, अउर बाप के समान बुजुरगव हमार जबाब सुना, जउन अब हम तोंहरे आँगे कहित हएन।”

खास चेलन 25:16

पय हम उनहीं जबाब दिहेन कि, रोम देस माहीं रहँइ बालेन माहीं इआ रिबाज नहिं आय, कि कउनव मनई काहीं सजा देंइ के खातिर सउँप दीन जाय, जब तक कि जउने मनई के ऊपर दोस लगाबा ग होय, ओही अपने ऊपर दोस लगामँइ बालेन के आमने-सामने ठाढ़ होइके, लगाए दोस के जबाब देंइ काहीं मोका न मिलय।

खास चेलन 7:60

फेर घुटुआ के बल गिरिके खुब चन्डे से कहिन, “हे प्रभू, इआ पाप इनखे ऊपर न लगाई”, अउर एतना कहिके प्रान छोंड़ दिहिन, अउर साऊल उनखे कतल होंइ माहीं सहमत रहे हँय।

1 कुरिन्थियन 13:5

अउर उआ दुसरे के साथ अनुचित बेउहार नहीं करय, उआ केबल अपनय भर भलाई नहीं चाहय, अउर उआ हरबिन क्रोधित नहीं होय, अउर जे कोऊ ओखे साथ बुरा बेउहार करत हें, त उनसे उआ बदला नहीं लेय।

1 कुरिन्थियन 9:3

अउर जे कोऊ हमरे ऊपर अरोप लगाबत हें, त उनखे खातिर हमार जबाब इआ हय, कि

2 कुरिन्थियन 7:11

एसे देखा, जउन दुख तोंहईं पंचन काहीं परमातिमा के तरफ से मिला हय, ओसे तोंहरे जीबन माहीं केतना बदलाव आइगा हय, अउर तूँ पंचे अपने-आप काहीं निरदोस साबित करँइ के खातिर इच्छुक होइ गया हय, अउर जउन कुछू भ रहा हय, ओखे कारन खुब दुखी हया, अउर परमातिमा के भय मानिके, भक्ती करँइ के धुन माहीं लगे रहते हया। अउर हमसे मिलँइ के इच्छा करत रहते हया। अउर पाप करँइ बालेन काहीं सजा देंइ के बिचार करँइ लागे हया, इआमेर से तूँ पंचे हरेकमेर से इआ साबित कइ दिहा हय, कि तूँ पंचे निरदोस हया।

फिलिप्पियन 1:17

पय अउर कुछ जने त सच्चाई के साथ नहीं, बलकिन अपने सोरथ के खातिर मसीह के प्रचार करत हें, काहेकि ऊँ पंचे इआ सोचत हें, कि इआमेर कइके हमरे खातिर जेल माहीं कस्ट पइदा कइ सकत हें।

फिलिप्पियन 1:7

तोंहरे बारे माहीं हमहीं अइसा सोचब उचित हय, काहेकि तूँ पंचे हमरे हिरदँय माहीं बसे हया। अउर हम जेल माहीं हएन, तऊ खुसी के खबर के खातिर मनइन काहीं जबाब देंइ माहीं, अउर अपने जीबन के व्दारा गबाही देंइ माहीं, परमातिमा हमरे ऊपर बड़ी दया कइके हमार मदत किहिन हीं, अउर ऊँ सगले कामन काहीं करँइ माहीं तूँ पंचे हमरे साथ सामिल हया।

2 तीमुथियुस 1:15

तूँ जनते हया, कि आसिया प्रदेस के सगले बिसुआसी हमहीं छोंड़िके चलेगें हें, उन माहीं फूगिलुस अउर हिरमुगिनेस घलाय हें।

2 तीमुथियुस 4:10

काहेकि देमास इआ संसार के बातन काहीं पियार जानिके हमहीं छोंड़ि दिहिस ही, अउर थिस्सलुनीके सहर काहीं चला ग हय। क्रेसकेंस गलातिया प्रदेस काहीं अउर तीतुस दलमतिया प्रदेस काहीं चला ग हय।

2 तीमुथियुस 4:15

तुहूँ ओसे सचेत रह्या, काहेकि उआ हमरे उपदेस के घोर बिरोध करत रहा हय।

1 पतरस 3:15

बलकिन मसीह काहीं आपन प्रभू मानिके, अपने-अपने मन काहीं पबित्र रख्या, अउर जे कोऊ तोंहरे आसा के बारे माहीं पूँछँय, त तूँ पंचे नम्रता अउर परमातिमा के भय के साथ, जबाब देंइ के खातिर हमेसा तइआर रह्या।