2 तीमुथियुस 4:10 - Bagheli Bible

¹⁰ काहेकि देमास इआ संसार के बातन काहीं पियार जानिके हमहीं छोंड़ि दिहिस ही, अउर थिस्सलुनीके सहर काहीं चला ग हय। क्रेसकेंस गलातिया प्रदेस काहीं अउर तीतुस दलमतिया प्रदेस काहीं चला ग हय।

2 तीमुथियुस 4:10 ပူးပေါင်းရင်းမြစ်များ

मत्ती 12:32

अउर जे कोऊ मनई के लड़िका के बिरोध माहीं कउनव बात कही, ओखर इआ अपराध माफ कइ दीन जई, पय जे कोऊ पबित्र आत्मा के बिरोध माहीं कुछू कही, त ओखर इआ अपराध न त इआ संसार माही माफ कीन जई, अउर न त स्वरग माहीं माफ कीन जई।”

मत्ती 26:56

पय इआ सब एसे भ हय, कि जउने परमातिमा के सँदेस बतामँइ बालेन के बचन पूर होंय।” तब चेला लोग यीसु काहीं छोंड़िके भागिगें।

लूका 14:33

इहइमेर से तोंहरे पंचन म से, जे कोऊ आपन सब कुछ छोंड़ न देई, उआ हमार चेला नहीं होइ सकय।”

लूका 16:13

यीसु पुनि कहिन, “कउनव सेबक दुइठे मालिकन के सेबा नहीं कइ सकय: काहेकि उआ एकठे से दुसमनी अउर दुसरे से प्रेम रखी; इआ कि एकठे से मिला रही, अउर दुसरे काहीं तुच्छ जानी। एसे तूँ पंचे परमातिमा अउर धन, दोनव के सेबा नहीं कइ सकते आह्या।”

लूका 17:32

लूत के मेहेरिआ काहीं सुध रक्खा! जइसन उआ परमातिमा के हुकुम नहीं मानिस अउर नोन के खम्भा बनिगे।

खास चेलन 13:13

तब पवलुस अउर उनखर साथी पाफुस सहर से जिहाज काहीं छोरिके, पंफूलिया प्रदेस के पिरगा सहर माहीं आएँ; अउर यूहन्ना उनहीं उहाँ छोंड़िके यरूसलेम सहर माहीं लउटिगें।

खास चेलन 15:38

(पय पवलुस मरकुस काहीं जउन पंफूलिया प्रदेस माहीं उनसे अलग होइगें तय, अउर काम माहीं उनखे साथ नहीं गें तय, अपने साथ लइ जाब उचित नहीं समझिन।)

खास चेलन 16:6

अउर ऊँ पंचे फ्रूगिया अउर गलातिया प्रदेसन से होइके निकरें, अउर पबित्र आत्मा उनहीं आसिया प्रदेस माहीं बचन सुनामँइ से बरजिन।

खास चेलन 17:1

ओखे बाद पवलुस अउर सीलास, अम्फिपुलिस सहर अउर अपुल्लोनिया सहर होइके थिस्सलुनीके सहर माहीं आएँ, जहाँ यहूदी लोगन के सभाघर रहा हय।

खास चेलन 17:11

पय उहाँ के सगले मनई थिस्सलुनीके सहर के मनइन से निकहे रहे हँय, अउर ऊँ पंचे पूरे मन से पवलुस के बताए बचन काहीं सुनिके अपनाइन, अउर हरेक दिन पबित्र सास्त्र माहीं ढूँढ़त रहे हँय, कि ईं बातँय इहइमेर लिखी हईं कि नहीं।

खास चेलन 17:13

पय जब थिस्सलुनीके सहर के यहूदी लोग जानिगें, कि पवलुस बिरिया सहर माहीं घलाय परमातिमा के बचन सुनाबत हें, त उहाँ घलाय आइके मनइन काहीं उकसाइके हुल्लड़ मचामँइ लागें।

खास चेलन 18:23

अउर उहाँ कुछ दिना रहे के बाद पवलुस उहाँ से चलेगें, अउर एक तरफ से गलातिया अउर फ्रूगिया प्रदेसन माहीं, सगले चेलन काहीं बिसुआस माहीं मजबूत करत आँगे बढ़िगें।

2 कुरिन्थियन 2:13

तऊ हमार मन ब्याकुल रहा हय, काहेकि हम उहाँ अपने मसीही भाई तीतुस काहीं नहीं पाएन तय; एसे हम उनसे बिदा लइके मकिदुनिया प्रदेस काहीं चल दिहेन।

2 कुरिन्थियन 7:6

पय दीन-दुखिअन काहीं ढाढ़स देंइ बाले परमातिमा, तीतुस काहीं हमरे पंचन के लघे पहुँचाइके, हमरव पंचन के ढाढ़स बढ़ाइन हीं।

2 कुरिन्थियन 8:16

हम परमातिमा काहीं धन्यबाद देइत हएन, कि तोंहार पंचन के मदत करँइ के खातिर, ऊँ तीतुस के मन माहीं उहयमेर के उत्साह भर दिहिन हीं, जइसन हमरे मन माहीं हय।

2 कुरिन्थियन 8:23

अउर अगर कोऊ तीतुस के बारे माहीं पूँछय, त ऊँ हमार साथी आहीं। अउर तोंहरे पंचन के खातिर, ऊँ हमरे पंचन के साथ माहीं सेबा के काम करँइ बाले आहीं, अउर अगर ऊँ भाइन के बारे माहीं कोऊ पूँछय, त ऊँ मसीही मन्डली के तरफ से पठए, अउर मसीह काहीं आदर देंइ बाले आहीं।

2 कुरिन्थियन 8:6

एसे हम पंचे तीतुस काहीं सलाह दिहेन, कि जइसन तूँ पहिले दान एकट्ठा करँइ के सुरुआत किहा तय, उहयमेर तोंहरे बीच माहीं जाइके दान एकट्ठा करँइ के काम काहीं पूर करँय।

गलातियन 1:2

अउर हमरे अउर सगले भाइन के तरफ से जउन हमरे साथ माहीं हें, इआ चिट्ठी गलातिया प्रदेस के मसीही मन्डली काहीं मिलय।

फिलिप्पियन 2:21

काहेकि सगले मनई अपने-अपने सोरथ के कामन काहीं ढूँढ़ँइ माहीं लगे रहत हें, अउर यीसु मसीह के कामन काहीं नहीं करँय।

1 तीमुथियुस 6:10

काहेकि रुपिआ-पइसा के लालच सगली बुराई के जर आय, एही पामँइ के कोसिस करत-करत पता नहीं, केतने मनई यीसु मसीह के ऊपर बिसुआस करब छोंड़िके, खुद काहीं अनेकव प्रकार के दुखन से बरबाध कइ लिहिन हीं।

1 तीमुथियुस 6:17

इआ संसार माहीं जउन अपने काहीं धनी मानत हें, उनहीं इआ हुकुम द्या, कि ऊँ घमन्डी न होंय, अउर उआ धन से जउन हरबी चला जात हय; ओमाहीं बिसुआस न रक्खँय, बलकिन परमातिमा के ऊपर भरोसा रक्खँय, जउन हमरे पंचन के जीबन के सुख के खातिर, सब कुछ भरपूर देत हें।

2 तीमुथियुस 1:15

तूँ जनते हया, कि आसिया प्रदेस के सगले बिसुआसी हमहीं छोंड़िके चलेगें हें, उन माहीं फूगिलुस अउर हिरमुगिनेस घलाय हें।

2 तीमुथियुस 4:16

सुरू माहीं जब हम आपन बचाव करँइ के खातिर, सबूत देंइ लागेन, तब हमरे पच्छ माहीं बोलँइ के खातिर कोऊ आँगे नहीं आबा, बलकिन ऊँ पंचे हमहीं अकेले छोंड़ि दिहिन तय। हम प्राथना करित हएन, कि परमातिमा उनखे इआ गलती काहीं माफ करँय।

तीतुस 1:4

इआ चिट्ठी तीतुस तोंहईं मिलय, काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीतुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमहीं पंचन काहीं मुक्ती देंइ बाले मसीह यीसु के तरफ से, तोहईं किरपा अउर सान्ति मिलत रहय।

फिलेमोन 1:24

अउर मरकुस अउर अरिस्तरखुस अउर देमास, अउर लूका जउन हमरे साथ माहीं काम करँइ बाले आहीं, इनहूँ के तरफ से घलाय तोंहईं नबस्कार पहुँचय।

2 पतरस 2:15

ऊँ पंचे सीध गइल काहीं छोंड़िके भटकिगें हँय, अउर बओर के लड़िका बिलाम के बताए गइल माहीं चलँइ लागें हँय; जउन खुब समय पहिले अधरम के मजूरी काहीं पियार जानिस रहा हय।