2 तीमुथियुस 3:4 - Bagheli Bible

⁴ बिसुआस घात करँइ बाले, ढिंठाई के काम करँइ बाले, खुद पर घमन्ड करँइ बाले, अउर परमातिमा के बचन काहीं न मानिके, बलकिन खुद के खुसहाल जिन्दगी काहीं चाहँय बाले होइहँय।

2 तीमुथियुस 3:4 ပူးပေါင်းရင်းမြစ်များ

खास चेलन 19:36

काहेकि ईं बातन से इनकार नहीं कीन जाय सकय, त उचित हय, कि तूँ पंचे चुप्पय रहा; अउर बिना सोचे-बिचारे कुछू न करा।

खास चेलन 7:52

जेतने परमातिमा के सँदेस बतामँइ बाले रहे हँय, सगलेन काहीं तोंहार पंचन के बाप-दादा सताइन हीं, अउर ऊँ पंचे त उनहूँ काहीं घलाय मार डारिन रहा हय, जउन पहिलेन से ऊँ धरमी के आमँइ के बारे माहीं घोसना किहिन रहा हय, जिनहीं अब तूँ पंचे धोखा दइके पकड़बाया, अउर मरबाय डारे हया।

रोमियन 11:20

इआ बात सही आय, कि ऊँ पंचे मसीह के ऊपर बिसुआस नहीं किहिन, एसे उआ बिरबा से टोरिके फेंक दीनगें, पय तूँ पंचे मसीह के ऊपर बिसुआस किहे के कारन उआ बिरबा माहीं जुड़े हया एसे घमन्ड न किहा, बलकिन परमातिमा के भय मानत रहा।

रोमियन 16:18

काहेकि इआमेर के मनई हमरे पंचन के प्रभू यीसु मसीह के सेबा नहीं करँय, बलकिन अपने कमाई के खातिर सेबा करत हें; अउर मीठ-मीठ बातँय कइके भोले-भाले मनइन काहीं बिसुआस से भटकाय देत हें।

1 तीमुथियुस 3:6

फेर इहव बात ही, कि नबा-नबा बिसुआसी अँगुआ न बनय, कहँव अइसा न होय, कि उआ पद के घमन्ड कइके सइतान कि नाईं सजा पाबय।

1 तीमुथियुस 5:6

पय जउन बिधबा भोग-बिलास के खातिर जिअत ही, उआ सारीरिक रूप से त जिअत ही, पय आत्मिक रूप से मरी हय।

1 तीमुथियुस 6:17

इआ संसार माहीं जउन अपने काहीं धनी मानत हें, उनहीं इआ हुकुम द्या, कि ऊँ घमन्डी न होंय, अउर उआ धन से जउन हरबी चला जात हय; ओमाहीं बिसुआस न रक्खँय, बलकिन परमातिमा के ऊपर भरोसा रक्खँय, जउन हमरे पंचन के जीबन के सुख के खातिर, सब कुछ भरपूर देत हें।

यहूदा 1:19

ईं पंचे मनइन के बीच माहीं फूट डरबामँइ बाले आहीं; काहेकि ईं पंचे पबित्र आत्मा के मुताबिक नहीं, बलकिन देंह के बुरी इच्छन के मुताबिक जीबन जिअत हें।

यहूदा 1:4

हम इआ बात तोंहईं पंचन काहीं एसे बताइत हएन, काहेकि तोंहरे बीच माहीं, चुप्पय से कुछ अइसन मनई घुसि आए हँय, जिनखे सजा के बारे माहीं, पहिलेन से पबित्र सास्त्र माहीं लिखा हय, कि “ईं पंचे परमातिमा के बचन काहीं मानँइ बाले न होंहीं, अउर हमरे पंचन के परमातिमा के दया काहीं, भोग-बिलास करँइ के बहाना बनाय डारिन हीं, अउर हमरे पंचन के एकलउते मालिक, अउर प्रभू यीसु मसीह काहीं अपनामँइ से इनकार करत हें।”