2 तीमुथियुस 3:3 - Bagheli Bible

³ कोहू के ऊपर दया न करँइ बाले, कोहू के गलती माफ न करँइ बाले, दुसरेन के ऊपर दोस लगामँइ बाले, खुद काहीं काबू माहीं न रक्खँइ बाले, दुसरेन काहीं नुकसान पहुँचामँइ बाले, जे परमातिमा के ऊपर बिसुआस करत हें उनखर बइरी,

2 तीमुथियुस 3:3 ပူးပေါင်းရင်းမြစ်များ

मत्ती 10:21

“अउर भाई, भाई काहीं अउर बाप लड़िका काहीं, मार डारँइ के खातिर सभन म सउँपिहँय, अउर लड़िका-बिटिया महतारी-बाप के बिरोधी होइके मरबाय डरिहँय। अउर हमरे बात काहीं मानँइ के कारन सगले मनई तोंहसे दुसमनी रखिहँय; पय जे कोऊ अन्त तक धीरज धरे रही, उहय मुक्ती पाई।”

मत्ती 4:1

यीसु के बपतिस्मा के बाद पबित्र आत्मा उनहीं सुनसान जघा माहीं लइगा, जउने सइतान से उनखर परिच्छा होय।

लूका 10:16

अउर यीसु पुनि चेलन से कहिन, “जउन मनई तोंहरे बात काहीं सुनिहँय, ऊँ हमरे बात के सुनँय के बराबर होइहँय; अउर जउन मनई तोंहईं तुच्छ मनि हँय; ऊँ पंचे हमहूँ काहीं तुच्छ मनि हँय; अउर जे हमहीं तुच्छ मानत हय, उआ हमहीं पठमँइ बाले परमातिमा काहीं तुच्छ मानत हय।”

लूका 16:14

फरीसी लोग जउन लोभी रहे हँय, ईं सगली बातन काहीं सुनिके यीसु के हँसी उड़ामँइ लागें।

यूहन्ना 6:70

यीसु उनहीं जबाब दिहिन, का “तोंहईं बरहँव जनेन काहीं हमहिन नहीं चुने आहेन? तऊ तोंहरेन म से एक जने सइतान हय।”

रोमियन 1:29

एसे ऊँ पंचे हरेकमेर के अधरम करँइ बाले, अउर दुस्टता करँइ बाले, अउर लालच करँइ बाले बनिगें, अउर इरसा से भरिगें; अउर डाह करँइ बाले, अउर कतल करँइ बाले, अउर झगड़ा करँइ बाले, अउर छल-कपट करँइ बाले बनिगें अउर इरसा से भरिगें, अउर चुगली करँइ बाले,

रोमियन 1:31

बुद्धिहीन, अउर बिसुआस घात करँइ बाले, प्रेम न करँइ बाले अउर निरदयी होइगे हँय।

1 कुरिन्थियन 7:5

अउर तूँ पंचे एक दुसरे से अलग न रहा; पय एक दुसरे के सलाह-मसबिरा से कुछ समय के खातिर अलग रहि सकते हया, कि जउने प्राथना करँइ के खातिर तोंहईं पंचन काहीं जादा मोका मिलय, अउर पुनि एकय साथ माहीं रहा; एसे कि कहँव अलग रहँइ के समय माहीं सइतान तोहईं पंचन काहीं पाप माहीं न गिराय देय।

1 कुरिन्थियन 7:9

पय अगर ऊँ पंचे अपने देंह के इच्छन काहीं अपने काबू माहीं नहीं कइ सकँय, त ऊँ पंचे काज कइ लेंय, काहेकि सारीरिक सम्बन्ध बनामँइ के बड़ी इच्छा रखिके जिए से, उनहीं पंचन काहीं काज कइ लेब नीक हय।

1 थिस्सलुनीकियन 4:8

इआ कारन से जे कोऊ ईं बातन काहीं तुच्छ जानत हय, उआ सिच्छा देंइ बाले मनई काहीं नहीं, बलकिन परमातिमा काहीं तुच्छ जानत हय, जउन आपन पबित्र आत्मा तोंहईं देत हें।

1 तीमुथियुस 3:11

इहइमेर से मसीही मन्डली माहीं सेबा करँइ बाली मेहेरिअन काहीं घलाय होंइ चाही, जिनखर सगले मनई सम्मान करँय, ऊँ दुसरेन के ऊपर दोस लगामँइ बाली न होंय, बलकिन सचेत अउर सगली बातन माहीं बिसुआस के काबिल होंय।

तीतुस 1:8

पय ऊँ महिमानन के सेबा सत्कार करँइ बाले, अउर भलाई के चाहँय बाले, संयमी अउर न्यायी पबित्र अउर अपने ऊपर काबू रक्खँइ बाले होंय;

तीतुस 2:3

इहइमेर बुढ़ान मेहेरिअन काहीं सिखाबा, कि उनखर चाल-चलन पबित्र चाल चलँइ बाले मनइन कि नाईं होय; ऊँ दुसरेन के ऊपर दोस लगामँइ बाली न होंय, अउर दारू पिअँइ बाली न बनँय, बलकिन निकही बात सिखामँइ बाली बनँय।

याकूब 2:6

पय तूँ पंचे उआ कंगाल के अपमान किहा हय; काहे धनी मनई तोंहरे ऊपर अत्याचार नहीं करँय, अउर काहे उँइन तोंहईं कचेहरिन माहीं जबरई खसेल-खसेल नहीं लइ जाँय?

2 पतरस 2:14

काहेकि उनखे आँखिन माहीं ब्यभिचार बसा हय, अउर ऊँ पंचे पाप किहे बिना रुकिन नहीं सकँय; ऊँ पंचे चंचल मन बालेन काहीं, लहाय-फुसलाय लेत हें; उनखे मनन काहीं लोभ करँइ के आदत होइगे ही, अउर ऊँ पंचे परमातिमा के तरफ से स्रापित हें।

2 पतरस 2:19

ऊँ पंचे उनहीं अजाद करँइ के वादा त करत हें, पय खुदय मन के बुरी इच्छन के गुलामी माहीं फँसे हँय, काहेकि जउन मनई जेखे अधीन होइ जात हय, त उआ ओहिन के दास बन जात हय।

2 पतरस 3:3

अउर तूँ पंचे इहव जानिल्या, कि अन्त के दिनन माहीं, हँसी मजाक करँइ बाले अइहँय, जउन अपनेन मन के बुरी इच्छन के मुताबिक चलिहँय।

यहूदा 1:16

काहेकि ईं पंचे कुड़कुड़ाँय बाले आहीं, अउर दुसरेन के दोस ढूँढ़ँइ माहीं लगे रहत हें। अउर ईं पंचे अपने मन मरजी के मुताबिक चलत हें; अउर अपने मुँहे से घमन्ड के बातँय बोलत हें; अउर अपने फायदा के खातिर दुसरे मनइन के मुँह देखी बड़ाई करत हें।”

यहूदा 1:18

ऊँ पंचे, तोंहसे कहा करत रहे हँय, कि “अन्त के दिनन माहीं अइसन मनई अइहँय, जउन परमातिमा के बचन के हँसी उड़इहँय, अउर अपने बुरी इच्छन के मुताबिक चलिहँय।

दरसनन के बातँय 13:15

अउर उआ दूसर खतरनाक जानबर काहीं, उआ खतरनाक जानबर के मूरत माहीं प्रान डारँइ के अधिकार दीन ग, कि खतरनाक जानबर के मूरत बोलँइ लागय; अउर जेतने मनई उआ खतरनाक जानबर के मूरत के अराधना न करिहँय, उनहीं मरबाय डारय।

दरसनन के बातँय 13:17

जेखे ऊपर छाप अरथात उआ खतरनाक जानबर के नाम, इआ कि ओखे नाम के संख्या न होई, उआ लेन-देन नहीं कइ सकय।

दरसनन के बातँय 16:6

काहेकि ऊँ पंचे पबित्र लोगन के, अउर अपना के सँदेस बतामँइ बालेन के खून बहाइन रहा हय, अउर अपना उनहीं खून पिआएन हय, काहेकि ऊँ पंचे एहिन के काबिल हें।”

दरसनन के बातँय 17:6

अउर हम उआ मेहेरिआ काहीं, पबित्र लोगन के खून, अउर यीसु के गबाहन के खून पिए से मतबार देखेन; अउर ओही देखिके हम चउआय गएन।