2 तीमुथियुस 3:2 - Bagheli Bible

² काहेकि मनई स्वार्थी, जादा धन कमाय के लालची, खुद के कामन के बड़ाई करँइ बाले, खुद काहीं दुसरे से बड़ा मानँइ बाले, दुसरे के बुराई करँइ बाले, महतारी-बाप के कहा-बतान न मानँइ बाले, जउन उनखर मदत करी, ओखर उपकार न मानँइ बाले, बुरे काम कइके परमातिमा के ऊपर बिसुआस न करँइ बाले,

2 तीमुथियुस 3:2 ပူးပေါင်းရင်းမြစ်များ

मत्ती 15:6

त पुनि उआ अपने महतारी-बाप काहीं कुछू नहीं दइ सकय। इआमेर से तूँ पंचे, अपने रीति-रिबाजन काहीं मानँइ के कारन, परमातिमा के बचन काहीं इनकार कइ देते हया।

लूका 12:15

अउर यीसु अपने चेलन से कहिन, “तूँ पंचे सतरक रहा, अउर हरेक मेर के लोभ से अपने काहीं बचाइके रखा; काहेकि कोहू के जीबन ओखे खुब धन-सम्पत्ती के कारन नहीं बचय।”

लूका 16:14

फरीसी लोग जउन लोभी रहे हँय, ईं सगली बातन काहीं सुनिके यीसु के हँसी उड़ामँइ लागें।

लूका 6:35

पय तूँ पंचे अपने दुसमनन से प्रेम करा; अउर भलाई करा, अउर दुबारा न पामँइ के आसा रखिके, उधार द्या, तब तोंहईं स्वरग माहीं बड़ा प्रतिफल मिली, अउर तूँ परमप्रधान परमातिमा के सन्तान ठहरिहा, काहेकि परमातिमा उनहूँ के ऊपर जउन धन्यबाद नहीं करँइ, अउर बुरे मनइन के उपरव किरपा करत हें।

खास चेलन 5:36

काहेकि ईं दिनन से पहिले थियूदास इआ दाबा किहिस, कि हमहूँ कुछू आहेन; अउर करीब चार सव मनई ओखे पीछे होइ लिहिन, पय उआ मारा ग; अउर जेतने मनई ओही मानत रहे हँय, सगले तितिर-बितिर होइगें, अउर मर मिटिगें।

रोमियन 11:18

त तोंहईं पंचन काहीं, उन डेरइअन के आँगे जउन टोरिके फेंकि दीन गई हँय, घमन्ड न करँइ चाही, अउर अगर तूँ पंचे घमन्ड करते हया, त इआ सुधि रक्खा, कि तूँ जर के पालन-पोसन नहीं कइ रहे आह्या, बलकिन उआ जरय तोंहार पंचन के पालन-पोसन करत ही।

2 कुरिन्थियन 5:15

अउर यीसु मसीह इहय कारन से सगले मनइन के खातिर मरे हँय, कि जउने जेतने मनई जिअत हें, ऊँ पंचे अब से अपने खातिर न जिअँइ, बलकिन यीसु मसीह के खातिर जिअँइ, जउन मरिके पुनि जिन्दा होइगे हँय।

फिलिप्पियन 2:21

काहेकि सगले मनई अपने-अपने सोरथ के कामन काहीं ढूँढ़ँइ माहीं लगे रहत हें, अउर यीसु मसीह के कामन काहीं नहीं करँय।

कुलुस्सियन 3:5

एसे तोंहरे पंचन माहीं जउन संसारिक बातँय हईं, उनहीं छोंड़ि द्या, अरथात ब्यभिचार, असुद्धता, कामवासना, बुरी इच्छा, अउर लोभ जउन मूरत पूजँय के बराबर हय।

2 थिस्सलुनीकियन 2:4

उआ अपने काहीं हरेक चीजन से बढ़िके मानी, अउर उनखर बिरोध करी, अउर अइसन चीजन के जउन परमातिमा के आहीं, इआ कि जउन पूजँय के काबिल हईं। इहाँ तक कि उआ परमातिमा के मन्दिर माहीं बइठिके, इआ दाबा करी, कि हम परमातिमा आहेन।

1 तीमुथियुस 1:20

उनहिन म से हुमिनयुस अउर सिकन्दर आहीं, जउनेन काहीं हम बिसुआसिअन से अलग कइ दिहेन हँय, कि ऊँ बुराई करब न सिखँय।

1 तीमुथियुस 1:9

इआ जानिके कि परमातिमा के दीन मूसा के बिधान के नेम सही काम करँइ बालेन काहीं सुधारँय के खातिर नहीं, बलकिन अधरमिन, बिद्रोहिन, अउर जउन परमातिमा के अराधना नहीं करँय, पापिन, अउर जउन पबित्र जीबन नहीं जिअँइ, असुद्ध मनइन, अउर महतारी-बाप के कतल करँइ बाले, कतलिन,

1 तीमुथियुस 3:3

उआ पिआगी अउर मार पीट करँइ बाला न होय; अउर उआ सरल सुभाव के होय, लड़ाई-झगड़ा करँइ बाला न होय, अउर न धन-सम्पत्ती के लालचिन होय।

1 तीमुथियुस 6:10

काहेकि रुपिआ-पइसा के लालच सगली बुराई के जर आय, एही पामँइ के कोसिस करत-करत पता नहीं, केतने मनई यीसु मसीह के ऊपर बिसुआस करब छोंड़िके, खुद काहीं अनेकव प्रकार के दुखन से बरबाध कइ लिहिन हीं।

1 तीमुथियुस 6:4

त उआ घमन्डी होइगा हय, अउर प्रभू के बचन अउर उपदेस के बारे माहीं कुछू नहीं जानय, बलकिन ओही बाद-बिबाद करँय, अउर बचन के कुछ सब्दन काहीं लइके, बहँस करँइ के बुरी आदत ही, जउने से जलन, अउर लड़ाई-झगड़ा, अउर बुराई के बातँय, अउर दुसरेन के ऊपर बुरी-बुरी संका करब पइदा होत हय।

2 तीमुथियुस 3:4

बिसुआस घात करँइ बाले, ढिंठाई के काम करँइ बाले, खुद पर घमन्ड करँइ बाले, अउर परमातिमा के बचन काहीं न मानिके, बलकिन खुद के खुसहाल जिन्दगी काहीं चाहँय बाले होइहँय।

याकूब 2:8

तऊ अगर तूँ पंचे पबित्र सास्त्र के इआ बचन के मुताबिक, कि “तूँ अपने परोसी से उहयमेर प्रेम करा, जउनमेर तूँ अपने-आप से करते हया” त सही-सही उआ राज के बिधान काहीं पूर करते हया, त निकहय करते हया।

याकूब 4:16

पय अपना पंचे अपने कउनव मेर के बातन के ऊपर घमन्ड न करी; इआमेर के सगला घमन्ड बुरा होत हय।

याकूब 4:6

उँइ त अउरव किरपा करत हें; इआ कारन से पबित्र सास्त्र माहीं इआ लिखा हय, कि परमातिमा घमन्ड करँइ बालेन के बिरोध करत हें, पय जे कउनव बात के घमन्ड नहीं करँय, उनखे ऊपर किरपा करत हें।

1 पतरस 5:5

इहइमेर से हे नवजमानव, तुहूँ पंचे घलाय अपने मसीही मन्डली के अँगुअन के अधीन रहा, अउर तूँ पंचे सगले जन नम्रता के साथ एक दुसरे के सेबा के खातिर, हमेसा तइआर रहा, काहेकि “परमातिमा घमन्ड करँइ बालेन के बिरोध करत हें, पय जे कउनव बात के घमन्ड नहीं करँय, उनखे ऊपर किरपा करत हें।”

2 पतरस 2:10

खास करके उनहीं जउन असुद्ध अभिलासन के पीछे, अउर अपने मन के बुरी इच्छन के मुताबिक चलत हें, अउर प्रभू के अधिकार काहीं तुच्छ जानत हें, ऊँ पंचे एतने घमन्डी हँय, कि महिमामय स्वरगदूतन के अपमान करँइ से घलाय नहीं डेराँय।

2 पतरस 2:12

पय ऊँ पंचे निरबुद्धी पसुअन कि नाईं हें, जउन पकड़े जाँइ अउर नास होंइ के खातिर पइदा भें हँय; अउर जउने बातन काहीं जनतय नहिं आहीं, उनहिन के बारे माहीं दुसरे मनइन काहीं भला-बुरा कहत हें, ऊँ पंचे अपने बुरे कामन के कारन खुदय नास होइ जइहँय।

2 पतरस 2:18

अउर ऊँ पंचे बेकार के घमन्ड बाली बातँय कइके, अउर अपने लुचपन के कामन के द्वारा, उनहीं अपने मन के बुरी इच्छन माहीं फसाय लेत हें, जउन भटकेन म से अबहिनय बिसुआस माहीं लउटि रहे हँय।

2 पतरस 2:3

अउर ऊँ पंचे लालच के कारन, अपने बनावटी बातन से तोंहसे पंचन से धन कमँइ हँय, उनखे इआ काम के सजा परमातिमा के द्वारा पहिलेन से निस्चित कीन जाय चुकी हय। अउर उनखर बिनास तइआर हय, अउर उनखर इन्तजार कइ रहा हय।

यहूदा 1:16

काहेकि ईं पंचे कुड़कुड़ाँय बाले आहीं, अउर दुसरेन के दोस ढूँढ़ँइ माहीं लगे रहत हें। अउर ईं पंचे अपने मन मरजी के मुताबिक चलत हें; अउर अपने मुँहे से घमन्ड के बातँय बोलत हें; अउर अपने फायदा के खातिर दुसरे मनइन के मुँह देखी बड़ाई करत हें।”

दरसनन के बातँय 13:1

तब हम एकठे खतरनाक जानबर काहीं समुंद्र से निकरत देखेन, ओखे दसठे सींग अउर सातठे मूँड़ रहे हँय; ओखे सींगन माहीं दसठे राजमुकुट अउर ओखे मूँड़ेन के ऊपर परमातिमा के निन्दा के नाम लिखे रहे हँय।

दरसनन के बातँय 16:11

अउर अपने पीरन अउर फोड़न के कारन स्वरग माहीं रहँइ बाले परमातिमा के बुराई किहिन; पय अपने-अपने बुरे कामन से आपन मन नहीं फिराइन।

दरसनन के बातँय 16:21

अउर अकास से मनइन के ऊपर, चालिस-चालिस किलो के बड़े-बड़े ओला गिरें, अउर एसे कि इआ बिपत्ती खुब भारी रही हय, अउर सगले मनई ओलन के बिपत्ती के कारन परमातिमा के बुराई किहिन।

दरसनन के बातँय 16:9

अउर मनई बड़ी लपट से जरिगें, अउर बिपत्तिन के ऊपर अधिकार रक्खँइ बाले परमातिमा के नाम के बुराई किहिन, पय उनखर बड़ाई करँइ के खातिर आपन मन नहीं फिराइन।