2 तीमुथियुस 3:15 - Bagheli Bible

¹⁵ अउर लड़िकइन से पबित्र सास्त्र तोंहार जाना हय, जउन तोहईं मसीह यीसु के ऊपर बिसुआस किहे से, मुक्ती पामँइ के खातिर बुद्धिमान बनाय सकत हय।

2 तीमुथियुस 3:15 ပူးပေါင်းရင်းမြစ်များ

मत्ती 22:29

तब यीसु उनहीं जबाब दिहिन, कि “तूँ पंचे पबित्र सास्त्र, अउर परमातिमा के सक्ती काहीं नहीं जनते आह्या; इहय कारन से धोखे माहीं परे हया।

लूका 1:15

काहेकि उआ प्रभू के नजर माहीं महान होई; अउर अंगूर के रस, अउर मदिरा कबहूँ न पी; अउर अपने महतारी के गरभय माहीं पबित्र आत्मा से भर जई;

लूका 2:40

अउर लड़िका यीसु बाढ़त अउर बलमान होत गें, अउर बुद्धी से भरपूर होत गें; अउर परमातिमा के किरपा उनखे ऊपर रही हय।

लूका 24:27

तब यीसु मूसा से अउर सगले परमातिमा के सँदेस बतामँइ बालेन से सुरू कइके पूरे पबित्र सास्त्र म से अपने बारे माहीं लिखी बातन के मतलब, उनहीं समझाय दिहिन।

लूका 24:32

तब ऊँ पंचे आपस माहीं कहिन, “जब ऊँ गइल माहीं हमसे बात करत रहे हँय, अउर पबित्र सास्त्र के मतलब समझाबत रहे हँय, तब का हमरे हिरदँय माहीं उत्तेजना नहीं पइदा भय तय?”

लूका 24:45

तब यीसु पबित्र सास्त्र के बातन काहीं समझँइ के खातिर उनहीं समझ दिहिन,

यूहन्ना 5:47

पय अगर तूँ पंचे पबित्र सास्त्र माहीं लिखी उनखे बातन के बिसुआस नहीं करते आह्या, त हमरे कही बातन के कइसा बिसुआस करिहा?”

खास चेलन 10:43

सगले परमातिमा के सँदेस बतामँइ बाले उनखे बारे माहीं गबाही दिहिन हीं, कि जे कोऊ उनखे ऊपर बिसुआस करी, ओही उनखे नाम के द्वारा पापन के माफी मिली।”

खास चेलन 13:29

अउर जब ऊँ पंचे उनखे बारे माहीं पबित्र सास्त्र माहीं लिखी सगली बातन काहीं पूर किहिन, तब उनहीं क्रूस से नीचे उतारिके कब्र माहीं धरिन।

खास चेलन 16:1

ओखे बाद पवलुस दिरबे अउर लुस्त्रा सहरन माहीं घलाय गें, अउर उहाँ तीमुथियुस नाम के एकठे चेला रहे हँय, जिनखर महतारी यहूदी जाति के बिसुआसी रही हँय, पय उनखर बाप यूनानी जाति के रहे हँय।

खास चेलन 17:2

तब पवलुस अपने रीति के मुताबिक उनखे लघे गें, अउर तीन पबित्र दिनन काहीं, पबित्र सास्त्र से उनखे साथ बातचीत किहिन।

खास चेलन 26:24

जब ऊँ इआमेर से जबाब देत रहे हँय, तब हाकिम फेस्तुस खुब चन्डे कहिन; “हे पवलुस, तूँ पागल होइ गया हय, खुब बिद्या तोंहईं पागल कइ दिहिस ही।”

रोमियन 1:2

अउर इआ खुसी के खबर के बारे माहीं परमातिमा पहिलेन से अपने सँदेस बतामँइ बालेन के द्वारा पबित्र सास्त्र माहीं,

रोमियन 16:26

पय अब ओही हमेसा रहँइ बाले परमातिमा के हुकुम से उनखे सँदेस बतामँइ बालेन के लिखी किताबन के द्वारा, सगले जातिअन के मनइन काहीं बताबा ग हय, कि जउने उनखे ऊपर बिसुआस कइके, ऊँ पंचे उनखर हुकुम मानँइ बाले होइ जाँय।

रोमियन 2:27

अउर जउने मनई के देंह के खतना नहीं भ आय, अउर उआ बिधान के बातन काहीं निकहा से मानत हय, त उआ मनई तोंहईं जउन बिधान काहीं लए हया, अउर खतनव कराए हया, पय बिधान के बातन के उलंघन करते हया, त दोसी ठहराई।

1 कुरिन्थियन 1:21

अउर परमातिमा के ग्यान के मुताबिक जइसन ऊँ चाहत रहे हँय, जब मनई अपने ग्यान से उनहीं नहीं पहिचानिन, त परमातिमा काहीं इआ निकहा लाग, कि मसीह के क्रूस माहीं बलिदान होंइ के खुसी के खबर के प्रचार के द्वारा, जउने काहीं मनई मूर्खता समझत हें, उहय खुसी के खबर के द्वारा बिसुआस करँइ बाले मनइन काहीं मुक्ती देंय।

इफीसियन 6:4

अउर हे महतारी-बापव, अपने लड़िकन काहीं रिस न देबाबा, बलकिन प्रभू के सिच्छा द्या, अउर गलती करँय त चेतउनी द्या, अउर उनखर निकहा से पालन-पोसन करत रहा।

1 तीमुथियुस 4:13

जब तक हम तोंहरे लघे न अई, तब तक मसीही मन्डली माहीं सगले जनेन के आँगे पबित्र सास्त्र के बचन पढ़ँइ, अउर उपदेस के बातन काहीं सिखामँइ माहीं लगे रहा।

2 तीमुथियुस 1:1

हम पवलुस आहेन, हे तीमुथियुस इआ चिट्ठी हम तोंहईं लिख रहेन हय, जउन तूँ हमरे पियार लड़िका कि नाईं हया, जउन अनन्त जीबन देंइ के वादा परमातिमा किहिन रहा हय, ओखे मुताबिक जेतने जने प्रभू यीसु मसीह के ऊपर बिसुआस करत हें, उनहीं बतामँइ के खातिर, परमातिमा के इच्छा से, हम यीसु मसीह के खास चेला आहेन।

2 तीमुथियुस 1:5

हमहीं यीसु मसीह के ऊपर किहे तोंहरे निस्कपट बिसुआस के सुधि आबत ही, जउन मेर पहिले तोंहार नानी लोइस अउर महतारी यूनीके करत रही हँय, अउर हमहीं इआ पूर बिसुआस हय, कि तूँ उहयमेर निस्कपट बिसुआस अबहिनव करते हया।

2 पतरस 3:16

इहइमेर ऊँ अपने सगली चिट्ठिन माहीं, ईं बातन के चरचा किहिन हीं, जउने माहीं कुछ अइसन बात हईं, जिनहीं समझ पाउब खुब कठिन हय, अउर ऊँ बातन काहीं मूरुख अउर चंचल मनई, उनखे मतलबन काहीं घलाय पबित्र सास्त्र के दुसरे बातन कि नाईं, गलत मतलब निकारिके, अपने नास होंइ के कारन बनाबत हें।

दरसनन के बातँय 19:10

तब हम उनखे गोड़न गिरँय के खातिर, उनखे गोड़े माहीं गिर परेन। तब ऊँ हमसे कहिन, “देखा, अइसा न करा, हमहूँ तोंहरेन कि नाईं, अउर तोंहरे भाइन कि नाईं, जउन यीसु के गबाही देंइ के खातिर स्थिर हें, मसीह के दास आहेन, तूँ पंचे परमातिमय के गोड़न गिरा; काहेकि जे कोऊ यीसु के बारे माहीं गबाही देत हें, उनहीं पंचन काहीं परमातिमा के सँदेस बतामँइ बालेन कि नाईं, परमातिमा से प्रेरना मिलत ही।”