2 तीमुथियुस 3:12 - Bagheli Bible

¹² पय जेतने मनई मसीह यीसु के ऊपर बिसुआस कइके, उनखे बचन के मुताबिक जीबन बितामँइ चाहत हें, ऊँ सगले सताए जइहँय।

2 तीमुथियुस 3:12 ပူးပေါင်းရင်းမြစ်များ

मत्ती 16:24

तब यीसु अपने चेलन से कहिन, “जे कोऊ हमरे पीछे आमँइ चाहय, उआ अपने मन के मुताबिक जिअब छोंड़िके, हरेक दिन अपने सब दुख तकलीफन काहीं सहिके जऊँ क्रूस के बराबर हें, हमरे पीछे चलय।

मत्ती 23:34

एसे देखा, हम तोंहरे पंचन के लघे परमातिमा के सँदेस बतामँइ बालेन, अउर ग्यानी मनइन काहीं अउर मूसा के बिधान सिखामँइ बालेन काहीं पठइत हएन; अउर तूँ पंचे उनमा से कुछ जनेन काहीं मारि डरिहा, अउर क्रूस माहीं चढ़इहा, अउर कुछ जनेन काहीं अपने सभाघर माहीं चाबुक मरिहा, अउर एक सहर से दुसरे सहर माहीं भगइहा।

मरकुस 10:30

अउर अब इआ समय माहीं सव गुना न पाइस होय, अपने घरन, अउर भाइन अउर बहिनिन, अउर महतारिन, अउर लड़िकन-बच्चन, अउर खेतन काहीं, पय परमातिमा के खातिर सताव काहीं सहिके स्वरग माहीं अनन्त जीबन पाई,

यूहन्ना 16:2

काहेकि ऊँ पंचे, तोंहईं अपने सभाघरन से बहिरे निकार देइहँय, अउर उआ समय आय रहा हय, कि जे कोऊ तोंहईं पंचन काहीं मारि डारी, उआ इआ समझी, कि हम परमातिमा के सेबा करित हएन।

यूहन्ना 16:33

ईं बातन काहीं तोंहसे हम एसे कहेन हय, कि हमरे व्दारा तोंहईं सान्ती मिलय; संसार माहीं तोंहईं दुख मिलत हय, पय ढाढ़स बाँधा, हम संसार काहीं जीत लिहेन हय।”

यूहन्ना 17:14

हम अपना के बचन काहीं उनहीं बताय दिहेन हय, अउर ऊँ पंचे अपना के बचन काहीं अपनाय लिहिन हीं, एसे संसार के मनई उनसे दुसमनी करत हें, काहेकि जइसन हम इआ संसार के न होंहेन, उहयमेर ऊँ पंचे इआ संसार के न होहीं।

खास चेलन 14:22

अउर चेलन के मन काहीं स्थिर करत रहिगें, अउर उपदेस देत रहे हँय, कि हमहीं पंचन काहीं खुब कस्ट सहिके परमातिमा के राज माहीं प्रबेस करँइ परी।

1 कुरिन्थियन 15:19

अउर अगर हम पंचे मसीह से असीस पामँइ के आसा, केबल इहय संसारिक जीबन भर माहीं रक्खित हएन, त हमार पंचन के किस्मत सगले मनइन से जादा खराब ही।

2 कुरिन्थियन 1:12

हमहीं पंचन काहीं इआ बात के घमन्ड हय, कि हम इआ बात सच्चे मन से कहि सकित हएन, कि हम पंचे इआ संसार के मनइन के साथ, अउर खास करके तोंहरे पंचन के साथ, परमातिमा के किरपा के मुताबिक बेउहार किहेन हय। हम पंचे उआ बेउहार सरलता अउर सच्चाई के साथ किहेन हँय, जउन परमातिमा से मिलत हय, अउर उआ संसार के बुद्धी से नहीं मिलय।

2 कुरिन्थियन 4:9

मनइन के द्वारा सताए त जइत हएन; पय परमातिमा के द्वारा छोंड़े नहीं जई; अउर गिराए त जइत हएन, पय नास नहीं होई।

1 तीमुथियुस 2:2

अउर प्रसासन चलामँइ बालेन, अउर ऊँच पद बाले अधिकारिन के खातिर घलाय प्राथना किहा, एसे कि जउने हम पंचे सान्ति के साथ निडर होइके, परमातिमा के भक्ती करत गम्भीरता से जीबन बिताय सकी।

1 तीमुथियुस 3:16

हम पंचे जउन भक्ती करित हएन, ओखर रहस्य खुब महान हय, एमाहीं कउनव सन्देह नहिं आय, उआ भेद इआमेर से हय, मसीह मनई के देंह लइके जनम लिहिन, अउर पबित्र आत्मा उनहीं धरमी ठहराइन, अउर ऊँ स्वरगदूतन काहीं देखाई दिहिन, अउर सगले जातिअन माहीं उनखे बारे माहीं प्रचार कीन ग, अउर संसार के सगले मनई उनखे ऊपर बिसुआस किहिन, अउर परमातिमा बड़े आदर के साथ उनहीं स्वरग माहीं जिन्दय ऊपर उठाय लिहिन।

1 तीमुथियुस 6:3

अगर कोऊ यीसु मसीह के उपदेस काहीं छोंड़िके, दूसर मेर के उपदेस देत हय; अउर सही बातन काहीं, मतलब हमरे पंचन के प्रभू यीसु मसीह के बातन काहीं, अउर उआ उपदेस काहीं, जउन मनइन काहीं परमातिमा के इच्छा के मुताबिक जीबन जिअँइ माहीं मदत करत हय, उआ नहीं मानय।

तीतुस 1:1

हम पवलुस आहेन, हे तीतुस, इआ चिट्ठी हम तोंहईं लिख रहेन हँय, जउन परमातिमा के सेबक आहेन, अउर यीसु मसीह के चुने खास चेला आहेन, परमातिमा जिनहीं चुनिन हीं, ऊँ लोगन काहीं बिसुआस के बारे माहीं, अउर जउन सत्य बचन उनहीं भक्ती के मुताबिक, जीबन जिअँइ के खातिर मदत करत हय, उआ सिखामँइ के खातिर हमहीं पठबा ग हय।

तीतुस 2:12

परमातिमा अपने दया के व्दारा चेतउनी दइके, इआ सिखाबत हें, कि हम पंचे जउन परमातिमा के भक्ती नहीं करी, ओही, अउर संसार के बुरे लोभ लालच काहीं छोंड़ि देई, अउर इआ संसार माहीं अपने ऊपर काबू रखिके, धारमिक अउर परमातिमा के भक्ती माहीं जीबन बिताई;

1 पतरस 3:14

अउर अगर तूँ पंचे भलाई के काम करँइ के कारन दुखव उठउते हया, त धन्य हया। पय मनइन के डेरबाए से न डेरया, अउर न घबरया।

2 पतरस 3:11

त इआ बताबा, जब ईं सगली चीजँय, इआमेर से पिघलँय बाली हईं, त तोंहईं पंचन काहीं पबित्र चाल-चलन के साथ, परमातिमा के भक्ती करत, पबित्र जीबन जिअँइ चाही।

दरसनन के बातँय 12:4

अउर ओखर पूँछ अकास के तरइअन के एक तिहाई हिस्सा काहीं, खींचिके धरती माहीं गिराय दिहिस। उआ अजिगर उआ मेहेरिआ के आँगे जउन लड़कहाई रही हय ठाढ़ भ, कि जब उआ लड़िका पइदा करय, त ओखे लड़िका काहीं लील लेय।

दरसनन के बातँय 7:14

हम उनसे कहेन; “हे, मालिक, अपनय जानित हएन।” तब ऊँ हमसे कहिन; “ईं ऊँ पंचे आहीं, जउन उआ महाकस्ट से निकरिके आए हँय; ईं पंचे अपने-अपने ओन्हन काहीं मेम्ना के खून से धोइके उजर किहिन हीं।