2 तीमुथियुस 3:11 - Bagheli Bible

¹¹ अउर जब हम अन्ताकिया सहर, इकुनियुम अउर लुस्त्रा सहरन माहीं रहेन हय, तब उहाँ के मनई हमहीं खुब मारिन-पीटिन रहा हय, इहाँ तक कि मारि डारँइ चाहत रहे हँय, उनखे अलाबव दुख-मुसीबत परे हँय, जिनहीं हम सहेन रहा हय, पय प्रभू हमार उन सगलेन से रच्छा किहिन हीं।

2 तीमुथियुस 3:11 ပူးပေါင်းရင်းမြစ်များ

खास चेलन 13:14

अउर ऊँ पंचे पिरगा सहर से आँगे बढ़िके, पिसिदिया प्रदेस के अन्ताकिया सहर माहीं पहुँचे; अउर पबित्र दिन काहीं यहूदी सभाघर माहीं जाइके बइठिगें।

खास चेलन 13:45

पय यहूदी लोग भीड़ काहीं देखिके डाह से भरिगें, अउर पवलुस के बुराई कइके उनखे बातन के बिरोध माहीं बोलँइ लागें।

खास चेलन 14:8

लुस्त्रा सहर माहीं एकठे मनई बइठ रहा हय, जउन अपने गोड़ेन से अपंग रहा हय, उआ जन्मय से लाँगड़ रहा हय, अउर कबहूँ गोड़ेन से नहीं चला रहा आय।

खास चेलन 20:19

मतलब बड़ी दीनता से, अउर आँसू बहाय-बहाइके, अउर उन परिच्छन माहीं जउन यहूदी लोगन के खड़यन्त्र के कारन हमरे ऊपर आय परी रही हँय; हम प्रभू के सेबा करत रहि गएन।

खास चेलन 23:10

जब खुब झगड़ा होइगा, तब सिपाहिन के मुखिया इआ डेर से, कि ऊँ पंचे पवलुस के टुकड़ा-टुकड़ा न कइ डारँय, सिपाहिन काहीं हुकुम दिहिन, कि “नीचे उतरिके पवलुस काहीं उनखे बीच म से जबरई निकारा, अउर छावनी माहीं लइ जा।”

खास चेलन 26:17

अउर हम तोंहईं तोंहरे जाति के मनइन से, अउर गैरयहूदी लोगन से बचाबत रहब, जिनखे लघे अब हम तोंहईं एसे पठइत हएन।

खास चेलन 26:22

पय परमातिमा के सहायता से हम आज तक जिन्दा हएन, अउर छोट-बड़े सगलेन के आँगे गबाही देइत हएन, अउर उन बातन काहीं छोंड़िके कुछू नहीं कही, जउन परमातिमा के सँदेस बतामँइ बाले अउर मूसा घलाय कहिन, कि ऊँ पूर होंइ बाली हईं।

खास चेलन 9:16

अउर हम उनहीं बताउब, कि हमरे नाम के खातिर उनहीं कइसा-कइसा दुख उठामँइ परी।”

रोमियन 15:31

कि जउने यहूदिया प्रदेस के ऊँ मनइन से, जउन परमातिमा के ऊपर बिसुआस नहीं करँय, उनखे हाँथ से परमातिमा हमहीं बचामँइ, अउर यरूसलेम सहर के बिसुआसी भाई-बहिनिन के खातिर, जउन दान हम लए जइत हएन, ओही ऊँ पंचे बड़े आनन्द के साथ सोइकार करँय।

2 कुरिन्थियन 1:5

काहेकि हम पंचे जइसन मसीह के दुखन माहीं जेतनय जादा भागीदार बनत जइत हएन, ओतनय जादा हम पंचे सान्ती माहीं घलाय मसीह के द्वारा भागीदार बनित हएन।

2 कुरिन्थियन 1:7

अउर तोंहरे पंचन के बारे माहीं, हमहीं पंचन काहीं पूर आसा ही, काहेकि हम पंचे जानित हएन, कि जइसन तूँ पंचे हमरे दुखन माहीं भागीदार हया, उहयमेर सान्ती के घलाय भागीदार हया।

2 कुरिन्थियन 12:10

इहय कारन से हम मसीह के खातिर अपने कमजोरिन माहीं, अपमान सहँइ माहीं, अउर गरीबी माहीं, अउर अपने ऊपर होंइ बाले अत्याचारन माहीं, अउर दुख-मुसीबतन माहीं, खुसी रहित हएन। काहेकि जब हम निबल होइत हएन, तबहिन हमहीं बल मिलत हय।

2 तीमुथियुस 4:7

जइसन एकठे पहिलमान नेम से कुस्ती लड़िके जीतके इनाम पाबत हय, उहयमेर जउन काम परमातिमा हमहीं दिहिन रहा हय, ओही हम निकहा से पूर कइ चुकेन हय, अउर हम उआ काम काहीं पूरे बिसुआस के साथ किहेन हय।

2 पतरस 2:9

इआमेर से प्रभू, अपने भक्तन काहीं परिच्छा म से निकारब, अउर अपने हुकुम न मानँइ बालेन काहीं, अपने न्याय करँइ के दिन तक, सजा के दसा माहीं रक्खब घलाय जानत हें।