2 तीमुथियुस 2:8 - Bagheli Bible

⁸ अउर यीसु मसीह काहीं सुधि रक्खा, जउन दाऊद के कुल माहीं जनम लिहिन, अउर मरिके जिन्दा होइगें; इहय खुसी के खबर आय, जेखर हम प्रचार करित हएन।

2 तीमुथियुस 2:8 ပူးပေါင်းရင်းမြစ်များ

मत्ती 1:1

अब्राहम अउर राजा दाऊद के सन्तान यीसु मसीह के बंसाबली इआमेर से हय,

लूका 24:46

अउर यीसु कहिन, “पबित्र सास्त्र माहीं लिखा हय, कि मसीह दुख उठइहँय, अउर मरिके तिसरे दिन जिन्दा होइ जइहँय,

खास चेलन 13:23

उनहिन के बंस म से परमातिमा अपने वादा के मुताबिक, इजराइल माहीं मुक्ती देंइ बाले के रूप माहीं, यीसु काहीं पठइन।

खास चेलन 2:24

पय उनहिन काहीं परमातिमा मउत के बन्धन से छोड़ाइके, पुनि जिआय दिहिन, काहेकि उनखे खातिर इआ सम्भव नहीं रहा, कि मउत उनहीं अपने काबू माहीं रख सकय।

खास चेलन 2:30

काहेकि ऊँ परमातिमा के सँदेस बतामँइ बाले रहे हँय, अउर जानत रहे हँय, कि परमातिमा कसम खाइके उनहीं बचन दिहिन हीं, कि उनखे बंस म से एक जने काहीं उनखे राजगद्दी माहीं बइठाउब।

रोमियन 16:25

अउर परमातिमा के बड़ाई होय, हम यीसु मसीह के बारे माहीं जउने खुसी के खबर काहीं तोंहईं पंचन काहीं बतायन हय, ओहिन के मुताबिक तोंहईं पंचन काहीं उँइन बिसुआस माहीं मजबूत कइ सकत हें, अउर परमातिमा के इआ रहस्यपूर्न सत्य जुगन-जुगन से छिपा रहा हय।

रोमियन 2:16

इआ सब उआ दिना प्रगट कीन जई, जब परमातिमा, हमरे सुनाए खुसी के खबर के मुताबिक, यीसु मसीह के द्वारा मनइन के गुप्त बिचारन के न्याय करिहँय।

1 कुरिन्थियन 15:1

हे भाई-बहिनिव, हम तोहँई पंचन काहीं जउन खुसी के खबर पहिले सुनाए रहेन हँय, अउर जउने काहीं तूँ पंचे सोइकार घलाय किहा तय, अउर जउने के मुताबिक अबय तक चलतेव हया, त उहय खुसी के खबर हम पुनि सुनाइत हएन।

1 कुरिन्थियन 15:4

अउर उनहीं गाड़ दीन ग, अउर पबित्र सास्त्र माहीं लिखे बचन के मुताबिक, ऊँ तिसरे दिना जिन्दा होइगे हँय।

2 थिस्सलुनीकियन 2:14

इहय मुक्ती काहीं पामँइ के खातिर परमातिमा के जउन खुसी के खबर हम पंचे तोंहईं बताएन तय, ओहिन के व्दारा परमातिमा तोंहईं बोलाइन हीं, कि तूँ पंचे हमरे प्रभू यीसु मसीह के महिमा काहीं पाबा।

1 तीमुथियुस 1:11

इआ सिच्छा परम धन्य परमातिमा के महिमा के उआ खुसी के खबर के मुताबिक ही, जउने के प्रचार करँइ के जिम्मेबारी हमहीं सँउपी गे ही।

1 तीमुथियुस 2:7

हम बेलकुल सही कहित हएन, लबरी नहीं बोली, हम इहय खुसी के खबर सुनामँइ के खातिर, यीसु मसीह के पठए खास चेला आहेन, अउर गैरयहूदी लोगन काहीं, परमातिमा के ऊपर बिसुआस करँइ के सत्य बचन के उपदेस सुनामँइ के खातिर, हम चुने गएन हँय।

2 तीमुथियुस 1:8

एसे तूँ प्रभू के बारे माहीं दुसरेन काहीं बतामँइ माहीं न लजा, अउर न हमहिन से लजा, जउन खुसी के खबर सुनामँइ के कारन जेल माहीं बंद हएन, पय परमातिमा के दिहे सामर्थ के मुताबिक खुसी के खबर काहीं सुनामँइ के खातिर, हमरे कि नाईं दुख उठाबा,

2 तीमुथियुस 2:7

जउन हम कहित हएन, ओखे ऊपर ध्यान द्या, अउर प्रभू तोहईं सगली बातन काहीं समझँइ के बुद्धी देइहँय।

दरसनन के बातँय 5:5

तब ऊँ अँगुअन म से एक जने हमसे कहिन, “न रोबा; देखा, यहूदा के कुल के उआ सेर, जउन राजा दाऊद के बंसज आहीं, उआ किताब काहीं खोलँय, अउर ओखर सातँव मोहर टोरँइ के खातिर बिजयी भे हँय।”