2 तीमुथियुस 2:4 - Bagheli Bible

⁴ जब कउनव सिपाही लड़ाई माहीं जात हय, त उआ इआ कोसिस करत हय, कि अपने अधिकारी काहीं खुस करय, अउर खुद काहीं लड़ाई के काम के अलाबा, संसार के दुसरे कामन माहीं मन नहीं लगाबय।

2 तीमुथियुस 2:4 ပူးပေါင်းရင်းမြစ်များ

लूका 8:14

जउन बीज जरबइला माहीं गिरें, ऊँ ईं आहीं, जउन परमातिमा के बचन काहीं सुनिन, अउर आँगे चलिके घर-परिबार के चिन्ता, अउर धन के लालच, अउर जीबन के सुख-बिलास माहीं फँसिके परमातिमा के बचन काहीं बिसराय देत हें, अउर परमातिमा के आसीस नहीं पामँय। अउर बिना फर के बिरबा कि नाईं होइ जात हें।

2 कुरिन्थियन 5:9

इआ कारन से हम पंचे इहय चाहित हएन, कि चाह इआ देंह माहीं रही, चाह न रही, पय प्रभू काहीं निकहा लागत रही।

गलातियन 5:1

मसीह, हमहीं पंचन काहीं मूसा के बिधान के गुलामी से अजाद किहिन हीं, एसे एहिन माहीं स्थिर बने रहा, अउर पुनि मूसा के बिधान के गुलामी माहीं न फँसा।

1 थिस्सलुनीकियन 2:4

पय जइसन परमातिमा हमहीं पंचन काहीं काबिल ठहराइके खुसी के खबर सँउपिन हीं, हम पंचे उहयमेर बखान करित हएन; अउर एमाहीं मनइन काहीं नहीं, बलकिन परमातिमा काहीं, जउन हमरे पंचन के मनन काहीं जाँचत हें, प्रसन्न करित हएन।

2 तीमुथियुस 4:10

काहेकि देमास इआ संसार के बातन काहीं पियार जानिके हमहीं छोंड़ि दिहिस ही, अउर थिस्सलुनीके सहर काहीं चला ग हय। क्रेसकेंस गलातिया प्रदेस काहीं अउर तीतुस दलमतिया प्रदेस काहीं चला ग हय।

2 पतरस 2:20

एसे कि जब ऊँ पंचे हमरे पंचन के प्रभू अउर मुक्ती देंइ बाले, यीसु मसीह के ऊपर बिसुआस किहे के द्वारा संसार के अनेकव प्रकार के बुराइन से बच निकरें तय, अउर पुनि ओहिन माहीं फँसिके हार गे हँय, त उनखर दसा पहिले से अउर जादा खराब होइगे ही।