2 तीमुथियुस 2:3 - Bagheli Bible

³ अउर यीसु मसीह के सच्चे सिपाही कि नाईं, हमरे साथ दुख उठाबा।

2 तीमुथियुस 2:3 ပူးပေါင်းရင်းမြစ်များ

खास चेलन 23:31

एसे जइसन सिपाहिन काहीं हुकुम दीन ग रहा हय, उहयमेर पवलुस काहीं अपने साथ माहीं लइके, रातव रात अन्तिपत्रिस सहर माहीं पहुँचाय दिहिन।

1 कुरिन्थियन 13:7

अउर उआ अपने जीबन माहीं सगली बातन काहीं सहि लेत हय, हरेक बातन माहीं परमातिमा के ऊपर बिसुआस रक्खत हय, अउर हरेक बातन माहीं परमातिमा के ऊपर आसा रक्खत हय, अउर उआ हमेसा सगली बातन माहीं धीरज रक्खत हय।

1 कुरिन्थियन 9:7

अउर कउन अइसन मनई हय, जउन अपनेन कमाई से खाइके सेना माहीं सिपाही के काम करत हय? अउर कउन अइसन किसान हय, जउन अंगूर के बगिया लगाइके ओखर फर नहीं खाय? अउर कउन अइसन मनई हय, जउन बोकरिन अउर गड़रन काहीं पाल-पोसिके उनखर दूध नहीं पिअय?

2 कुरिन्थियन 1:6

अगर हम पंचे खुब कस्ट पाइत हएन, त इआ तोंहरे पंचन के मुक्ती अउर सान्ती के खातिर आय, अउर अगर सान्ती पाइत हएन, त इहव तोंहरे सान्ती के खातिर आय; इहय सान्ती के असर से तुहूँ पंचे घलाय, धीरज के साथ उन दुखन काहीं सहि लेते हया, जिनहीं हमहूँ पंचे घलाय सहित हएन।

1 तीमुथियुस 1:18

हे बेटा तीमुथियुस, उन परमातिमा के सँदेस बतामँइ बालेन के बातन के मुताबिक, जउन बात पहिलेन तोंहरे बारे माहीं बताई गई रही हँय, हम इआ हुकुम देइत हएन, कि तूँ उनहिन कि नाईं उनखर बिरोध करा, जउन अनुचित सिच्छा सिखाबत हें, अउर सत्य बचन के सिच्छा देत रहा। जइसन सिपाही युद्ध माहीं जीतँय के खातिर निकही लड़ाई लड़त हय।

2 तीमुथियुस 1:1

हम पवलुस आहेन, हे तीमुथियुस इआ चिट्ठी हम तोंहईं लिख रहेन हय, जउन तूँ हमरे पियार लड़िका कि नाईं हया, जउन अनन्त जीबन देंइ के वादा परमातिमा किहिन रहा हय, ओखे मुताबिक जेतने जने प्रभू यीसु मसीह के ऊपर बिसुआस करत हें, उनहीं बतामँइ के खातिर, परमातिमा के इच्छा से, हम यीसु मसीह के खास चेला आहेन।

2 तीमुथियुस 1:8

एसे तूँ प्रभू के बारे माहीं दुसरेन काहीं बतामँइ माहीं न लजा, अउर न हमहिन से लजा, जउन खुसी के खबर सुनामँइ के कारन जेल माहीं बंद हएन, पय परमातिमा के दिहे सामर्थ के मुताबिक खुसी के खबर काहीं सुनामँइ के खातिर, हमरे कि नाईं दुख उठाबा,

2 तीमुथियुस 2:10

इहय कारन से हम परमातिमा के चुने लोगन के खातिर, हरेक दुख-मुसीबत काहीं उठाबत रहित हएन, जउने ऊँ पंचे घलाय मसीह यीसु के ऊपर बिसुआस करे से जउन मुक्ती मिलत ही, ओही अनन्त महिमा समेत पामँय।

2 तीमुथियुस 2:9

खुसी के खबर के खातिर हम अपराधी कि नाईं दुख उठाइत हएन, इहाँ तक कि हम जेल माहीं घलाय बंद हएन; पय तूँ इआ जानिल्या, कि परमातिमा के बचन काहीं फइलँय से कोऊ नहीं रोंक सकय।

2 तीमुथियुस 3:11

अउर जब हम अन्ताकिया सहर, इकुनियुम अउर लुस्त्रा सहरन माहीं रहेन हय, तब उहाँ के मनई हमहीं खुब मारिन-पीटिन रहा हय, इहाँ तक कि मारि डारँइ चाहत रहे हँय, उनखे अलाबव दुख-मुसीबत परे हँय, जिनहीं हम सहेन रहा हय, पय प्रभू हमार उन सगलेन से रच्छा किहिन हीं।

2 तीमुथियुस 4:5

पय तूँ ईं सगली बातन से सचेत रहा, दुख-मुसीबत सहा, अउर खुसी के खबर के प्रचार के काम करा, अउर जउन सेबा तोहईं सउँपी गे ही, ओही पूर करा।

फिलेमोन 1:2

अउर बहिनी अप्फिया, अउर हमरे पंचन के साथ माहीं सिपाही कि नाईं काम करँइ बाले भाई अरखिप्पुस, अउर फिलेमोन के घर माहीं लागँइ बाली मसीही मन्डली के मनइन काहीं मिलय।

इब्रानियन 10:32

पय तूँ पंचे ऊँ दिनन काहीं सुधि करा, जब तूँ पंचे मसीह के ऊपर बिसुआस किहा तय, अउर दुख- बिपत्तिन माहीं घलाय बिसुआस माहीं मजबूती के साथ अटल रहे हया।

इब्रानियन 11:27

अउर मूसा काहीं परमातिमा के ऊपर पूर बिसुआस रहा हय, एहिन से ऊँ मिस्र के राजा के क्रोध से नहीं डेरानें, अउर मिस्र देस काहीं छोंड़िके चलेगें, अउर अइसन जान परत रहा हय, कि ऊँ न देखाँइ बाले परमातिमा काहीं देखत हें, अउर बिसुआस माहीं अटल रहिगें।

इब्रानियन 6:15

अउर इआमेर से अब्राहम धीरज धइके, परमातिमा के द्वारा कीन वादा के बात काहीं पाइन।

याकूब 1:12

उआ मनई धन्य हय, जउन परिच्छा माही अटल रहत हय, काहेकि परिच्छा माहीं खरा उतरे के बाद, उआ जीबन के मुकुट पाई, जउने काहीं परमातिमा अपने प्रेम करँइ बालेन काहीं, देंइ के बचन दिहिन हीं।