अउर उहइमेर जब्दी के लड़िका याकूब अउर यूहन्ना काहीं घलाय बड़ा अचरज भ, जउन समौन के साथ मछरी मारँइ माहीं भागीदार रहे हँय। तब यीसु समौन से कहिन, “डेरा न, अब से तूँ परमातिमा के खातिर मनइन काहीं तइआर कइके लइ आमँइ बाले बनिहा।”
जब यीसु अउर उनखर चेला लोग साँझिके खाना खाँइ बइठ रहे हँय, उआ समय तक सइतान समौन इस्करियोती के लड़िका, यहूदा इस्करियोती के मन माहीं इआ बिचार डार चुका तय, कि उआ यीसु काहीं धोखे से पकड़ाबय।
कि तूँ उनखर आँखी खोला, जउने ऊँ पंचे अँधिआर से जोति कइती, अउर सइतान के अधिकार से परमातिमा कइती फिरँय; एसे उनहीं पापन से माफी मिली, अउर उन मनइन के बीच माहीं जघा पइहँय, जउन हमरे ऊपर बिसुआस किहे के कारन पबित्र कीन गे हँय।’
इआ जानिके पतरस उनसे कहिन, “हे हनन्याह! सइतान काहीं अपने मन माहीं इआ बात काहे डारँय दिहा, कि तूँ पबित्र आत्मा से झूँठ बोला, अउर जमीन बेंचे से जउन दाम मिला हय, ओमा से कुछ हिस्सा बचाइके अपने लघे रख लिहा हय?
एसे तूँ पंचे होस माहीं आय जा, अउर निकहा जीबन जिआ, पाप करब बंद कइ द्या; अउर तोंहरे पंचन म से कुछ जने अइसन हें, कि ऊँ पंचे परमातिमा के सच्ची सिच्छन काहीं नहीं जानँय; अउर इआ बात हम तोहईं पंचन काहीं सरमिन्दा करँइ के खातिर कहित हएन।
अउर मसीही मन्डली के अलाबव, गाँव समाज के मनइव ओखर मान-सम्मान करत होंय, अइसन न होय कि उआ निन्दित होइके, जइसा पंछी सिकारी के जाल माहीं फँसि जात हय, उहइमेर उहव सइतान के जाल माहीं फँसि जाय।