2 तीमुथियुस 2:24 - Bagheli Bible

²⁴ अउर प्रभू के सेबक काहीं झगड़ालू न होंइ चाही, बलकिन सगले मनइन के साथ कोमलता के बेउहार करँइ, अउर परमातिमा के बचन काहीं निकहा से सिखामँइ बाला होंइ चाही, अउर हरेक बातन काहीं सहँइ बाला होंइ चाही।

2 तीमुथियुस 2:24 ပူးပေါင်းရင်းမြစ်များ

मत्ती 12:19

ईं न त कोहू से लड़ाई-झगड़ा करिहँय, अउर न चन्डे से चिल्लाबय करिहँय; अउर न कोऊ बजारन माहीं इनखर बोलय सुनी।

यूहन्ना 6:52

इआ बात काहीं सुनिके यहूदी लोग, इआ कहिके आपस माहीं बहँस करँइ लागें, कि “इआ मनई कइसन हमहीं पंचन काहीं आपन माँस खाँय काहीं दइ सकत हय?”

खास चेलन 15:2

तब पवलुस अउर बरनबास के उनसे खुब बाद-बिबाद अउर झगड़ा भ, तब सभा माहीं इआ निस्चित कीन ग, कि पवलुस अउर बरनबास अउर हमरे पंचन म से कुछ जने, इआ बात के बारे माहीं यरूसलेम सहर माहीं, यीसु के खास चेलन अउर मुखिअन के लघे जाँय।

खास चेलन 23:9

तब बड़ा हल्ला मचिगा, अउर मूसा के बिधान सिखामँइ बाले कुछ जने जउन फरीसी लोगन के दल के रहे हँय, ठाढ़ होइके इआमेर कहिके झगड़ा करँइ लागें, कि “हम पंचे इआ मनई माहीं कउनव बुराई नहीं पाई; अउर अगर कउनव आत्मा, इआ कि स्वरगदूत उनसे बात किहिन हीं, त एसे का भ?”

खास चेलन 7:26

दुसरे दिन जब ऊँ पंचे आपस माहीं लड़त रहे हँय, तब मूसा उहाँ आइगें; अउर इआ कहिके, उनहीं मेल करामँइ के खातिर समझाइन, कि ‘हे भाइव, तूँ पंचे त भाई-भाई आह्या, एक दुसरे के ऊपर अन्याय काहे करते हया?’

2 कुरिन्थियन 10:1

हम पवलुस यीसु मसीह कि नाईं नम्र अउर दीन होइके तोंहसे पंचन से बिनती करित हएन, जबकि हमरे पीठ पीछे कुछ मनई कहत हें, कि हम डरपोक हएन। पय हम इआ लिखी चिट्ठी माहीं खुब निडर देखइत हएन।

2 कुरिन्थियन 10:4

काहेकि हम पंचे जउने हँथिआरन से युद्ध लड़ित हएन, ऊँ इआ संसार के न होंहीं, बलकिन उन माहीं किलन काहीं तहस-नहस कइ देंइ के खातिर परमातिमा के सक्ती भरी हय।

2 कुरिन्थियन 6:4

बलकिन हम पंचे परमातिमा के सेबक के रूप माहीं, खुद काहीं निकहा साबित करित हएन, बड़े धीरज के साथ दुख-मुसीबत माहीं, गरीबी माहीं, संकटन माहीं,

गलातियन 5:22

अउर पबित्र आत्मा के फर इआमेर से हँय जइसन, प्रेम करब, आनन्दित रहब, मिल-जुलिके रहब, धीरज धरब,

इफीसियन 4:2

अरथात हमेसा दीनता अउर नम्रता के साथ जीबन जिआ, अउर प्रेम के साथ धीरज धइके एक दुसरे के गलतिन काहीं सहि ल्या।

फिलिप्पियन 2:14

एसे बिना सिकाइत किहे, अउर बिना बाद-बिबाद किहे, सगले कामन काहीं करत रहा।

फिलिप्पियन 2:3

आपस माहीं बिरोध इआ कि झूँठी बड़ाई पामँइ के खातिर कुछू न करा, पय नम्रता के साथ एक दुसरे काहीं अपने से निकहा समझा।

कुलुस्सियन 3:13

अउर अगर तोंहरे बीच म से कोऊ गलती किहिस होय, त एक दुसरे के गलतिन काहीं सहि ल्या, अउर एक दुसरे के अपराधन काहीं माफ कइ द्या, जइसन परमातिमा तोंहरे अपराधन काहीं माफ किहिन हीं, उहयमेर तुहूँ पंचे घलाय करा।

1 थिस्सलुनीकियन 2:7

पय जउनमेर महतारी अपने लड़िकन काहीं पालत-पोसत ही, उहयमेर हमहूँ पंचे घलाय तोंहरे बीच माहीं रहिके नम्रता देखायन हय।

1 तीमुथियुस 6:11

पय हे परमातिमा के भक्त, तीमुथियुस, तूँ त ईं बातन से दूरिन रहा; अउर धारमिक बनँइ के पूर कोसिस करा, अउर हमेसा परमातिमा के भक्ती करा, अउर यीसु मसीह के ऊपर बिसुआस रक्खा, अउर सगलेन से प्रेम करा, अउर धीरज रक्खा, अउर नम्र बने रहा।

तीतुस 1:1

हम पवलुस आहेन, हे तीतुस, इआ चिट्ठी हम तोंहईं लिख रहेन हँय, जउन परमातिमा के सेबक आहेन, अउर यीसु मसीह के चुने खास चेला आहेन, परमातिमा जिनहीं चुनिन हीं, ऊँ लोगन काहीं बिसुआस के बारे माहीं, अउर जउन सत्य बचन उनहीं भक्ती के मुताबिक, जीबन जिअँइ के खातिर मदत करत हय, उआ सिखामँइ के खातिर हमहीं पठबा ग हय।

तीतुस 1:7

मसीही मन्डली के अध्यच्छ काहीं, जेही परमातिमा मसीही मन्डली के लोगन के देख-रेख करँइ के काम सउँपिन हीं, एसे उनहीं बेकसूर होंइ क चाही; अउर ऊँ अड्डी न होंय, अउर न गुस्सइल होंय, अउर न झगड़लुअय होंय, अउर न दारुअय पिअँइ बाले होंय, अउर गलत काम कइके पइसा कमाँय बाले न होंय।

तीतुस 1:9

अउर जउन बिसुआस के काबिल परमातिमा के बचन हय, जउने काहीं हम तोंहईं सिखायन हय, ओहिन के मुताबिक ऊँ बिसुआस माहीं अटल रहँय, जउने ऊँ लोगन काहीं खरी सिच्छा से उपदेस दइ सकँय, अउर जउन लोग खरी सिच्छा के उपदेस के बिरोध करत हें, उनहीं गलत साबित कइके उनखर मुँह बंद कइ सकँय।

तीतुस 3:2

अउर कोहू काहीं बदनाम न करँय, लड़ाई-झगड़ा करँइ बाले न बनँय; बलकिन कोमल सुभाव के होंय, अउर सगले मनइन के साथ नम्र बेउहार करँय।

याकूब 1:1

परमातिमा के अउर प्रभू यीसु मसीह के दास याकूब के तरफ से, उन बरहँव कुलन काहीं, जउन सगले संसार माहीं तितर-बितर होइके रहत हें, नबस्कार पहुँचय।

याकूब 3:17

पय जउन ग्यान परमातिमा के तरफ से आबत हय, उआ पहिले त पबित्र होत हय, अउर मिलनसार, कोमल अउर मीठ बोलँइ बाला अउर दयालू, अउर निकहे फर से लदा, अउर बिना पच्छपात के, अउर बिना कपट के होत हय।

याकूब 4:2

तूँ पंचे चहते त हया, पय तोंहईं मिल नहीं पाबय, काहेकि तोंहरे मन माहीं इरसा हय, अउर तूँ पंचे दुसरे के कतल करते हया, तऊ जउन चहते हया, उआ तोंहईं मिल नहीं पाबय, एहिन से लड़ाई-झगड़ा करते हया, अउर अपने मनचाही चीजन काहीं पउते नहिं आह्या, काहेकि तूँ पंचे उनहीं परमातिमा से नहीं मगते आह्या?

1 पतरस 3:8

एसे सगले जन एक मन रहा, अउर एक दुसरे के ऊपर किरपा करत रहा, अउर आपस माहीं भाईचारा के प्रेम बनाए रहा, अउर दयालू, अउर नम्र बना।

यहूदा 1:3

हे पियार साथिव, हम पंचे जउने मुक्ती माहीं भागीदार हएन, हम ओखे बारे माहीं बड़े मेहनत के साथ, तोंहईं पंचन काहीं लिखँइ के पूरी कोसिस करत रहे हएन, पय हमहीं अब इआ जान परा, कि इआ चिट्ठी के द्वारा तोंहसे पंचन से इआ बिनती करी, कि तूँ पंचे उआ बिसुआस के खातिर संघर्स करा, जउन हमेसा के खातिर संतन काहीं सउँपा ग हय।