2 तीमुथियुस 2:20 - Bagheli Bible

²⁰ कउनव बेउहर के घर माहीं, केबल सोन-चाँदिन भर के नहीं, बलकिन लकड़ी अउर माटिव के बरतन घलाय होत हें; पय कुछ बरतन निकहे कामन माहीं, अउर कुछ साधारन कामन माहीं उपयोग कीन जात हें।

2 तीमुथियुस 2:20 ပူးပေါင်းရင်းမြစ်များ

यूहन्ना 8:49

तब यीसु उनहीं जबाब दिहिन, कि “हमरे भीतर बुरी आत्मा नहिं आय; बलकिन हम त अपने पिता के आदर करित हएन, अउर तूँ पंचे हमार निरादर करते हया।

रोमियन 9:20

अउर हे भाई, तूँ को आह्या? तूँ त केबल मनई आह्या, जउन परमातिमा काहीं उल्टहाव देते हया? त इआ बताबा, कि का कउनव बनी चीज अपने बनामँइ बाले से कहि सकत ही, कि तूँ हमही अइसा काहे बनए हया?

1 कुरिन्थियन 3:9

काहेकि हम पंचे परमातिमा के साथ काम करँइ माहीं साझीदार हएन; अउर तूँ पंचे परमातिमा के खेत अउर उनखे घर कि नाईं हया।

2 कुरिन्थियन 4:7

काहेकि परमातिमा अपने असीमित सामर्थ काहीं, हमरे पंचन के देंह के अंदर रक्खिन हीं, जउन टूटँइ बाले माटी के बरतनन कि नाईं हईं, कि जउने इआ साबित होइ जाय, कि इआ सामर्थ हमार पंचन के न होय, बलकिन परमातिमय के आय।

इफीसियन 2:22

जउने माहीं पबित्र आत्मा के द्वारा, परमातिमा के निबास करँइ के खातिर एक साथ बनाए जाय रहे हया।

1 तीमुथियुस 3:15

कि अगर हमरे आमँइ माहीं समय लग जाय, त तूँ जान लिहा, कि परमातिमा के घराना माहीं, जउन जिन्दा परमातिमा के मसीही मन्डली आय, अउर मसीही मन्डलिन, सत्य के नेव अउर खम्भा आय, ओमाहीं मनइन के आचरन कइसन होंइ चाही, इआ जानिल्या।

1 पतरस 2:5

अउर तुहूँ पंचे खुदय जिअत पथरा कि नाईं, आत्मिक घर बनाए जाय रहे हया, जउने याजकन के पबित्र समाज बनिके, अइसन आत्मिक बलिदान चढ़ाबा, जउन यीसु मसीह के द्वारा परमातिमा काहीं सोइकार होय।