2 तीमुथियुस 2:16 - Bagheli Bible

¹⁶ जउन मनई परमातिमा के बिरोध माहीं बात कहत हें, उनसे तूँ बचे रहा, काहेकि इआमेर के मनई, अउरव अभक्ती माहीं बढ़त जइहँय।

2 तीमुथियुस 2:16 ပူးပေါင်းရင်းမြစ်များ

1 कुरिन्थियन 15:33

अउर जे कोऊ अइसन कहत हें, त उनखे बातन माहीं परिके, धोखा न खया, काहेकि “बुरी संगति निकहे चरित्र काहीं बिगाड़ देत ही।”

1 कुरिन्थियन 5:6

अउर तूँ पंचे, जउन घमन्ड से फूले हया, त इआ उचित न होय; का तूँ पंचे इआ नहीं जनते आह्या, कि पिसान माहीं थोरी क खमीर मिलाए से, सगला माड़ा पिसान खमीर कि नाईं आमिल होइ जात हय।

1 तीमुथियुस 1:9

इआ जानिके कि परमातिमा के दीन मूसा के बिधान के नेम सही काम करँइ बालेन काहीं सुधारँय के खातिर नहीं, बलकिन अधरमिन, बिद्रोहिन, अउर जउन परमातिमा के अराधना नहीं करँय, पापिन, अउर जउन पबित्र जीबन नहीं जिअँइ, असुद्ध मनइन, अउर महतारी-बाप के कतल करँइ बाले, कतलिन,

1 तीमुथियुस 4:7

पय तूँ बुढ़ान मनइन के व्दारा सुनाई जाँय बाली उन मनगढ़ंत किस्सा-कहानिन से दूरी रहा, जिनखर परमातिमा के बचन से कउनव लेन-देन नहिं आय, अउर परमातिमा के सत्य सिच्छा मनइन काहीं सिखामँइ माहीं लगे रहा।

1 तीमुथियुस 6:20

हे तीमुथियुस, हम तोहईं जउन सत्य बचन सउँपेन हँय, उनहीं सगले मनइन काहीं सिखाबत रहा, अउर जउन सिच्छा परमातिमा के बिरोध माहीं हय, उआ सिच्छा के फालतू बातन से तूँ दूरी रहा,

2 तीमुथियुस 2:14

जउने बातन काहीं हम तोहईं बताएन हय, उनहीं बिसुआसी मनइन काहीं सुध देबाबा, अउर प्रभू काहीं गबाह मानिके उनहीं चेताय द्या, कि बचन के सब्दन काहीं लइके फालतू बहँस न करँय, काहेकि इनसे कउनव फायदा नहीं होय; बलकिन सुनँइ बाले बिसुआस से भटक जात हें।

2 तीमुथियुस 2:21

एसे अगर कउनव मनई खुद काहीं बुराइन से सुद्ध करी, त उआ निकहे कामन माहीं काम आमँइ बाले बरतन कि नाईं पबित्र ठहरी, अउर अपने मालिक के काम अई, अउर हरेक निकहे कामन के खातिर तइआर रही।

2 तीमुथियुस 3:13

पय गलत सिच्छा देंइ बाले, अउर दुसरेन काहीं मसीह के बिसुआस से भटकामँइ बाले, दुसरेन काहीं धोखा देत, अउर खुद धोखा खात, मसीह के बचन से दूर होत चले जइहँय।

तीतुस 1:11

इआमेर के मनइन काहीं गलत साबित कइके उनखर मुँह बंद करँइ चाही, काहेकि ईं लोग जादा पइसा कमाँय के खातिर, लोगन काहीं गलत सिच्छा दइके, पूरे घर के लोगन काहीं बिगाड़ देत हें।

तीतुस 1:14

अउर यहूदी लोगन के मनगढ़ंत कथा-कहानिन, अउर ऊँ मनइन के हुकुमन माहीं मन न लगाया, जउन परमातिमा के सत्य बचन से भटक जात हें।

तीतुस 3:9

पय मूर्खता के जउने बातन से बिबाद होत हें, अउर बंसाबलिअन के बिबाद से, अउर मूसा के बिधान के बातन से सम्बन्धित बिबादन से बँचे रहा, काहेकि ईं सगली बातन से कउनव फायदा नहीं होय, बलकिन नुकसानय होत हय।

इब्रानियन 12:15

अउर तूँ पंचे इआ बात के ध्यान रक्खा, कि कउनव मनई परमातिमा के किरपा से बंचित न रहि जाय, अउर इहव बात के ध्यान रक्खा, कि तोंहरे पंचन के बीच माहीं अइसन कउनव झगड़ा के जड़ न फूट निकरय, कि तोंहऊँ पंचन काहीं कस्ट होय, अउर खुब मनई बिसुआस से भटक जाँय।

2 पतरस 2:18

अउर ऊँ पंचे बेकार के घमन्ड बाली बातँय कइके, अउर अपने लुचपन के कामन के द्वारा, उनहीं अपने मन के बुरी इच्छन माहीं फसाय लेत हें, जउन भटकेन म से अबहिनय बिसुआस माहीं लउटि रहे हँय।

2 पतरस 2:2

अउर खुब मनई उनहिन कि नाईं लुच्चई करत फिरिहँय, अउर इनहिन के कारन सत्य के गइल के बदनामी होई।

दरसनन के बातँय 13:14

ऊँ चमत्कार के कामन के कारन, जिनहीं पहिल खतरनाक जानबर के आँगे देखामँइ के अधिकार ओही दीन ग रहा हय; उआ धरती के रहँइ बालेन काहीं, इआमेर भरमाबत रहा हय, अउर उनसे इआ कहत रहा हय, कि जउने खतरनाक जानबर के तलबार लगी रही हय, उआ जिन्दा होइगा हय, ओखर मूरत बनाबा।

दरसनन के बातँय 13:3

अउर हम ओखे मूँड़ेन म से, एकठे के ऊपर अइसन भयानक घाव लगा देखेन, त अइसन लागत रहा हय, कि उआ मरइन बाला हय; ओखे बाद ओखर जानलेबा घाव निकहा होइगा, अउर सगले धरती के मनई उआ खतरनाक जानबर के पीछे-पीछे अचरज मानत चलें।