2 तीमुथियुस 2:15 - Bagheli Bible

¹⁵ तूँ अइसन काम करँइ बाले बनँय के कोसिस करा, जउने परमातिमा के आँगे लजाँय न परय, बलकिन परमातिमा तोहईं अपने काम के काबिल समझँय, अउर तूँ परमातिमा के सत्य बचन काहीं निकहा से लोगन काहीं सिखामँइ बाले ठहरा।

2 तीमुथियुस 2:15 ပူးပေါင်းရင်းမြစ်များ

मत्ती 13:52

तब यीसु उनसे कहिन, कि “एसे हरेक यहूदी बिधान सिखामँइ बाला, जउन स्वरगराज के चेला बना हय, उआ, घर के उआ मालिक कि नाईं हय, जउन अपने भन्डार से नई अउर पुरान चीजँय निकारत हय।”

मरकुस 4:33

अउर यीसु उनहीं इआमेर के खुब उदाहरन दइ-दइके जेतना ऊँ पंचे समझ सकत रहे हँय, ओतनय परमातिमा के सँदेस बताबत रहे हँय,

लूका 12:42

तब प्रभू कहिन, “उआ बिसुआस के काबिल अउर बुद्धिमान सगले भन्डार के मालिक को कहाबत हय, उहय जेखर मालिक, ओही नोकर-चाकरन के ऊपर मुखिया बनामँय, कि उआ समय माहीं सगलेन काहीं खाँय बाली चीजन काहीं देय।

खास चेलन 2:22

हे इजराइल देस के रहँइ बाले मनइव, ईं बातन काहीं सुना, कि यीसु नासरी एकठे मनई रहे हँय, जिनखर परमातिमा के तरफ से होंइ के सबूत, उन सामर्थ के कामन, अउर अचरज के कामन, अउर चमत्कारन से प्रगट हय, जउन परमातिमा तोंहरे बीच माहीं, यीसु द्वारा कइके देखाइन हीं, जिनहीं तूँ पंचे खुदय जनते हया।

खास चेलन 20:27

काहेकि परमातिमा के पूरी इच्छा काहीं हम अपना पंचन काहीं पूरी तरह से बतामँइ माहीं कबहूँ नहीं हिचकिचानेन।

रोमियन 14:18

जे कोऊ अइसा जीबन जि के, मसीह के सेबा करत हय, त ओसे परमातिमा खुसी रहत हें, अउर सगले मनई ओखर मान-सम्मान करत हें।

रोमियन 16:10

अउर भाई अपिल्लेस काहीं जउन मसीह के सेबा माहीं खरे निकरे हँय, हमार नबस्कार कहि दिहा, अउर अरिस्तुबुलुस के घर माहीं रहँइ बाले बिसुआसी लोगन काहीं हमार नबस्कार कहि दिहा।

रोमियन 6:13

अउर अपने देंह के अंगन काहीं, अधरम के सेबा के खातिर अरथात बुरे कामन काहीं करँइ के खातिर पाप काहीं न सउँपा, बलकिन अपने-आप काहीं मरेन म से जिन्दा होइ जाँइ बाला समझिके परमातिमा काहीं सउँपि द्या, अउर अपने देंह के अंगन काहीं धारमिकता के कामन काहीं करँइ के साधन के रूप माहीं परमातिमा काहीं सउँपि द्या।

1 कुरिन्थियन 2:6

त जे कोऊ समझदार हें, उनहिन काहीं हम पंचे बुद्धी के बातँय सिखाइत हएन, अउर इआ बुद्धी इआ संसार के मनइन के बुद्धी न होय, अउर न त इआ संसार के नास होंइ बाले अधिकारिन के ग्यान आय।

2 कुरिन्थियन 10:18

काहेकि जउन मनई आपन बड़ाई खुदय करत हय, उआ नहीं, बलकिन जेखर बड़ाई प्रभू करत हें, उहय परमातिमा के द्वारा सोइकार कीन जात हय।

2 कुरिन्थियन 3:6

उँइन हमहीं पंचन काहीं नई करार के सेबक बनँइ के काबिल बनाइन हीं। मूसा के बिधान के सेबक नहीं, बलकिन पबित्र आत्मा के सेबक बनाइन हीं, काहेकि मूसा के बिधान मउत के सजा सुनाबत हय, पय पबित्र आत्मा जीबन देत हय।

2 कुरिन्थियन 4:2

पय हम पंचे लज्जित करँइ बाले, अउर गुप्त कामन काहीं छोंड़ि दिहेन हय, अउर अपने चतुराई से नहीं चली, अउर न त परमातिमा के बचन माहीं मिलबटय करित आहेन, बलकिन परमातिमा के नजर माहीं, सत्य काहीं सरल रूप से बताइके, हरेक मनइन के सोच-बिचार माहीं आपन भलाई बइठाइत हएन।

2 कुरिन्थियन 5:9

इआ कारन से हम पंचे इहय चाहित हएन, कि चाह इआ देंह माहीं रही, चाह न रही, पय प्रभू काहीं निकहा लागत रही।

गलातियन 1:10

का एसे तोंहईं पंचन काहीं अइसन लागत हय, कि हम मनइन काहीं प्रसन्न करँइ चाहित हएन? कि परमातिमा काहीं प्रसन्न करँइ चाहित हएन? पय तूँ पंचे इआ जानिल्या, कि अगर हम अबे तक मनइन काहीं प्रसन्न करत रहित, त मसीह के सेबक न होइत।

इफीसियन 1:13

जब तूँ पंचे उआ सत्य के बचन काहीं सुने रह्या हय, जउन तोंहईं पंचन काहीं मुक्ती देंइ के खुसी के खबर रहा हय, अउर जउने मसीह के ऊपर तूँ पंचे बिसुआस किहा तय, त जउने पबित्र आत्मा काहीं देंइ के वादा परमातिमा किहिन तय, उँइन मसीह के द्वारा पबित्र आत्मा के अदभुत चिन्हारी तोंहरे पंचन के ऊपर घलाय लगाई गे ही।

1 थिस्सलुनीकियन 2:4

पय जइसन परमातिमा हमहीं पंचन काहीं काबिल ठहराइके खुसी के खबर सँउपिन हीं, हम पंचे उहयमेर बखान करित हएन; अउर एमाहीं मनइन काहीं नहीं, बलकिन परमातिमा काहीं, जउन हमरे पंचन के मनन काहीं जाँचत हें, प्रसन्न करित हएन।

1 थिस्सलुनीकियन 5:14

अउर हे भाई-बहिनिव, हम पंचे तोंहईं समझाइत हएन, जिनखर चाल-चलन निकहा नहिं आय, उनहीं समझाबा, डरपोकन काहीं ढाढ़स द्या, कमजोरन काहीं सम्हारा, अउर सगलेन के साथ सहनसीलता देखाबा।

1 तीमुथियुस 4:6

हे तीमुथियुस, अगर तूँ ईं सगली बातन काहीं सगले बिसुआसी भाई-बहिनिन काहीं सुध देबाबत रइहा, त तूँ मसीह यीसु के निकहे सेबक कहइहा, जिनखर आत्मिक लालन-पालन, परमातिमा के ऊपर बिसुआस, अउर उहय सत्य सिच्छा के व्दारा होत हय, जेही तूँ अपनाए हया।

इब्रानियन 4:11

एसे हम पंचे उआ अराम के जघा माहीं जाँइ के खातिर पूर कोसिस करी, कहँव अइसा न होय, कि हमरे पंचन म से कोऊ, इजराइलिअन कि नाईं बन जाय, जउन परमातिमा के हुकुम काहीं न मानिके, अराम के जघा माहीं नहीं जाए पाइन तय।

याकूब 1:12

उआ मनई धन्य हय, जउन परिच्छा माही अटल रहत हय, काहेकि परिच्छा माहीं खरा उतरे के बाद, उआ जीबन के मुकुट पाई, जउने काहीं परमातिमा अपने प्रेम करँइ बालेन काहीं, देंइ के बचन दिहिन हीं।

याकूब 1:18

सत्य के बचन के व्दारा आपन सन्तान बनामँइ के खातिर, परमातिमा हमहीं पंचन काहीं चुनिन हीं, जउने हम पंचे सगले जन, सगले प्रानिन के बीच माहीं, उनखे फसल के पहिल फर साबित होई।

2 पतरस 1:10

एसे हे भाई-बहिनिव, इआ साबित करँइ के खातिर, अउर जादा कोसिस करा, कि तोंहईं पंचन काहीं, बास्तव माहीं परमातिमा के द्वारा बोलाबा ग हय, अउर चुना ग हय, काहेकि अगर तूँ पंचे ईं बातन काहीं करत रइहा, त न कबहूँ ठोकरय खइहा, अउर न त कबहूँ बिसुआस से भटकबय करिहा।

2 पतरस 1:15

एसे हम इआ कोसिस करब, कि हमरे मरे के बादव, तूँ पंचे ईं सगली बातन काहीं हमेसा सुध कइ सका।

2 पतरस 3:14

एसे हे पियार साथिव, जब तूँ पंचे ईं सगली बातन के आस लगाए हया, त इआ कोसिस करा, कि सान्ती के साथ प्रभू के आँगे निस्कलंक अउर निरदोस ठहरा।